Skip to content

Skip to secondary menu

Skip to table of contents

Jehovah’s Witnesses

Khana

Life and Ministry Meeting Workbook  |  September 2017

 TƆƆ̄DUM DOODOO PYA NƐƐ KRAIST

Kpɔā Wa Kɔ Ba A Kiisī Lo Esitam Nɛ Jɛhova

Kpɔā Wa Kɔ Ba A Kiisī Lo Esitam Nɛ Jɛhova

Nu a gaa sira tɔgɛ kɔ pya aā nɛɛ zue ue a lu ekpɔā wa kɔ ba a ɛrɛ mɛm loo zue ue gbɛnɛkpo sɔ̄, wee lu pya zue ue ba agaloo sɔ̄ sɔ̄ gaa kiisī. (Kam 22:6; Fil 3:16) Pio sīdee o dap yerebah nɛ nɛɛ o gaa nɔɛ̄nu kɔ a ɛrɛ nia kumaloo tam zue ue na:

  • Aba sɔ̄ elua esu nɛɛ o gaa nɔɛ̄nu nua nɛɛ zue ue, bɔātɛ̄ ekpɔā ye. (km 8/15 1) Doo kɔ a suā nu anua alu ebɛɛ̄ kɔ a yere tam zue ue yɛɛ pya nu a nɔɔ lo edoo bu ziī ziī kaɛ. (Fil 1:10) Kɔ le ue kumaloo bui kɛ̄ zue ue. (Fil 4:8) Yere ye mɛm loo kɔ a nyɔɔnɛ nɛɛ a gaa baɛbee bui eku tam zue ue le pya dɔɔ̄na nɛɛ zue ue sinia tam lokwa a wa dap nɔ nu aāloo.​—Kam 1:5; km 10/12 6 ¶3

  • Sɔ̄ nɛɛ o gaa nɔɛ̄nu eliamaā sah, o aa biewo eyere ye mɛm loo sa ye kpɔā bu tam zue ue, eetɔɔ̄ na lo a le a sii nɔ kpa a kura “God’s Love” lɛɛ.​—km 12/13 7

  • Kɔ ue a waɛ edābeeloo sɔ̄ o gaa nyɔɔnɛ aā nɛɛ zue ue sinia tam bie uwe zue ue, kɔ ue ewaɛ ye bah edābeeloo. Sɔ̄ o egbanatɔ̄ kɛ̄ a zue ue doo sah, kaɛgɛ ye. Kɔ pya ue eyerebah ye nɛ kɔ a nyim yiiloo.​—km 5/10 7