Wulu kɔ nuhua edwɛkɛ ne azo

Wulu kɔ nuninyɛne ne azo

 FOA 13

Duzu A Ɔwɔ Kɛ Yɛyɛ Na Yɛazɔ Nyamenle Anye A?

Duzu A Ɔwɔ Kɛ Yɛyɛ Na Yɛazɔ Nyamenle Anye A?

Twe ɛ nwo fi ninyɛndane nwo. 1 Kɔlentema 6:9, 10

Saa yɛkulo Gyihova a, yɛnrɛyɛ ninyɛne mɔɔ ɔkyi la.

Gyihova ɛmkpondɛ kɛ yɛwua, yɛbo nza, anzɛɛ yɛno nyiletane.

Nyamenle kyi kodiawuyɛlɛ, ɛkolɛyelɛ yɛɛ mrenyia mɔɔ fa mrenyia nee mraalɛ mɔɔ fa mraalɛ la. Ɔmkpondɛ kɛ yɛyɛ anyebolo anzɛɛ yɛ nee awie mɔ ko.

Ɔnle kɛ yɛsonle awozonle anzɛɛ yɛfa yɛ nwo yɛwula sunsum ɛtane nyɛleɛ nu.

Wɔ azɛlɛ ye azo Paladaese ne mɔɔ ɛlɛba la anu, menli mɔɔ yɛ ninyɛndane la ɛnrɛdɛnla nu bie.

 Yɛ mɔɔ le kpalɛ la. Mateyu 7:12

Saa yɛbazɔ Nyamenle anye a, ɔwɔ kɛ yɛbɔ mɔdenle kɛ yɛbayɛ kɛ ɔdaye la.

Kile kɛ ɛkulo awie mɔ ɔlua ninyɛne mgbalɛ mɔɔ ɛbayɛ wɔamaa bɛ la azo.

Di nɔhalɛ.

Se anwunvɔne na fa ɛtane kyɛ.

Ka Gyihova nee ye ndenle ne mɔ anwo edwɛkɛ kile awie mɔ.​—Ayezaya 43:10.