Wulu kɔ nuhua edwɛkɛ ne azo

Wulu kɔ nuninyɛne ne azo

 ƐZUKOALƐDEƐ 4

Ɔvale Ɛya Ɔhunle Ɔ Diema

Ɔvale Ɛya Ɔhunle Ɔ Diema

Mɔɔ Adam nee Yive vile Yidɛn tola ne anu la, bɛwole ngakula dɔɔnwo. Bɛ ra kpanyinli Keen yɛle ɛbɔ nu gyima yɛɛ Ebɛle mɔɔ tɔ zo nwiɔ la nleanle mboane.

Kenle ko Keen nee Ebɛle bɔle afɔle maanle Gyihova. Ɛze afɔlebɔlɛ deɛ holɛ ɔ? Ɔle ahyɛlɛdeɛ titili bie. Gyihova anye zɔle Ebɛle afɔlebɔlɛ ne, na yeanlie Keen ɛdeɛ ne yeando nu. Ɛhye maanle Keen vale ɛya kpole. Gyihova bɔle Keen kɔkɔ kɛ ye ɛya ne bahola amaa yeayɛ ɛtane. Noko yeandie.

Akee ɔhanle ɔhilele Ebɛle kɛ: “Maa yɛhɔ ɛbɔ nu.” Mɔɔ bɛhɔle la, Keen holole ɔ diema Ebɛle anwo zo na ɔhunle ye.  Duzu a Gyihova yɛle a? Ɔhwenle Keen anzo ɔmaanle ɔvile ye abusua ne anwo ɔhɔle moamoa. Bɛnrɛdwazo Keen bieko.

Duzu a yɛsukoa yɛfi nu a? Saa ninyɛne angɔ ye boɛ kɛ mɔɔ yɛkpondɛ la a, bie a yɛbava ɛya. Saa yɛnwu kɛ yɛta yɛfa ɛya anzɛɛ saa awie mɔ nwu kɛ yɛva ɛya na bɛtwe yɛ adwenle bɛkɔ zo a, ɔwɔ kɛ yɛyɛ nzenzaleɛ ndɛndɛ na yeammaa yɛanyɛ ɛtane.

Kɛmɔ Ebɛle hulole Gyihova na ɔyɛle mɔɔ le kpalɛ la ati, Gyihova bahakye ye dahuu. Saa Nyamenle yɛ azɛlɛ ne paladaese a, ɔbadwazo Ebɛle.

“Dimoa ɛ nee ɛ diema ne ɛziezie bɛ avinli na ɛsia ɛba a, akee wɔabɔ wɔ afɔle ne.”​​—Mateyu 5:24