November 18-24
EDWƐNE 107-108
Edwɛne 7 Nee Asɔneyɛlɛ | Mukenye Edwɛkɛ (Mit. 1)
1. “Bɛyɛ Gyihova Mo, Ɔluakɛ Ɔle Kpalɛ”
(Mit. 10)
Gyihova ɛlie yɛ ɛvi Seetan ewiade ne anu kɛ mɔɔ ɔliele Yizilayɛma ɔvile Babelɔnoma asa anu la (Ed 107:1, 2; Kɔl 1:13, 14)
Anyezɔlɛ mɔɔ yɛlɛ yɛmaa Gyihova la ka yɛ maa yɛye ye ayɛlɛ wɔ asafo ne anu (Ed 107:31, 32; mwbr24.11 2 ¶3)
Saa yɛdwenle ninyɛne mgbalɛ mɔɔ Gyihova ɛyɛ ɛmaa yɛ la anwo a, ɔmaa anyezɔlɛ mɔɔ yɛlɛ yɛmaa ye la yɛ kpole (Ed 107:43; w15 1/15 4 ¶4)
2. Kpondɛ Baebolo Nu Ndelebɛbo
(Mit. 10)
-
Ed 108:9—Duzu ati a Ngɛlɛlera ne ka kɛ Mowabe le Nyamenle “kyɛnze” mɔɔ ɔbia nu a? (mwbr24.11 2 ¶5)
-
Baebolo nu ndelebɛbo boni a ɛnyianle ye wɔ dapɛne ɛhye Baebolo ɛgengalɛ ne anu mɔɔ ɛkulo kɛ ɛka nwolɛ edwɛkɛ a?
3. Baebolo Ɛgengalɛ
(Mit. 4) Ed 107:1-28 (th ɛzukoalɛdeɛ 5)
4. Bɔ Adawubɔlɛ Bo
(Mit. 3) MEKƐ MƆƆ ƐNLE DASELƐLILƐ NU. (lmd ɛzukoalɛdeɛ 1 nɔma 4)
5. Sia Kɔkpɔla
(Mit. 4) MEKƐ MƆƆ ƐNLE DASELƐLILƐ NU. Ka yɛ Baebolo ɛzukoalɛ nwo ngyehyɛleɛ ne anwo edwɛkɛ kile ye na maa ye Baebolo ɛzukoalɛ ngitanwolilɛ kaade ne ko. (lmd ɛzukoalɛdeɛ 9 nɔma 3)
6. Ɛdendɛlɛ
(Mit. 5) ijwyp 90—Edwɛkɛtile: Kɛ Ɔkɛyɛ Na Meakpo Adwenle Ɛtane Ɛ? (th ɛzukoalɛdeɛ 14)
Edwɛne 46
7. Yɛto Edwɛne Yɛyɛ Gyihova Mo
(Mit. 15) Adawubɔlɛ.
Mɔɔ Gyihova liele Yizilayɛma mɔɔ ɛnee ɛzulolɛ ɛha bɛ la vile Yigyibiti ɛlɔnema ne asa anu wɔ Nyevile Kɔkɔlɛ ne anu la, bɛdole edwɛne bɛyele ye ayɛlɛ. (Ɛzɛ 15:1-19) Mrenyia ne mɔ a bɔle edwɛnedolɛ ne abo a. (Ɛzɛ 15:21) Gyisɛse nee alimoa Kilisienema noko dole edwɛne yele Nyamenle ayɛlɛ. (Mt 26:30; Kɔl 3:16) Yɛdayɛ noko yɛto edwɛne wɔ debiezukoalɛ, nyianu ngyikyi nee mgbole bo yɛfa yɛye Gyihova ayɛlɛ. Kɛ neazo la, yɛva edwɛne ne mɔɔ yɛdole ye kɛkala mɔɔ ɔ ti se, “Gyihova, Yɛyɛ Wɔ Mo,” la yɛli gyima wɔ yɛ ayia ne mɔ abo ɔvi 1966.
Wɔ ɛleka bie mɔ, mrenyia se nyiane kɛ bɛbado edwɛne wɔ bagua nu. Bie mɔ noko ɛndo edwɛne ɔluakɛ bɛte nganeɛ kɛ bɛ ne ɛnyɛ fɛ. Noko akee, ɔwɔ kɛ yɛkakye kɛ edwɛne mɔɔ yɛto wɔ yɛ ayia ne mɔ abo la boka yɛ ɛzonlenlɛ nwo. Gyihova ahyehyɛdeɛ ne bɔ mɔdenle siezie edwɛne fɛlɛko na bɛkpa mɔɔ ɔfɛta kɛ yɛto wɔ ayia ko biala abo la bɛmaa yɛ. Mɔɔ ɔwɔ kɛ yɛyɛ la ala a le kɛ yɛbavi yɛ ahonle nu yɛabɔ nu yɛado edwɛne ne yɛaye yɛ anwuma Selɛ ne ayɛlɛ.
Ye VIDIO ne Yɛ Tetedwɛkɛ Ɛne—Edwɛne Le Ahyɛlɛdeɛ, Foa 2. Akee biza tievolɛma kɛ:
-
Duzu a zile wɔ 1944 a?
-
Kɛzi yɛ mediema mɔɔ bɛwɔ Siberia la lale ye ali kɛ bɛ nye die Belemgbunlililɛ edwɛne nwo a?
-
Kɛmɔti a edwɛne ɛdolɛ nwo hyia Gyihova Alasevolɛ ɛ?
8. Asafo Baebolo Ɛzukoalɛ
(Mit. 30) bt tile 18 ¶6-15
