Wulu kɔ nuhua edwɛkɛ ne azo

Kɛzi Ɛnwu Kenle Bie Ɛ?

Kɛzi Ɛnwu Kenle Bie Ɛ?

Asoo ewiade ɛhye . . .

  • bayɛ kɛ mɔɔ ɔde ala la?

  • bazɛkye abo zo?

  • bayɛ kpalɛ?

 MƆƆ BAEBOLO NE KA LA

‘Nyamenle bakyikyi bɛ nye anwo monle kɔsɔɔti, na ewule ɛnle ɛkɛ bieko, yɛɛ alɔbɔlɛ nee ɛzunlɛ nee nyane ɛnle ɛkɛ bieko. Alimoa ninyɛne ne ɛpɛ nu.’—Yekile 21:3, 4, Ewiade Fofolɛ Ngilebɛbo.

KƐZI ƆBABOA WƆ LA

Gyima mɔɔ anyelielɛ nee ahunlundwolɛ wɔ nu.​—Ayezaya 65:21-23.

Anwodolɛ anzɛɛ amaneɛnwunlɛ biala ɛnle ɛkɛ bieko.​—Ayezaya 25:8; 33:24.

Ɛ nee wɔ abusua nee ɛ gɔnwo mɔ badɛnla aze wɔ anyelielɛ nu dahuu.​—Edwɛne 37:11, 29.

 ASOO YƐBAHOLA YƐALIE MƆƆ BAEBOLO NE KA LA YƐALI AMGBA?

Ɛhɛe, ɔlua ninyɛne nwiɔ bie ati:

  • Nyamenle kola maa ɛwɔkɛ ne ba nu. Gyihova Nyamenle angomekye a bɛfɛlɛ ye “Tumivolɛ Bedevinli” wɔ Baebolo ne anu a, ɔluakɛ ye tumi ne le kpole tɛla tumi biala. (Yekile 15:3) Ɔti ɔkola ɔdi ɛwɔkɛ mɔɔ yebɔ kɛ ɔbamaa ewiade ne ayɛ kpalɛ la azo. Baebolo ne ka kɛ, “Nyamenle ɛdeɛ ɔkola ɔyɛ debie biala.”​—Mateyu 19: 26.

  • Nyamenle kulo kɛ ɛwɔkɛ ne ba nu. Kɛ neazo la, Gyihova anwo ɛlɛdɔ menli mɔɔ ɛwu la na ɔbadwazo bɛ yeara ngoane nu bieko.​—Dwobu 14:14, 15.

    Baebolo ne eza ka kɛ Nyamenle Ara ne, Gyisɛse, yɛle wuliravolɛma ayile. Duzu ati a ɔyɛle zɔ a? Ɛnee ɔkulo la ati ɔ. (Maake 1:40, 41) Gyisɛse lale ɔ Ze subane ne bie ali pɛpɛɛpɛ yemɔti ɛnee ɔkulo kɛ ɔboa menli mɔɔ ɛhyia la.​—Dwɔn 14:9.

    Yemɔti yɛbahola yɛalie yɛali kɛ Gyihova nee Gyisɛse kulo kɛ bɛboa yɛ bɛmaa yɛnyia anyelielɛ kenle bie!​—Edwɛne 72:12-14; 145:16; 2 Pita 3:9.

 DWENLE ƐHYE ANWO

Kɛzi Nyamenle bamaa ewiade ɛhye ayɛ kpalɛ ɛ?

Baebolo ne bua kpuya zɔhane wɔ MATEYU 6:9, 10 yɛɛ DANEƐLE 2:44.