Wulu kɔ nuhua edwɛkɛ ne azo

Wulu kɔ nuninyɛne ne azo

 YƐ KILISIENE ƐBƐLABƆLƐ

Yɛbɔ Mɔdenle Yɛnyia Anyuhɔlɛ Wɔ Daselɛlilɛ Nu​​—Kakyi Wɔ Edwɛkɛ Nu

Yɛbɔ Mɔdenle Yɛnyia Anyuhɔlɛ Wɔ Daselɛlilɛ Nu​​—Kakyi Wɔ Edwɛkɛ Nu

DEƐMƆTI ƆHYIA LA: Menli mɔɔ bɛkpokpa bɛ nee mboane gyɛne ne ɛlɛfɛlɛ menli kɔsɔɔti kɛ ‘bɛralie ngoane nzule mɔɔ bɛndua ɛhwee.’ (Ye 22:17) Sɛkɛlɛneɛ adenle zo nzule ɛhye a le Gyihova nziezielɛ kɔsɔɔti mɔɔ ɔbalua zo yealie alesama mɔɔ yɛ tieyɛ yeavi ɛtane nee ewule nu la. Amaa yɛaboa menli ngakyile mɔɔ asolo bɛ amaamuo nee bɛ diedi la, ɔwɔ kɛ yɛdua adenle mɔɔ menli anye balie nwo la azo yɛka “dahuu edwɛkpa” ne.​—Ye 14:6.

KƐZI BƐYƐ YE LA:

  • Kpa edwɛkɛtile nee ngɛlɛlera mɔɔ baha menli mɔɔ wɔ wɔ azɛlɛsinli ne anu ahonle la. Ɛbahola wɔakpa adwelielilɛ nwo neazo bie anzɛɛ debie mɔɔ ɛvale ɛlile gyima mekɛ bie na ɔboale la. Edwɛkɛtile nee ngɛlɛlera boni mɔ a bɛ nye die nwo kpalɛ a? Asoo edwɛkɛ bie ɛzi kenlensa ye mɔɔ menli ne ɛlɛka nwolɛ edwɛkɛ ɔ? Edwɛkɛ boni a mrenyia anzɛɛ mraalɛ anye balie nwo a?

  • Fa ahyebizalɛ nee amaamuo mɔɔ bɛdie bɛto nu wɔ bɛ ɛkɛ ne la di gyima.​—2Kɔ 6:3, 4

  • Nwu mbuluku yɛɛ vidio mɔɔ boka Ninyɛne Titili Mɔɔ Yɛfa Yɛkilehile anwo la na fa boa menli mɔɔ bahile nwolɛ anyelielɛ la

  • Twe aneɛ mɔɔ menli mɔɔ wɔ wɔ azɛlɛsinli ne anu ka la anwo ninyɛne

  • Kakyi wɔ edwɛkɛtile ne anu maa ɔ nee suamenle ne ngyianlɛ ɛyɛ ko. (1Kɔ 9:19-23) Kɛ neazo la, saa ɛnwu kɛ suamenle ne anwo sonla bie wule la ɛtɛkyɛle a, boni a ɛbaha a?

NEA VIDIO NE NA BUA KPUYA ƐHYE MƆ:

  • Edwɛkɛtile boni a nolobɔlɛnli ne bɔle ɔ bo kɛ ɔ nee suamenle ne suzu nwo a?

  • Duzu a ɛnee ɔlɛkɔ zo wɔ suamenle ne ɛbɛlabɔlɛ nu a?

  • Ngɛlɛlera boni a ɛnee ɔfɛta ɔmaa tɛnlabelɛ ɛhye a, na duzu ati ɔ?

  • Kɛzi ɛkakyi wɔ adawubɔlɛ nu ɛmaa wɔ azɛlɛsinli ne anu amra anye die nwo ɛ?