Skip to content

Skip to secondary menu

Skip to table of contents

Jehovah’s Witnesses

Khana

Kpa Enɔānu Tɔɔ̄dum Le Tam Zue Ue  |  December 2016

 TƆƆ̄DUM DOODOO PYA NƐƐ KRAIST

Ina Beenyiɛ Pya Nɛɛ Tɛ̄maloo Kpa Akura “Keep Yourselves in God’s Love”

Ina Beenyiɛ Pya Nɛɛ Tɛ̄maloo Kpa Akura “Keep Yourselves in God’s Love”

NU ANUA ALU EBƐƐ̄: Lokwa pya nɛɛ dap taāŋabah Jɛhova bu sīdee a su, ba ɛrɛ enɔ pya nu a kɔ sa wa doo. (Ais 2:3, 4) Kpa akura “God’s Love,” lo eree baɛ kpa enɔ lɛɛ o liamaā, yerebah nɛ nɛɛ a gaa nɔ Baibol lo esuā kɛ̄ pya nu Bari i gbī aāba ɛrɛ nu edoo kumaloo i tɔɔ̄dum ziī ziī bira dee doo. (Hib 5:14) I ɛrɛ e piiga lo e ina beenyiɛ pya nɛɛ sɔ̄ i wa tɔgɛ nu, lokwa a dap lu ezū wa bu kaāna sīdee kɔ ba a kwa baloo wa dum.Rom 6:17.

KƐ̄ EDOO DOO:

  • Kpɛ̄naloo leere, sa su nu a bɛɛ̄ nɛɛ o gaa nɔɛ̄ nu seea nyiɛ. Bip pya ebip eyerebah anɛ kɔ o suā nu a gaa kɛɛrɛ le kɛ̄ nu ye tɔɔ̄loo doo bu lo nu enɔ.—Kam 20:5; be 259

  • Su pya ekpo ale bu lo kpa yeābah nɛ nɛɛ o gaa nɔɛ̄ nu kɔ a muɛ̄ kɛ̄ su pya zuurabahtɔ̄ ale bu Baibol yere bu ye dum dɔbiī doo

  • Yerebah nɛ nɛɛ o gaa nyɔɔnɛ nɔ Baibol kɔ a suā kɛ̄ ebiaɛfii nu doo, mɛ oa ye biaɛfii nu nɛ.Gal 6:5

  • Tɛ̄maloo buābee, suā sɔ̄ nɛɛ o gaa nyɔɔnɛ nɔ Baibol ɛrɛ ebɛɛ̄ lo esu pya nu Baibol kɔ yere bu ye dogo. Bu fɛgɛ, yere ye mɛm loo kɔ a kwa baloo nu dɛɛa nyɔɔ wereloo a ɛrɛ loo Jɛhova.—Kam 27:11; Jɔn 14:31