Wulu kɔ nuhua edwɛkɛ ne azo

Wulu kɔ nuninyɛne ne azo

 YƐ KILISIENE ƐBƐLABƆLƐ

Ɛ Nee Menli Mɔɔ Kulo Gyihova La Ɛdu

Ɛ Nee Menli Mɔɔ Kulo Gyihova La Ɛdu

Duzu ati a ɔwɔ kɛ yɛ nee menli mɔɔ kulo Gyihova la tu a? Ɔluakɛ yɛ gɔnwo mɔ bahola anyia yɛ nwo zo tumi kpalɛ anzɛɛ ɛtane. (Mrɛ 13:20) Kɛ neazo la, Belemgbunli Dwowahye ‘yɛle mɔɔ sɔ Gyihova anye’ wɔ mekɛ mɔɔ Ɛsɔfo Kpanyinli Gyɛhɔyada de aze la. (2Ek 24:2) Wɔ Gyɛhɔyada ewule nzi Dwowahye kpole Gyihova ɔlua agɔnwolɛ ɛtane ti.​—2Ek 24:17-19.

Wɔ ɛvoya mɔɔ limoa Y.M. anu, ɛzoanvolɛ Pɔɔlo vale Kilisiene asafo ne totole “sua kpole” bie anwo, na ɔvale nuhua menli ne ɔtotole “mbuakɛ” anzɛɛ sua nu ninyɛne nwo. Yɛbahola yɛayɛ kɛ “debie mɔɔ anwo hyia” la, saa yɛanva awie biala mɔɔ ɛnyɛ Gyihova ɛhulolɛdeɛ la agɔnwolɛ a, bɔbɔ saa bɛle yɛ mbusuafoɔ anzɛɛ asafo ne anu amra a. (2Ti 2:20, 21) Yemɔti, bɛmaa yɛhɔ zo yɛva menli mɔɔ kulo Gyihova na bɛmaa yɛ anwosesebɛ kɛ yɛzonle ye la agɔnwolɛ.

NEA KPO AGƆNWOLƐ ƐTANE VIDIO NE NA AKEE BUA KPUYA ƐHYE MƆ:

  • Ndenle boni mɔ azo a yɛbahola yɛ nee agɔnwolɛ ɛtane adu mɔɔ yɛnrɛnwu ye a?

  • Wɔ vidio ne anu, duzu a boale Kilisienema nsa bie maanle bɛpɛle agɔnwolɛ ɛtane zo a?

  • Baebolo ngyinlazo boni mɔ a bahola aboa wɔ yeamaa wɔakpa ɛ gɔnwo mɔ nrɛlɛbɛ nu a?

Asoo mele “debie mɔɔ anwo hyia” ɔ?—2Ti 2:21