Wulu kɔ nuhua edwɛkɛ ne azo

Wulu kɔ nuninyɛne ne azo

 ƐZUKOALƐDEƐ 2

Nyamenle A Le Agɔnwolɛ Kpalɛ Mɔɔ Ɛbahola Wɔanyia A

Nyamenle A Le Agɔnwolɛ Kpalɛ Mɔɔ Ɛbahola Wɔanyia A

Nyamenle agɔnwo mɔɔ ɛbayɛ la a le debie kpalɛ mɔɔ ɛbahola wɔanyia a. Nyamenle bahilehile wɔ kɛzi ɛbanyia anyelielɛ nee anwobanebɔlɛ la; ɔbamaa ɛ nwo adɔ wɔ avi adalɛ diedi nee nyɛleɛ ngakyile mɔɔ bahola aboda wɔ la anwo. Ɔbadie wɔ asɔneyɛlɛ. Ɔbaboa wɔ yeamaa wɔanyia anzodwolɛ nee anwodozo. (Edwɛndolɛ 71:5; 73:28) Nyamenle baboa wɔ wɔ ngyegyelɛ mekɛ nu. (Edwɛndolɛ 18:18) Eza Nyamenle bava dahuu ngoane ahyɛlɛdeɛ ne amaa wɔ.​—Wulomuma 6:23.

Mekɛ mɔɔ ɛlɛbikye Nyamenle la, ɛbabikye Nyamenle agɔnwo mɔ. Bɛdabɛ noko bɛbayɛ ɛ gɔnwo mɔ. Nɔhalɛ nu, bɛbayɛ kɛ ɛ mediema mrenyia nee mraalɛ la. Bɛ nye balie kɛ bɛbahilehile wɔ Nyamenle anwo debie, na bɛbaboa wɔ bɛamaa wɔ anwosesebɛ.

Yɛ nee Nyamenle ɛnzɛ. Mekɛ mɔɔ ɛkpondɛ kɛ ɛfa Nyamenle agɔnwolɛ la, ɔwɔ kɛ ɛte edwɛkɛ bie mɔɔ hyia la abo. Nyamenle agɔnwolɛvalɛ ɛnle kɛ menli mɔɔ yɛ nee bɛ sɛ la agɔnwolɛvalɛ. Yenyi yɛɛ ɔle nrɛlɛbɛvolɛ nee tumivolɛ kpole ɔtɛla yɛ. Yemɔ a le yɛ Tumivolɛ mɔɔ fɛta a. Yemɔti saa yɛkulo kɛ yɛyɛ ɔ gɔnwo a, ɔwɔ kɛ yɛtie ye na yɛyɛ mɔɔ ɔka ɔkile yɛ la. Ɛhye bɛaboa yɛ dahuu.​—Ayezaya 48:18.