Wulu kɔ nuhua edwɛkɛ ne azo

Wulu kɔ nuninyɛne ne azo

 YƐ KILISIENE ƐBƐLABƆLƐ

Die Yɛ Nyɛvolɛ Ne Mɔ

Die Yɛ Nyɛvolɛ Ne Mɔ

Wɔ March 23, yɛ nye la kɛ yɛbalie nyɛvolɛ mɔɔ bayɛ mgbe 12 anzɛɛ ɔ bo zɔ la wɔ Ngakyelɛlilɛ ne abo. Nea kɛzi ɔbayɛ daselɛlilɛ kɛnlɛma wɔ mekɛ mɔɔ tendɛvolɛ ne ɛlɛsuzu Gyihova ahyɛlɛdeɛ ne mɔɔ le ɛkpɔnedeɛ ne nee kenle bie nyilalɛ bie mɔ mɔɔ alesama banyia la anwo la! (Ay 11:6-9; 35:5, 6; 65:21-23; Dwn 3:16) Noko akee, tɛ tendɛvolɛ ne angomekye a bali daselɛ wɔ mekɛ titili ɛhye anu a. Yɛ muala yɛbahola yɛava anyelielɛ yɛalie yɛ nyɛvolɛ ne mɔ. (Wlo 15:7) Nzuzulɛ bie mɔ ɛne.

  • Kɛ anrɛɛ ɛbadɛnla aze na wɔahendɛ kɛ bɛbabɔ gyimalilɛ ne abo la, te ɛ nyunlu die nyɛvolɛ nee bɛdabɛ mɔɔ bɛgyakyi daselɛlilɛ mɔɔ bɛra la

  • Ɛbamaa ɛ nye ahɔ menli mɔɔ ɛvɛlɛle bɛ la anwo zo titili ɛdeɛ, noko maa ɛ nye ɛhɔ menli mɔɔ bɛra ɔluakɛ bɛ sa hanle ɛsalɛdolɛ kɛlata ne bie la anwo zo. Maa fofolɛma ɛhye mɔ ɛdɛnla ɛ nwo ɛkɛ. Maa bɛnlea wɔ Baebolo ne nee wɔ edwɛne buluku ne anu bie

  • Bɛmaa ɛdendɛlɛ ne bɛwie a, bɔ mɔdenle kɛ ɛbabua bɛ kpuya ne mɔ. Saa mekɛ ne le ekyii ɔluakɛ ɔwɔ kɛ bɛ asafo ne fi ɛkɛ ne na asafo fofolɛ ahola ayɛ bɛ ɛdeɛ ne a, yɛ ngyehyɛleɛ kɔkpɔla ahenle wɔ mekɛ ekyi bie anu. Saa ɛnlɛ ye nɔma a, ɛbahola wɔaha kɛ: “Mekulo kɛ menwu kɛzi ɛnwunle gyimalilɛ ne la. Nienwu a mebanwu wɔ a?”