Wulu kɔ nuhua edwɛkɛ ne azo

Wulu kɔ nuninyɛne ne azo

 ƐZUKOALƐDEƐ 5

Duzu A Ɛbanwu Ye Wɔ Yɛ Kilisiene Debiezukoalɛ Bo A?

Duzu A Ɛbanwu Ye Wɔ Yɛ Kilisiene Debiezukoalɛ Bo A?

Argentina

Sierra Leone

Belgium

Malaysia

Menli dɔɔnwo ɛgyakyi asɔnehɔlɛ ɔluakɛ bɛnnyia sunsum nu adehilelɛ nee arɛlekyekyelɛ wɔ ɛkɛ. Ɛnee, duzu ati a ɔwɔ kɛ ɛkɔ Kilisiene debiezukoalɛ mɔɔ Gyihova Alasevolɛ yɛ la bie a? Duzu a ɛbanwu ye wɔ ɛkɛ a?

Ɛ nye balie kɛ ɛboka menli mɔɔ lɛ ɛlɔlɛ na bɛdwenle menli nwo la anwo. Wɔ ɛvoya ne mɔɔ limoa la anu, ɛnee Kilisienema ne wɔ asafo ngakyile nu, na ɛnee bɛyia nu bɛsonle Nyamenle, bɛsukoa Ngɛlɛlera ne na bɛmaa bɛ nwo anwosesebɛ. (Hibuluma 10:24, 25) Kɛmɔ bɛyia nu a ɛlɔlɛ wɔ bɛ avinli la ati, ɛnee bɛte nganeɛ kɛ bɛ nee bɛ gɔnwo mɔ kpalɛ​—bɛ sunsum nu mediema a wɔ a. (2 Tɛsalonaekama 1:3; 3 Dwɔn 14) Yɛdi bɛ neazo ne anzi na yɛnyia anyelielɛ ko ne ala bie.

Ɔmaa yɛsukoa kɛzi bɛfa Baebolo ngyinlazo bɛdi gyima la. Kɛ mɔɔ ɛnee ɔde ye wɔ Baebolo mekɛ zo la, mrenyia, mraalɛ nee ngakula kɔsɔɔti yia nu. Kilehilevolɛma mɔɔ fɛta la dua Baebolo ne azo boa yɛ maa yɛnwu kɛzi yɛbava nuhua ngyinlazo ne yɛabɔ yɛ ɛbɛla la. (Ditilɔnomi 31:12; Nihɛmaya 8:8) Yɛ muala yɛkola yɛfa yɛ nwo yɛwula tievolɛma adawubɔlɛ nee edwɛne ɛdolɛ nu, na yɛfa yɛda yɛ Kilisiene anyelazo ne ali.​—Hibuluma 10:23.

Ɔmaa yɛnyia diedi kpole wɔ Nyamenle anu. Ɛzoanvolɛ Pɔɔlo hanle hilele ye mekɛ zo asafo ne mɔ ko kɛ: “Me kunlu a anrɛɛ menwu bɛ . . . bɛ diedi bɛamaa me anwosesebɛ na medame noko me ɛdeɛ amaa bɛ anwosesebɛ.” (Wulomuma 1:11, 12) Wɔ debiezukoalɛ ngakyile ne mɔ abo, mediema mɔɔ yɛ nee bɛ di adwelie dahuu la maa yɛ diedi nee kpɔkɛ mɔɔ yɛbɔ kɛ yɛfa Kilisiene ngyinlazo yɛabɔ yɛ ɛbɛla la anu mia.

Duzu ati a ɛnlie ɛsalɛdolɛ ɛhye ɛndo nu na ɛmba yɛ asafo debiezukoalɛ bieko abo amaa ɛdawɔ mumua ne wɔanwu ninyɛne ɛhye mɔ ɛ? Bɛbalie wɔ kɛnlɛma. Bɛndua ɛhwee wɔ debiezukoalɛ biala anwo​—bɛnlielie ezukoa wɔ ɛkɛ.

  • Neazo boni a yɛdi ɔ nzi yɛyɛ yɛ asafo debiezukoalɛ ne a?

  • Yɛkɔ Kilisiene debiezukoalɛ a, kɛzi ɔboa yɛ ɛ?