Wulu kɔ nuhua edwɛkɛ ne azo

Wulu kɔ nuninyɛne ne azo

 YƐ KILISIENE ƐBƐLABƆLƐ

Yɛdua Nolobɔlɛ Nee Ngilehilelɛ Gyima Ne Azo Yɛyɛ Menli Ɛdoavolɛma

Yɛdua Nolobɔlɛ Nee Ngilehilelɛ Gyima Ne Azo Yɛyɛ Menli Ɛdoavolɛma

Gyisɛse hanle hilele ye ɛdoavolɛ ne mɔ kɛ bɛhɔ bɛyɛ menli ye ɛdoavolɛma. (Mt 28:19) Ɛhye le nolobɔlɛ nee ngilehilelɛ. Ɔvi mekɛ mɔɔ kɔ mekɛ la ɔwɔ kɛ yɛ muala yɛbiza yɛ nwo kɛ, ‘Kɛ ɔkɛyɛ na meanyia anyunluhɔlɛ wɔ ninyɛne nwiɔ ɛhye mɔɔ anwo hyia amaa meayɛ menli ɛdoavolɛma la anu ɛ?’

NOLOBƆLƐ

Kɛ anrɛɛ yɛbahendɛ yɛamaa menli ne ara yɛ ɛkɛ ne la, ɔwɔ kɛ yɛfa anyebolo yɛkpondɛ menli mɔɔ “fɛta” la. (Mt 10:11) Saa yɛwɔ daselɛlilɛ nu a, asoo yɛfa nwolɛ adenle biala mɔɔ yɛbanyia la yɛtendɛ yɛkile menli mɔɔ ‘yɛnwu bɛ la ɔ?’ (Gyi 17:17) Ɔlua ɛzoanvolɛ Pɔɔlo mɔdenle mɔɔ ɔbɔle wɔ ye nolobɔlɛ nu la ati, Ledea rayɛle ɛdoavolɛ.​—Gyi 16:13-15.

“Dua wɔ ma ne nwonlomɔ, na eza dua bie nɔsolɛ nu” (No 11:6)

NEA KƆ ZO DI DASELƐ ‘MƆƆ ƐNGYAKYI A’​MEKƐ MƆƆ ƐNLE DASELƐLILƐ NU NEE AZUA NU VIDIO NE NA BUA KPUYA ƐHYE MƆ:

  • Kɛzi Samuel hilele kɛ ɛnee ɔ nye die nwo ɛsesebɛ kɛ ɔbalua nɔhalɛ ma ne dahuu biala ɛ?

  • Duzu ati a ɔwɔ kɛ yɛmia yɛ nwo wɔ ndenle ngakyile mɔɔ yɛdua zo yɛdi daselɛ la biala anu a?

  • Nwane mɔ a ɛbahola wɔali bɛ daselɛ wɔ alehyenlɛ ne anu a?

KILEHILE

Tɛ buluku ala a ɔwɔ kɛ yɛfa yɛmaa menli a, emomu amaa yɛayɛ menli ɛdoavolɛma la, ɔwɔ kɛ yɛyɛ dɔɔnwo. Ɔwɔ kɛ yɛsia yɛkɔkpɔla bɛ na yɛ nee bɛ sukoa Baebolo ne fane dɔɔnwo amaa bɛanyi wɔ sunsum nu. (1Kɔ 3:6-9) Noko saa mɔdenle mɔɔ yɛlɛbɔ yɛahilehile menli Belemgbunlililɛ nɔhalɛ ne la anzo ma kpalɛ ɛ? (Mt 13:19-22) Ɔwɔ kɛ yɛkɔ zo yɛkpondɛ menli mɔɔ bɛ ahonle le kɛ “azɛlɛ kpalɛ” la.​—Mt 13:23; Gyi 13:48.

“Menluale, Apɔlɔso guguale zolɛ nzule, noko Nyamenle a maanle ɔnyinle a” (1Kɔ 3:6)

NEA KƆ ZO DI DASELƐ ‘MƆƆ ƐNGYAKYI A’​BAGUA NU NEE ƐDOAVOLƐYƐLƐ GYIMA NE VIDIO NE NA BUA KPUYA ƐHYE MƆ:

  • Kɛzi Solomon nee Mary guguale nɔhalɛ ma ne mɔɔ bɛluale ye wɔ Ezekiel nee Abigail ahonle nu la azo nzule ɛ?

  • Mɔɔ fale daselɛlilɛ afoa ngakyile ne mɔ mɔɔ bagua nu daselɛlilɛ boka nwo la anwo, duzu a ɔwɔ kɛ yɛ yɛ bodane a?

  • Kɛzi yɛbava yɛ adwenle yɛazie awie mɔ mɔɔ yɛkilehile bɛ nɔhalɛ ne la azo kpalɛ ɛ?