Wulu kɔ nuhua edwɛkɛ ne azo

Wulu kɔ nuninyɛne ne azo

 FOA 8

Duzu A Gyisɛse Ewule Ne Bamaa Wɔanyia A?

Duzu A Gyisɛse Ewule Ne Bamaa Wɔanyia A?

Gyisɛse wule amaa yɛanyia ngoane. Dwɔn 3:16

Gyisɛse wule la ye kenle nsa ne azo, mraalɛ bie hɔle ye nla ne azo na bɛannwu debie biala wɔ nu. Ɛnee Gyihova ɛdwazo Gyisɛse ɛvi ewule nu.

Nzinlii Gyisɛse yele ɔ nwo hilele ye ɛzoanvolɛma ne.

Ɛhɛe, Gyihova dwazole Gyisɛse rale ngoane nu kɛ sunsum nu abɔdeɛ mɔɔ lɛ tumi mɔɔ ɛnwu ɛlɛ a. Gyisɛse ɛdoavolɛma ne nwunle ye kɛ ɔlɛkɔ anwuma.

 Nyamenle dwazole Gyisɛse na ɔyɛle ye Belemgbunlililɛ ne azo Belemgbunli. Daneɛle 7:13, 14

Gyisɛse vale ye ngoane yɛle ɛkpɔnedeɛ maanle alesama. (Mateyu 20:28) Ɔlua zɔhane ɛkpɔnedeɛ ne azo, Nyamenle bamaa yɛadɛnla aze dahuu.

Gyihova ɛkpa Gyisɛse kɛ Belemgbunli mɔɔ bali azɛlɛ ye azo tumi a. Menli 144,000 mɔɔ di nɔhalɛ mɔɔ bɛbadwazo bɛ bɛavi ewule nu wɔ azɛlɛ ye azo bɛahɔ anwuma la bɛaboka ɔ nwo. Gyisɛse nee menli 144,000 ne a bayɛ tenlene anwuma arane​—Nyamenle Belemgbunlililɛ ne a.—Yekile 14:1-3.

Nyamenle Belemgbunlililɛ ne bayɛ azɛlɛ ye paladaese. Konle, ɛtanelilɛ, ehyia nee ɛhɔne bavi ɛkɛ. Menli nye balie kpalɛ.​—Edwɛne 145:16.