Skip to content

Skip to secondary menu

Skip to table of contents

Jehovah’s Witnesses

Khana

Kpa Enɔānu Tɔɔ̄dum Le Tam Zue Ue  |  August 2016

 TƆƆ̄DUM DOODOO PYA NƐƐ KRAIST

Nyimɛ I Kari Bu Tam Zue Ue—Yerebah nɛ pya nɛɛ o gaa Nɔɛ̄ Baibol kɔ ba a Nyim ina loo Kiīloo Nɛ le Liamaā

Nyimɛ I Kari Bu Tam Zue Ue—Yerebah nɛ pya nɛɛ o gaa Nɔɛ̄ Baibol kɔ ba a Nyim ina loo Kiīloo Nɛ le Liamaā

NU ANUA ALU EBƐƐ̄: Loe ɛrɛ yere kpotɛ̄ a aaba Jɛhova, pya a gaa nɔ Baibol ɛrɛ e kiīloo wa ye nɛ sa liamaā. (1 Pit. 3:21) Pya nɛɛ ba tɔɔ̄ nɛ wa kiīloo nɛ e ɛrɛ kpega a aaba Bari. (Yɔɔ 91:1, 2) Nɛɛ  Kraist kiīloo ye nɛ Jɛhova—naa doo nɛ nɛɛ, tam, ale bɔŋanaloo. Nyɔwo, a lu ebɛɛ̄ kɔ pya a gaa nɔ Kpa Kaɛ a nyimɛ wa wereloo le niā ba ɛrɛ loo Bari.—Rom. 14:7, 8.

KƐ̄ EDOO DOO:

  • Sɔ̄ bui gaa nɔnu, baatɛ̄ nu lo yere ue muuna siā kumaloo Jɛhova. Kɔ baatɛ̄ kɛ̄ buū Baibol le yere kara nɛ Jɛhova ‘dɛ̄dɛɛ̄ sɔ̄’ lu ebɛɛ̄ doo.—1 Tɛs. 5:17; Jem. 4:8

  • Yere mɛm loo nɛɛ o gaa nɔɛ̄ Baibol kɔ a su kiīloo nɛ le liamaā nua pya nu seea sī Bari ye gbī aāba. Yere nage bah ye nɛ kɔ a dap doo pya nu a bee seea sī bu nwīkere sɔ̄, doodoo agara ebip bu enɔānu ale zue ue nɛ pya ye nɛɛ yɛrɛ le, pya le ɛɛ gbaa sitam. Nyɛŋiabu kɔ, Jɛhova naa su bah ekpo aā lɔgɔ nɛɛ kɔ a taāŋa ye bah. Kiīloo nɛ lu biaɛfii ziī ziī nɛɛ doo.—Deut. 30:19, 20

  • Yere mɛm loo nɛɛ o gaa nɔɛ̄ Baibol kɔ a nyaana ye tɔɔ̄dum lokwa a doo kɔ bu Jɛhova a ɛɛ sa nyim tura loe liamaā. (Kam. 27:11) Nyɔnɛbee pio elap dogo lu taɛ nu ale bu nɛɛ a, nɛɛ o gaa nɔɛ̄ Baibol e gbī o yerebah lokwa a dap lɛa lo nama sīdee tɔɔ̄dum loo sa yaa lo aā. (Ɛfɛs. 4:22-24) Nyɔnɛ ye nɔ pya ekobee ue ale bu the Watchtower akura “The Bible Changes Lives”

  • Kɔ dua ɛɛbu oe ɛrɛ bu o esiatam nɛ Jɛhova ye nɛ.—Ais. 48:17, 18