Skip to content

Skip to secondary menu

Skip to table of contents

Jehovah’s Witnesses

Khana

Kpa Enɔānu Tɔɔ̄dum Le Tam Zue Ue  |  September 2016

 PYA ZƆ A AABU MUƐ̄ UE BARI

Oa Doo Pya Nu Ama Sɔ̄ O Gaa Nyɔɔnɛ Nɛɛ Nɔ Baibol

Oa Doo Pya Nu Ama Sɔ̄ O Gaa Nyɔɔnɛ Nɛɛ Nɔ Baibol
ƐP
Text
Image

Kɔ Gbɛnɛ-edo Ue: Oa kɛɛrɛ kɔ o ɛrɛ e baatɛ̄ dɛ̄dɛɛ̄ nu. Jizɔs wee bip ebip loe yerebah nɛ pya nɛɛ kɔ ba a kɛɛrɛ sa biaɛfii nu leere. (Mat 17:24-27) Bip ebip edoo kɔ lo enɔānu aa ɔloo sa a yerebah nɛ kɔ o suā nu nɛɛ o gaa nɔɛ nu dā beeloo sa yiga. (be 253 ¶3-4) Sɔ̄ o bip ebip, egerebu baɛ ye ture. Lo a le nu nɛɛ o gaa nɔɛ̄ nu ture lu ekwɔ, taā olo ture, bip ye dɔɔ̄na ebip lo edoo kɔ alɛ a ture leere nyɔɔ ye loo. (be 238 ¶1-2) Kɔ kuma ue nɛɛ o gaa nɔɛ̄ nu edap dā beeloo.be 230 ¶4.

Do-doo Kɔ A Aga Edā Beeloo: Oa kɔ dɛ̄dɛɛ̄ nu olo suā nyɔɔ lo ekobee ue. (Jɔn 16:12) Sere ekɛɛrɛ nyɔɔ pya kpog bee nu ale bu nu bui gaa nɔ. (be 226 ¶4-5) Kɔ pya dɔɔ̄na ue a baatɛ̄, kere a lu kaka, dap gɔ̄ pya kpog bee ue a le bu. (be 235 ¶3) Aba sɔ̄ nɛɛ o gaa nɔɛ̄ nu edaā beeloo lo kpog bee ue a, kiiloo lo dɔɔ̄na kɛ̄ enɔ.

Nɔ Dɛ̄dɛɛ̄ Ɛɛ Lɛɛ Ziī Sɔ̄: Nu i seea sī na doo kɔ nɛɛ i gaa nɔɛ̄ nu a dā beeloo nu, naale nɔ dɛ̄dɛɛ̄ ɛɛ lɛɛ. (Luk 24:32) Su ekpo a le bu Muɛ̄ Ue Bari siā tam leere tɛ̄maloo ebuū pya kpog bee dɔ Baibol a le kɛ̄ bui gaa nɔ. (2 Kɔr 10:4; Hib 4:12; be 144 ¶1-3) Su edoba a waɛ edā beeloo yere bu o ekɔaue. (be 245 ¶2-4) Kɛɛrɛbu pya taāŋa nɛɛ o gaa nɔɛ̄ nu gaa tɛɛ̄ bu le nu a yiga, sa doo kɔ o ebip a kiiloo wo. Bip dua ebip a le doodoo: “O muɛ̄ nu o gaa nɔ ama doodoo wa?” “Ena nu ama i tɔgɛ akiiloo Jɛhova ani?” Amunu biī na su zuurabahtɔ̄ ama yere bu dogo edɔ i nɛ ani?”be 238 ¶3-5; 259 ¶1.