Nii’ee ama, a waɛ loe nyaana i ekɛɛrɛ bu dum nyɔɔ gbɛnɛ-edo nu. Sɔ̄ le ekpo lu e bɛɛ̄ lokwa i dap yaɛ, kpɛ kpugi loo, su daānu, kwa baloo le kpooge loo pya zɔ i ɛrɛ. Jizɔs bee tɔɔ̄dum a waɛbah sa anaa yira kɔ zɔ bu namloo a kiira ye ekɛɛrɛ lɛɛ loo ye tam zue ue.—Mat 8:20.

Bu mɛ sīdee na olo o dap doo kɔ o dum a waɛbah lokwa o dap yere o tam zue ue loo ani? Tɛ̄maloo pio kwa baloo nu, ekɔ ziī nɛɛ ale bui tɔ edapge yii bu tam sɛmdee ni? Kere alu kɔ o le bu esiatam mmɛɛ sɔ̄ anyawo, ekɔ oe lɛɛra baloo kponiā zɔ kɔ a dabara o ekɛɛrɛ kina ni? Tɔɔ̄dum a waɛbah bu sitam nɛ Jɛhova lu dum anɛ ɛɛbu nɛɛ sa doo kɔ nu o ɛrɛ a gbɔɛ̄ a loo.—1 Tim 6:7-9.

PYA SĪDEE M DAP DOO KƆ NA DUM A WAƐBAH NA: