Wulu kɔ nuhua edwɛkɛ ne azo

Wulu kɔ nuninyɛne ne azo

 ƐZUKOALƐDEƐ 1

Nyamenle Bɔle Anwuma Nee Aze

Nyamenle Bɔle Anwuma Nee Aze

Gyihova Nyamenle a bɔle yɛ a. Ɔbɔle debie biala, ninyɛne mɔɔ yɛnwu bɛ nee mɔɔ yɛnnwu bɛ la. Ɔbɔle anwumabɔvolɛma dɔɔnwo kolaa na yeabɔ ninyɛne mɔɔ yɛnwu bɛ la. Kɛzi anwumabɔvolɛma de ɛ? Gyihova bɔle bɛ kɛ ye ɛsaso la. Yɛngola yɛnnwu bɛ kɛ mɔɔ yɛngola yɛnnwu Nyamenle la. Gyihova limoale bɔle anwumabɔvolɛ ko ɔmaanle ɔboale ye. Ɔboale ye ɔmaanle ɔbɔle nwɔlɔra, pelanet ne mɔ yɛɛ ninyɛne gyɛne. Pelanet ɛhye mɔ ko a le azɛlɛ ye, ɔle yɛ awuke kɛnlɛma.

Akee Gyihova zieziele azɛlɛ ne maanle nane nane yɛɛ menli kɛ bɛdɛnla zo. Ɔmaanle ewia ne dale azɛlɛ ye azo. Ɔbɔle awoka, nyevile yɛɛ azule.

Boni bieko a ɔbɔle a? Gyihova hanle kɛ: ‘Mebɔ ndile nee mbaka.’ Mbaka ngakyile mɔɔ so ma, nya nya nee felawɔse bɔle ɔ bo fifile. Eza Gyihova bɔle nane ngakyile​​—mɔɔ bɛtu, nzule nee nyevile nu ɛdeɛ, mɔɔ bɛkongo yɛɛ mɔɔ bɛtwenle bɛ nwo aze la. Ɔbɔle nane ngyikyi le kɛ asoasoa yɛɛ mgbole le kɛ ɛzonle. Nane boni a ɛ nye die ɔ nwo kpalɛ a?

Akee Gyihova zele anwumabɔvolɛ mɔɔ limoa la kɛ: ‘Maa yɛbɔ sonla.’ Ɛnee alesama bayɛ ngakyile avi nane ne mɔ anwo. Bɛbahola bɛayɛ ninyɛne ngakyile, bɛadendɛ, bɛazele na bɛayɛ asɔne. Ɛnee  bɛbanlea azɛlɛ ne nee nane ne mɔ anwo zo. Nrenyia boni a bɛlimoale bɛbɔle ye a? Maa yɛnlea.

“Mɔlebɛbo ne Nyamenle bɔle anwuma nee aze.”​—Mɔlebɛbo 1:1