Kɔmaa Felepaema 3:1-21

  • Bɛnva bɛ nwo bɛndo nwonane nu ninyɛne zo (1-11)

    • Kelaese ati debie biala le mgbane (7-9)

  • Mebɔ mɔdenle kɛ mebanyia ahyɛlɛdeɛ ne (12-21)

    • Maanlema wɔ anwuma (20)

3  Me mediema, akee bɛhɔ zo bɛli fɛlɛko wɔ Awulae anu.+ Ɔngyegye me kɛ mebahɛlɛ deɛ ko ne ala mearɛlɛ bɛ, ɔle banebɔlɛ ɔmaa bɛ.  Bɛnlea boɛ wɔ ahwea ne mɔ anwo; bɛnlea boɛ wɔ menli mɔɔ yɛ ninyɛndane la anwo; bɛnlea boɛ wɔ menli mɔɔ bɔ nwonane ne anwo nganlɛ la anwo.+  Ɔluakɛ yɛmɛ a yɛnyia nɔhalɛ mrenyiazo ɛpɛlɛ ne,+ mɔɔ yɛlua Nyamenle sunsum ne azo yɛlɛsonle ye na yɛtu yɛ nwo wɔ Kelaese Gyisɛse anu+ mɔɔ yɛnva yɛ nwo yɛndo nwonane nu ninyɛne* zo a,  saa awie lɛ debie gyinla zo tu ɔ nwo wɔ nwonane nu a ɛnee medame ɔ. Saa awie dwenle kɛ ɔlɛ debie ɔgyinla zo ɔtu ɔ nwo wɔ nwonane nu a, melɛ mɔɔ bo zo:  bɛpɛle me mrenyiazo wɔ kenle mɔtwɛ ne azo,+ mevi Yizilayɛ maanle nu, Bɛngyaman abusua nu, mele Hibulunli mɔɔ Hibuluma a wole me a;+ mɛla nu a mele Falasiinli;+  mɔdenlebɔlɛ nu a, menyɛle asafo ne kpɔdekpɔde;+ tenleneyɛlɛ mɔɔ gyi mɛla zo la anu a, ɛnee mele awie mɔɔ edwɛkɛ biala ɛnle me nwo a.  Noko ninyɛne mɔɔ ɛnee le nvasoɛ maa me la, Kelaese ati mebu bɛ kɛ ninyɛne mgbane.*+  Bieko, mebu ninyɛne kɔsɔɔti kɛ ninyɛne mgbane ɔlua me Awulae Kelaese Gyisɛse anwo nrɛlɛbɛ ne mɔɔ sonle bolɛ tɛla debie biala la ati. Ɔdaye ti debie biala le mgbane maa me na mebu bɛ kɛ ewula* dɔɔnwo la, amaa meanyia Kelaese  na bɛanwu kɛ me nee ye le ko, tɛ me tenleneyɛlɛ mɔɔ vi Mɛla ne azo ɛlilɛ nu, emomu tenleneyɛlɛ mɔɔ ɔlua Kelaese anu+ diedi zo,+ tenleneyɛlɛ mɔɔ vi Nyamenle ɛkɛ na ɔgyi diedi zo la.+ 10  Me bodane a le kɛ mekɛnwu ye nee ye ewudwazo tumi ne,+ na mekɛnwu ye amaneɛnwunlɛ ne bie,+ na mekɛwu kɛ ɔdaye la,+ 11  na meanlea saa mekɛhola mekɛnyia ewudwazo ne mɔɔ limoa la bie a.+ 12  Tɛ kɛ me sa ɛha ye dɛba anzɛɛ meli munli mewie ɔ, emomu melɛbɔ mɔdenle+ meanlea kɛ me sa kɛha mɔɔ ɔdaye ti Kelaese Gyisɛse kpale me la.*+ 13  Mediema, membu me nwo kɛ me sa ɛha ye; emomu debie ko a meyɛ a: Memaa me rɛle fi ninyɛne mɔɔ megyakyi ye wɔ me nzi la+ na mebɔ mɔdenle kɛ mekɛdwu ninyɛne mɔɔ wɔ me nyunlu la anwo,+ 14  melɛbɔ mɔdenle kɛ mebanyia ahyɛlɛdeɛ ne,+ mɔɔ le anwuma ɛvɛlɛlɛ ne+ mɔɔ vi Nyamenle ɛkɛ na ɔlua Kelaese Gyisɛse anwo zo la. 15  Yemɔti bɛmaa yɛmɛ mɔɔ yɛnyi sunsum nu la+ yɛnyia adwenle ɛhye, saa bɛlɛ adwenle fofolɛ wɔ adenle bie azo a, Nyamenle bala adwenle kpalɛ ne ali yeahile bɛ. 16  Noko kɛ ɔde ye biala la, ɛleka mɔɔ yɛnyia anyuhɔlɛ yɛhɔdwu la, bɛmaa yɛhɔ zo yɛbɔ yɛ ɛbɛla pɛpɛɛpɛ wɔ adenle ɛhye ala azo. 17  Mediema, bɛva koyɛlɛ bɛzukoa me,+ na bɛnlea bɛdabɛ mɔɔ bɛlɛbɔ bɛ ɛbɛla kɛ mɔɔ yɛyɛ nwolɛ neazo yɛmaa bɛ la. 18  Ɔluakɛ menli dɔɔnwo wɔ ɛkɛ—ɛnee meta mebɔ bɛ duma, noko kɛkala mefa ɛzunlɛ a mebɔ bɛ duma a—na bɛlɛbɔ bɛ ɛbɛla kɛ Kelaese amaneɛnwunlɛ baka* ne anwo agbɔvolɛ. 19  Bɛ awieleɛ a le ɛzɛkyelɛ, bɛ nyamenle a le bɛ ko, bɛ anyunlunyia a le bɛ anyiemgba, yɛɛ bɛ adwenle gyi ewiade ninyɛne zo.+ 20  Noko, yɛmɛ yɛle maanlema+ wɔ anwuma,+ na yɛlɛkendɛ ɛsesebɛ kɛ ngoanedievolɛ ne vi ɛkɛ ne bara, Awulae Gyisɛse Kelaese,+ 21  na ɔbalua ye tumi kpole ne mɔɔ maa ɔkola ɔfa ninyɛne kɔsɔɔti ɔwula ye tumi bo la azo+ yeahakyi yɛ sonlabaka bɛtɛɛ ne yeamaa yeayɛ kɛ ye anyunlunyia sonlabaka ne la.*+

Ɔbodwɛkɛ

Giliki aneɛ nu, “nwonane.”
Anzɛɛ ɔkola ɔkile, “mevi me ɛhulolɛ nu megyakyi nu.”
Anzɛɛ “bɔla; fovolɛ zo ewula.”
Giliki aneɛ nu, “asa hanle me la.”
Giliki aneɛ nu, “ɔ nee ye ɛdeɛ ne ayɛ ko.”