Wulu kɔ nuhua edwɛkɛ ne azo

Wulu kɔ nuninyɛne ne azo

 YƐ KILISIENE ƐBƐLABƆLƐ

Yɛbɔ Mɔdenle Yɛnyia Anyuhɔlɛ Wɔ Daselɛlilɛ Nu​—Yɛ Sia Kɔkpɔla

Yɛbɔ Mɔdenle Yɛnyia Anyuhɔlɛ Wɔ Daselɛlilɛ Nu​—Yɛ Sia Kɔkpɔla

DEƐMƆTI ƆHYIA LA: Menli dɔɔnwo mɔɔ kile Belemgbunlililɛ edwɛkɛ ne anwo anyelielɛ la ɛlɛkpondɛ Nyamenle anwo nɔhalɛ ne. (Ay 55:6) Amaa debiezukoalɛ ne anyia anyuhɔlɛ la, ɔwɔ kɛ yɛsia yɛkɔ bɛ ɛkɛ ne fane dɔɔnwo. Menli ne tɛnlabelɛ ne gua ye ngakyile, yemɔti ɔwɔ kɛ yɛdua ndenle ngakyile zo na bɛ nye alie edwɛkɛ ne anwo. Noko saa yɛbahola yɛayɛ ɛhye boɛ a, kyesɛ yɛsiezie yɛ nwo kpalɛ yɛmaa sia kɔkpɔla ko biala na yɛfa yɛsie yɛ nye zo kɛ yɛbɔ Baebolo ɛzukoalɛ bo.

KƐZI BƐYƐ YE LA:

  • Bɔ mɔdenle kɔkpɔla ye ndɛndɛ, saa ɔbayɛ boɛ a wɔ dapɛne ne anu ala.—Mt 13:19

  • Da ɛbulɛ nee agɔnwolɛvalɛ subane ali. Mmamaa wɔ ahonle tu

  • Biza ye ahye. Fa ye duma fɛlɛ ye. Kakye ye deɛmɔti wɔzia wɔra la​—bie a ɛhanle kɛ ɛbarabua kpuya bie, wɔarɛlɛ ye magazine fofolɛ bie, wɔaha yɛ wɛbsaete ne anwo edwɛkɛ, wɔaye vidio, anzɛɛ wɔahile kɛzi bɛyɛ Baebolo ɛzukoalɛ la. Saa ɔkulo kɛ bɛka debie fofolɛ nwo edwɛkɛ a, die to nu.​—Fe 2:4

  • Ɛ nee ye ɛzuzu Ngɛlɛlera bie anwo anzɛɛ gyakyi ye buluku fa gugua nɔhalɛ ma ne mɔɔ wɔlua wɔ ye ahonle nu la azo nzule. (1Kɔ 3:6) Bɔ mɔdenle kɛ ɛbava ye agɔnwolɛ

  • Yɛ sia kɔkpɔla nwo ngyehyɛleɛ bieko