Skip to content

Skip to secondary menu

Skip to table of contents

Jehovah’s Witnesses

Khana

Kpa Enɔānu Tɔɔ̄dum Le Tam Zue Ue  |  Baɛ Enɔɔ̄ 2018

 TƆƆ̄DUM DOODOO PYA NƐƐ KRAIST

“Nwādɛɛ̄ O Tɛ Le O Ka”

“Nwādɛɛ̄ O Tɛ Le O Ka”

Sɔ̄ Jizɔs bee le a kɛnɛkɛ̄, a bee kɔ ue siī bah nyɔɔ lok a kɔ: “Nwādɛɛ̄ o tɛ le o ka.” (A’aa 20:12; Mat 15:4) Jizɔs bee dap kɔ ue ama kaāna nyɔnɛbee a wee “tɔɔ̄ kɛɛ̄” ye tɛ le ye ka sɔ̄ a bee le zege. (Luk 2:51) Sɔ̄ elua kagbara nɛɛ, a bee nɔɔ nu lokwa alu ekuūdɛɛ̄loo ye ka sɔ̄ alɛ naa lena.​—Jɔn 19:​26, 27.

Bu ilii dee ama, pya zege ba lu pya Nɛɛ Kraist lo ba gbaɛ̄tɔ̄loo wa tɛ le wa ka wee wa kɔ ue nɛ bu enwadɛɛ̄. Bu kaka, kuma naale loo lok a kɔ i nɛ enwadɛɛ̄ i tɛ le ka. Kere i tɛ le i ka e ana, i ɛrɛ ekiisī lo enɛ wa enwadɛɛ̄ tɛ̄maloo esu suānu i ebee wa ɛrɛ aāba daā nu. (Kam 23:22) I nɛnage enwadɛɛ̄ pya i tɛ le ka ba e ana tɛ̄maloo ekuū wa dɛɛ̄loo sa wa nɛ pya nu a wa bɛɛ̄. (1 Tim 5:8) Kere i le zege ale i e ana, nyɔnyɔɔnɛ pya i tɛ le ka kɔnia ue bu enwadɛɛ̄ lu ziī sīdee i wa nɛ enwadɛɛ̄.

SI EE VIDIO A LU ESU BAH TƆĀ NU BU A KURA BU MƐ SĪDEE NA M DAP KƆ UE NƐ NA TƐ LE NA KA ANI? LƐƐ BUI AGARA PYA EBIP A NYƆƆNƐ AMA:

  • E na anua edap a aga bah ekɔ ue nɛ o tɛ le o ka ani?

  • Bu mɛ sīdee na o dap nɛ enwadɛɛ̄ o tɛ le o ka sɔ̄ o gaa wa kɔ ue nɛ ani?

  • E na anua a lee enyɔɔnɛ o tɛ le o ka kɔnia ue ani? (Kam 15:22)

    Kɔ ue nɛ o tɛ le o ka dap a yerebah nɛ kɔ o kiisī leere bu dum