Skip to content

Skip to secondary menu

Skip to table of contents

Jehovah’s Witnesses

Khana

Kpa Enɔānu Tɔɔ̄dum Le Tam Zue Ue  |  September 2016

 TƆƆ̄DUM DOODOO PYA NƐƐ KRAIST

Lo ale Nwīgbagbara Nwiī na a i Agara ue nɛ sɔ̄ i Kuekue ziī Nutɔ A

Lo ale Nwīgbagbara Nwiī na a i Agara ue nɛ sɔ̄ i Kuekue ziī Nutɔ A

Lo ale nwīgbagbara nwiī na a i agara ue nɛ sɔ̄ i kuekue ziī nutɔ a, i bara kɔ i nyɔnɛɛ ye tɛ ale ye ka kɔnia ue. Lo ama tɔgɛ enwadɛɛ̄ kumaloo nɛɛ alu tɛ ɛrɛ tɔ. (Kam 6:20) Lo ale lo nwiī kɔ i nɛ kɔ i yii tɔ, ii lee yiga. Lo ale ye tɛ le ka naa ale tɔ, i dap obia si dɔɔ̄na sɔ̄.

Lo ale lo nwiī elua kina gbɛnɛ, naa daba e yera loo lop le o’oo zua mɛ a sii lu tup zua, a bɔloo kɔ i bip ye ye tɛ ale ka. Lo ale ba naa le tɔ, i dap bip kɔ ye tɛ le ye ka wee ye lɛɛ ge baloo kɔ a buū kpa a gbī ebuū ni. Lo ba wee ye lɛɛ baloo, i dap ye nɛ ziī i kpa sa ye kɔ nɛ kɔ a si i dɔ intanɛt jw.org.

Sɔ̄ i gaa obia si loo ziī zege a bee tɔgɛ niā, i kɔ ye nɛ kɔ i gbī emuɛ̄ ye tɛ le ka. Lo ama edoo kɔ i dap baatɛ̄ nu anuā i gaa ye obia si loo sa wa tɔgɛ zuurabahtɔ̄ alu kaka sa bɔloo edɛrɛ nyiɛ nyɔɔ a aabu Baibol nɛ dɛ̄dɛɛ̄ butɔ. (Yɔɔ 119:86, 138) Kɛ̄ i tɔgɛ enwadɛɛ̄ le le elap kumaloo ye tɛ le ye ka doo elu kaāna nu ekeebee sa edap i kpaāna dee nɛ loe zue ue nɛ pya lo butɔ.—1 Pit 2:12.