Wulu kɔ nuhua edwɛkɛ ne azo

Wulu kɔ nuninyɛne ne azo

 YƐ KILISIENE ƐBƐLABƆLƐ

Kɛzi Ɛbava Trate Wɔabɔ Adwelielilɛ Bo La

Kɛzi Ɛbava Trate Wɔabɔ Adwelielilɛ Bo La

Ɔvi January 2018, bɛva adwelielilɛ nwo neazo ngakyile bɛli gyima wɔ Yɛ Ɛbɛlabɔlɛ Nee Yɛ Ɛzonlenlɛ Nyianu Buluku ne anyunlu. Kɛ anrɛɛ yɛbava mbuluku ala yɛamaa menli ne la, bɛmaa yɛ anwosesebɛ kɛ yɛ nee bɛ ɛli adwelie emomu. Amaa yeahola yɛahakyihakyi yɛ edwɛkɛ nu la, adwelielilɛ nwo neazo vidio ngakyile ne mɔ ɛboa yɛ ɛmaa yɛnwu kɛzi yɛbava Baebolo ne angome yɛabɔ adwelielilɛ bo la. Asoo ɛhye kile kɛ ɔnle kɛ yɛfa mbuluku yɛdi gyima fee wɔ mekɛ mɔɔ yɛlɛyɛ azua nu daselɛlilɛ la ɔ? Kyɛkyɛ! Kɛ neazo la, yɛbahola yɛava trate yɛabɔ adwelielilɛ bo. Yɛbahola yɛalua adenle ɛhye azo yɛava trate yɛali gyima:

  1. Biza kpuya ne mɔɔ wɔ trate ne azo la.

  2. Fa mualɛ mɔɔ Baebolo ne fa maa mɔɔ wɔ trate ne mukelɛ 2 la kile suamenle ne. Saa ɔlɛ mekɛ a kenga edwɛkɛ mɔɔ wɔ trate ne anu la na bɛzuzu nwolɛ.

  3. Fa trate ne maa suamenle ne na maa ye anwosesebɛ kɛ saa ɔnyia mekɛ a ɔgenga nuhua edwɛkɛ ne mɔɔ ɛha la.

  4. Kolaa na wɔavi ɛkɛ ne la, fa edwɛkɛ mɔɔ se “Dwenle Ɛhye Anwo” la kile ye na yɛ ngyehyɛleɛ kɛ ɛbara bieko na bɛazuzu mualɛ mɔɔ wɔ Baebolo ne anu la anwo.

Saa ɛsia ɛkɔ a, ɛ nee ye ɛzuzu mualɛ ne anwo na gyakyi ye kpuya fofolɛ mɔɔ mekɛ bieko bɛbazuzu nwo la. Ɛbahola wɔakpa kpuya bie wɔ yɛ wɛbsaete ne azo anzɛɛ buluku ne mɔɔ bɛha nwolɛ edwɛkɛ wɔ trate ne anzi la. Ɛbahola wɔahwe ye adwenle wɔahɔ Edwɛkpa Mɔɔ Vi Nyamenle Ɛkɛ! brohyua ne anzɛɛ buluku fofolɛ mɔɔ yɛfa yɛyɛ Baebolo ɛzukoalɛ mɔɔ boka Ninyɛne Titili Mɔɔ Yɛfa Yɛkilehile anwo la azo wɔ mekɛ mɔɔ fɛta la anu.