Saa awie biza kpuya anzɛɛ debie mɔɔ gyegye ye la anwo edwɛkɛ a, yɛ nye die kɛ yɛ nee ye badoa adawubɔlɛ ne azo. Yɛkulo kɛ yɛ nee menli “mɔɔ bɛ subane kile kɛ bɛfɛta dahuu ngoane la” tendɛ.—Gyi. 13:48.

Na saa awie ɛva ɛya, ɔkulo kɛ ɔsu kpolera anzɛɛ ɔngulo kɛ ɔ nee wɔ tendɛ ɛ? Yɛ ye bɛtɛɛ na fi ɛbulɛ nu pɛ adawubɔlɛ ne azo. (Mrɛ. 17:14) Bɔ mɔdenle nea kɛ bɛ avinli bayɛ kpalɛ kolaa na wɔavi ɛkɛ amaa ahenle nee awie gyɛne abɔ adawu kenle fofolɛ.—1 Pita 2:12.