Wulu kɔ nuhua edwɛkɛ ne azo

Wulu kɔ nuninyɛne ne azo

 YƐ KILISIENE ƐBƐLABƆLƐ

Nwu Esiane Mɔɔ Yintanɛte Zo Agɔnwolɛvalɛ Fa Ba La

Nwu Esiane Mɔɔ Yintanɛte Zo Agɔnwolɛvalɛ Fa Ba La

DEƐMƆTI ƆHYIA LA: Yintanɛte zo agɔnwolɛvalɛ le kɛ ninyɛne gyɛne mɔɔ ɛha la, bɛkola bɛboa yɛ anzɛɛ bɛboda yɛ. Kilisienema bie mɔ ɛzi kpɔkɛ kɛ bɛnrɛva bɛnrɛli gyima. Bie mɔ noko dua zo nee bɛ mbusuafoɔ nee bɛ gɔnwo mɔ di adwelie. Noko akee, Abɔnsam kulo kɛ yɛfa yɛdi gyima wɔ adenle ɛtane zo, amaa yɛazɛkye yɛ nee Gyihova agɔnwolɛvalɛ ne. Yɛbahola yɛava ngyinlazo mɔɔ wɔ Nyamenle Edwɛkɛ ne anu la yɛali gyima kɛ mɔɔ Gyisɛse yɛle la amaa yɛanwu esiane mɔɔ wɔ nu la.​—Lu 4:4, 8, 12.

ESIANE MƆƆ ƆWƆ KƐ ƐKOATI:

  • Ɔkola ɔsɛkye mekɛ dɔɔnwo. Saa yɛfa mekɛ dɔɔnwo yɛ nee awie mɔ di adwelie wɔ yintanɛte ne azo anzɛɛ yɛkɔ zolɛ akpɔsa a, ɔbazɛkye mekɛ mɔɔ yɛkulo kɛ yɛfa yɛdi sunsum nu ninyɛne nwo gyima la

    Baebolo ngyinlazo: Ɛf 5:15, 16; Fe 1:10

  • Ɔkola ɔmaa ɛnea ninyɛne mɔɔ ɛnle kpalɛ. Saa ɛnea nvoninli mɔɔ ɛnle kpalɛ la a, ngyikyi ngyikyi nlanwonvoninli ɛnleanlɛ baha ɛ nwo anzɛɛ ɛbabɔ ɛbɛlatane. Saa ɛkenga ninyɛne mɔɔ kpɔkyevolɛma ɛva ɛgua ɛkɛ ne la a, ɔbahola yeazɛkye wɔ diedi

    Baebolo ngyinlazo: Mt 5:28; Fe 4:8

  • Ɔkola ɔmaa ɛkɛlɛ edwɛkɛ anzɛɛ ɛfa nvoninli mɔɔ ɛnle kpalɛ la ɛgua ɛkɛ. Ɔluakɛ ahonle ne le mɛlɛbɛla la ati, ɔkola ɔmaa ɛkɛlɛ edwɛkɛ anzɛɛ ɛfa nvoninli mɔɔ ɛnle kpalɛ la ɛgua yintanɛte ne azo. Noko akee, ɛhye bahola azɛkye awie duma na yeamaa yeadu koti wɔ sunsum nu

    Baebolo ngyinlazo: Wlo 14:13; Ɛf 4:29

NEA MAA Ɛ NYE ƐLA ƐKƐ WƆ YINTANƐTE ZO AGƆNWOLƐVALƐ NWO VIDIO NE, NA SUZU KƐZI ƐBALI TƐNLABELƐ ƐHYE MƆ ANWO GYIMA LA ANWO: