Skip to content

Skip to secondary menu

Skip to table of contents

Jehovah’s Witnesses

Khana

Life and Ministry Meeting Workbook  |  August 2017

 TƆƆ̄DUM DOODOO PYA NƐƐ KRAIST

Mɛ Sɔ̄ Na M Sikɛ̄ Sitam Doodoo Nɛɛ Sɛmdee Bu Nwī Kere Sɔ̄ Ani?

Mɛ Sɔ̄ Na M Sikɛ̄ Sitam Doodoo Nɛɛ Sɛmdee Bu Nwī Kere Sɔ̄ Ani?

Tɔkaɛ Ezekiel bee muɛ̄ bu mɔmanudɛɛ̄ tɔgɛ kɔ pya nɛɛ Jɛhova gaa le su loo wa nɛ bu esiatam. Bu mɛ sīdee na ziī ziī ii i su loo nɛ lo esu waara zɔɔ alu eka nɛ Bari ani?​—Hib 13:15, 16.

Ziī le sīdee edoo wo na lo esitam doodoo nɛɛ sɛmdee bu nwī kere sɔ̄. Zua esiatam 2018 aara gbɛnɛ-edo enɔɔ̄ a ɛrɛ O’oo Dee Nwīpīnikaɛ ale O’oo Deekaɛ. Lo ama elee loo pya a wee sitam beke lo ba wee si uwe zue ue aba takaɛ. Gbaānage loo wo, pya zue ue dap sagɛ lo a le ba esu 30 ale 50 awa zuema ue bu Taa le Nia enɔɔ̄ le sɔ̄ nɛɛ kuūdɛɛ̄loo sɛkiut wa le loo.

E lo a le i kɛ̄tɔɔ̄ naa lɛɛ i baloo kɔ i sitam sɛmdee bu nwī kere sɔ̄ ni a? I dap piiga lo enyimɛ kɛ̄ i wee sere baloo ezue ue doo yere loo sa sinage tam ee kɛ̄ i wee si doo. Kaɛlɛɛ ɛrɛgeba kɛ̄ i kɛ̄tɔɔ̄ mɛā doo, doolo wereloo i ɛrɛ loo Jɛhova i zū kɔ i sitam a lee eera ye nɛ bu zua esiatam 2018!​—Hos 14:2.

Bu mɛ sīdee na m dap nɔ mɛm Sabina Hernández bee ɛrɛ ani?

SI EE VIDIO AKURA M DAP DOO GBƐNƐ-EDO NU TƐ̄MALOO YEREBAH JƐHOVA, SA BUI AGARA PYA EBIP A NYƆƆNƐ AMA:

  • E na a bee zū Sabina kɔ a nyimɛ ye esiatam nɛ Jɛhova yere loo ani?

  • Bu mɛ sīdee na edoba Sabina a yere mɛm loo ani?

  • Bu zua esiatam 2018, pya amunu enɔɔ̄ na o dap sitam doodoo nɛɛ sɛmdee ani?