Wulu kɔ nuhua edwɛkɛ ne azo

Wulu kɔ nuninyɛne ne azo

 ƐZUKOALƐDEƐ 7

Babɛle Tawa Ne

Babɛle Tawa Ne

Wɔ Azuyilɛ ne anzi, Nowa amra mrenyia ne mɔ nee bɛ ye mɔ wole ngakula dɔɔnwo. Akee bɛ abusua ne yɛle kpole na bɛdɛlɛle bɛhɔle azɛlɛ ne azo ɛleka ngakyile, kɛ mɔɔ Gyihova hanle la.

Noko bɛ nuhua bie mɔ andie Gyihova. Bɛhanle kɛ: “Bɛmaa yɛkyekye suakpole ko na yɛzi tawa tendendenlenle ko mɔɔ kɔkpula Nyamenle ne ako abo nehane la, amaa yɛalie duma.”

 Gyihova anye anlie ɛhye anwo, yemɔti ɔzile bɛ adenle. Ɛze mɔɔ ɔyɛle a? Ɔhakyile bɛ aneɛ ne arɛlevilɛ nu. Kɛmɔ ɛnee bɛnde bɛ nwo aneɛ bieko la ati, bɛangola sua ne si. Bɛvɛlɛle suakpole ne Babɛle, ɔ bo kile “Basabasayɛlɛ.” Akee menli bɔle ɔ bo kɛ bɛbɔ asande wɔ azɛlɛ ne azo. Noko bɛhɔle zo bɛyɛle ninyɛndane wɔ ɛleka biala mɔɔ bɛhɔle la. Asoo ɛnee awie wɔ ɛkɛ mɔɔ ɔkulo Gyihova? Yɛbanwu ɛhye wɔ tile bieko anu.

“Awie biala mɔɔ kɛmemaa ɔ nwo zo la, bɛkɛha ye aze, na awie biala mɔɔ kɛbɛlɛ ɔ nwo aze la bɛkɛmaa ye zo.”​​—Luku 18:14