Mateyu Edwɛkpa 1:1-25
1 Buluku mɔɔ ka Gyisɛse Kelaese* anwo tetedwɛkɛ la ɛne. Ɔle Devidi ara+ yɛɛ Ebileham ara:+
2 Ebileham wole Ayezeke;+Ayezeke wole Gyekɔbo;+Gyekɔbo wole Dwuda+ nee ɔ mediema mrenyia ne mɔ;
3 Dwuda nee Teemaa wole Pilɛze nee Zila;+Pilɛze wole Hɛzelɔn;+Hɛzelɔn wole Relam;+
4 Relam wole Amenadabe;Amenadabe wole Nahyɔn;+Nahyɔn wole Salemɔn;
5 Salemɔn nee Releehabe wole Bowaze;+Bowaze nee Wulutu wole Obɛde;+Obɛde wole Gyɛsi;+
6 Gyɛsi wole Belemgbunli Devidi.+
Devidi nee Yulaya aye ne wole Sɔlɔmɔn;+
7 Sɔlɔmɔn wole Rilihɔbowam;+Rilihɔbowam wole Abaegya;Abaegya wole Esa;+
8 Esa wole Gyɛhɔhyafate;+Gyɛhɔhyafate wole Gyɛholam;+Gyɛholam wole Yuzaya;
9 Yuzaya wole Dwotam;+Dwotam wole Ehaze;+Ehaze wole Hɛzikaya;+
10 Hɛzikaya wole Manasɛ;+Manasɛ wole Emɔn;+Emɔn wole Dwosaya;+
11 Dwosaya+ wole Gyɛkonaya+ nee ɔ mediema mrenyia ne mɔ wɔ mekɛ mɔɔ bɛvale bɛ bɛhɔle akɛlɛzonlenlɛ nu wɔ Babelɔn la anu.+
12 Mɔɔ bɛvale bɛ bɛhɔle akɛlɛzonlenlɛ nu wɔ Babelɔn la anzi, Gyɛkonaya wole Hyealeteɛle;Hyealeteɛle wole Zɛlubabɛle;+
13 Zɛlubabɛle wole Abayude;Abayude wole Yilayakem;Yilayakem wole Ezɔ;
14 Ezɔ wole Zeedɔko;Zeedɔko wole Ekem;Ekem wole Yilayɛde;
15 Yilayɛde wole Ɛlieza;Ɛlieza wole Matan;Matan wole Gyekɔbo;
16 Gyekɔbo wole Dwosefi mɔɔ ɔ ye a le Mɛle mɔɔ wole Gyisɛse,+ mɔɔ bɛfɛlɛ ye Kelaese ne la.+
17 Yemɔti, awolɛndoazo ne amuala, ɔvi Ebileham anwo zo badwu Devidi anwo zo, le awolɛndoazo 14; ɔvi Devidi anwo zo badwu mekɛ mɔɔ bɛvale bɛ bɛhɔle akɛlɛzonlenlɛ nu wɔ Babelɔn la, le awolɛndoazo 14; yɛɛ ɔvi mekɛ mɔɔ bɛvale bɛ bɛhɔle akɛlɛzonlenlɛ nu wɔ Babelɔn badwu Kelaese anwo zo la, le awolɛndoazo 14.
18 Kɛ Gyisɛse Kelaese awolɛ ne yɛle la ɛne. Mekɛ mɔɔ bɛbɔle ye mame Mɛle ɛwɔkɛ kɛ Dwosefi bagya ye na ɔtɛnyianle ɔtɛgyale ye la, bɛnwunle kɛ sunsum nwuanzanwuanza*+ ne ɛmaa yenrenzɛ.
19 Noko, kɛmɔ ɛnee ɔ hu Dwosefi le tenlenenli na ɔngulo kɛ ɔgua ɔ nyunlu aze la ati, ɔyɛle ye adwenle kɛ ɔbabɔ ye ewole fealeranu.+
20 Na mekɛ mɔɔ ɔdwenledwenlenle ninyɛne ɛhye mɔ anwo ɔwiele la, nea! Gyihova* anwumabɔvolɛ yele ɔ nwo hilele ye wɔ ɛlalɛ nu, na ɔhanle kɛ: “Dwosefi, Devidi ara, mmasulo kɛ ɛbava ɛ ye Mɛle wɔahɔ sua nu, ɔluakɛ sunsum nwuanzanwuanza ne a ɛmaa yenrenzɛ a.+
21 Ɔbawo ralɛ nrenyia, na ɛbado ye duma Gyisɛse,*+ ɔluakɛ ɔbalie ye menli ne yeavi bɛ ɛtane nu.”+
22 Ɛhye amuala yɛle zɔ amaa mɔɔ Gyihova* luale ye ngapezonli ne anwo zo hanle la ara nu kɛ:
23 “Nea! Bɛlɛra ne* banrenzɛ na yeawo ralɛ nrenyia, na bɛbado ye duma Yemanoɛle,”+ ɔ bo kile kɛ, “Nyamenle Nee Yɛ De.”+
24 Akee Dwosefi dwazole vile nla nu na ɔyɛle ye kɛ mɔɔ Gyihova* anwumabɔvolɛ ne zele ye la, na ɔvale ɔ ye ɔhɔle sua nu.
25 Noko ɔ nee ye anla ɔhɔkpulale kɛ ɔwole ralɛ nrenyia,+ na ɔdonle ye Gyisɛse la.+
Ɔbodwɛkɛ
^ Anzɛɛ “Mɛzaya ne; Mɔɔ Bɛkpokpa Ye.”
^ Anzɛɛ “gyimayɛlɛ tumi.”
^ Gyihova duma ne finde 237 wɔ Kilisiene Giliki Ngɛlɛlera ne anu, na ɛke a ɔdimoa ɔfinde a. Nea Mok. A5.
^ Ɔle kɛ Hibulu duma Gyɛhyua, anzɛɛ Dwɔhyua la, ɔ bo kile kɛ “Gyihova Le Ngoanelielɛ.”
^ Anzɛɛ “Raalɛ mɔɔ ɛnze nrenyia la.”
