Kɔmaa Felepaema 1:1-30

  • Ahyebizalɛ (1, 2)

  • Pɔɔlo yɛ asɔne; ɔda Nyamenle ase (3-11)

  • Edwɛkpa ne nyia anyuhɔlɛ wɔ ngyegyelɛ mekɛ nu (12-20)

  • Mede aze a mede memaa Kelaese yɛɛ mewu a ɔle nvasoɛ ɔmaa me (21-26)

  • Bɛbɔ bɛ ɛbɛla bɛmaa ɔfɛta edwɛkpa ne (27-30)

1  Pɔɔlo nee Timote, Kelaese Gyisɛse ngɛkɛlɛ, ɛlɛkɛlɛ ahɔmaa nwuanzanwuanzama mɔɔ bɛ nee Kelaese Gyisɛse ɛyɛ ko mɔɔ bɛwɔ Felepae+ la amuala, yɛɛ neavolɛma nee asafo nu azonvolɛ:+  Yɛ Ze Nyamenle nee Awulae Gyisɛse Kelaese ɛlo bɛ kpole na bɛmaa bɛ anzodwolɛ.  Mekakye bɛ biala a meda me Nyamenle ne ase  wɔ modolɛ nzɛlɛlɛ biala mɔɔ meyɛ memaa bɛ muala la anu. Mefa anyelielɛ a meyɛ modolɛ nzɛlɛlɛ biala a,+  ɔlua moalɛ mɔɔ bɛva bɛmaa wɔ edwɛkpa ne anwo* ɔvi mekɛ mɔɔ limoa too mɔɔ ɛradwu ɛnɛ la ati.  Na medie medi kɛ ahenle mɔɔ bɔle gyima kpalɛ bo wɔ bɛ nu la,+ ɔbahɔ zo yeayɛ kɔkpula kɛ ɔbawie ye wɔ Kelaese Gyisɛse kenle ne.+  Ɔle kpalɛ kɛ medwenle bɛ muala bɛ nwo zɛhae a ɔluakɛ bɛla me ahonle nwo, bɛdabɛ a bɛ nee me ɛnyia ɛlolɛ kpole ɛhye anu kyɛfoa wɔ me efiadelalɛ nu+ nee edwɛkpa ne mɔɔ megyinla ɔ nzi na medua mɛla adenle zo mefa mesie ɛkɛ ne la anu a.+  Ɔluakɛ Nyamenle di me daselɛ kɛ me nwo ɛlɛdɔ bɛ muala na melɛ bɛ nwo ɛlɔlɛ kɛ Kelaese Gyisɛse la.  Na ɛhye a mekɔ zo meyɛ nwolɛ asɔne a, kɛ bɛ ɛlɔlɛ ne ɛyɛ kpole ɛbo zo+ wɔ nɔhalɛ ndelebɛbo+ nee adwenlenunwunlɛ muala anu;+ 10  na bɛanwu ninyɛne mɔɔ hyia kpalɛ la,+ amaa bɛ nwo ade saanwu na bɛammaa awie mɔ amkpo aze+ kɔkpula Kelaese kenle ne; 11  na tenleneyɛlɛ ma mɔɔ lua Gyisɛse Kelaese anwo zo la ayi bɛ tetɛkɛɛ,+ na anyunlunyia nee ayɛlɛyelɛ aha Nyamenle. 12  Mediema, akee mekpondɛ kɛ bɛnwu kɛ me tɛnlabelɛ ne amgba ɛboa ɛmaa edwɛkpa ne ɛhɔ zo, 13  na ɔlua zo Belemgbunli Sinzavolɛma ne nee menli mɔɔ ɛha la amuala ɛnwu ye+ kɛ Kelaese ati a mela efiade a.+ 14  Na mediema dɔɔnwo mɔɔ ɛlɛyɛ Awulae ɛzonlenlɛ gyima ne la ɛlua me efiadelalɛ ne azo ɛnyia anwodozo na bɛlɛfa akɛnrasesebɛ kpole bɛaha Nyamenle edwɛkɛ ne mɔɔ bɛnzulo a. 15  Ɔle nɔhalɛ kɛ bie mɔ ɛlɛfa anyebolo nee ɛzulɛ a aha Kelaese anwo edwɛkɛ ne a, noko bie mɔ ɛlɛfa adwenle kpalɛ a ayɛ zɔ a. 16  Menli mɔɔ ɛlɛfa adwenle kpalɛ ayɛ zɔ la fi ɛlɔlɛ nu bɔ Kelaese nolo, ɔluakɛ bɛze kɛ bɛkpa me kɛ mengyinla edwɛkpa ne anzi;+ 17  noko menli mɔɔ fa anyebolo yɛ zɔ la yɛ ye wɔ manzonlehwenlɛ nu, bɛnva adwenle kpalɛ bɛnyɛ, ɔluakɛ bɛyɛ bɛ adwenle kɛ bɛmaa me nwo ahyele me wɔ me efiadelalɛ ne anu. 18  Duzu a bavi nu ara a? Kɛ ɔde ye biala la, saa adwenle ɛtane o, saa adwenle kpalɛ o, bɛlɛbɔ Kelaese anwo nolo na medi ɛhye anwo fɛlɛko. Nɔhalɛ nu, eza mebahɔ zo meali fɛlɛko, 19  ɔluakɛ meze kɛ ɔlua bɛ modolɛ+ nee Gyisɛse Kelaese sunsum ne moalɛ zo,+ ɛhye bamaa meanyia ngoane. 20  Medie medi yɛɛ melɛ anyelazo kɛ menrɛbɔ anyiemgba wɔ adenle biala azo, na kɛ mɔɔ meyɛ ye dahuu la, ngoane nu o, ewule nu o, mebaha Kelaese anwo edwɛkɛ mɔɔ menzulo a,* na meava me sonlabaka ne meahanvo ye ɛnɛ noko.+ 21  Na mame, mede aze a mede memaa Kelaese+ yɛɛ mewu a ɔle nvasoɛ ɔmaa me.+ 22  Na saa metɛnla ewiade ye anu a,* ɔbamaa me gyima azo ma dɔɔnwo; noko memmaa bɛnnwu mɔɔ ɔwɔ kɛ mekpa la. 23  Megyi ninyɛne nwiɔ ɛhye mɔ avinli, na mɔɔ mekulo la a le kɛ bɛbalie me na me nee Kelaese adɛnla,+ menea a yemɔ a le kpalɛ a.+ 24  Noko, ɔle kpalɛ ɔmaa me kɛ bɛdabɛ ti mekɛdɛnla ewiade ɛhye anu. 25  Yemɔti, kɛmɔ medie ɛhye medi la ati, meze kɛ me nee bɛ kɔsɔɔti badɛnla amaa bɛanyia ngɔzo na bɛ nye alie wɔ diedi ne anu, 26  amaa saa meba bɛ nwo lɔ bieko a, medame ti, bɛ fɛlɛkolilɛ ne abo zo wɔ Kelaese Gyisɛse duma nu. 27  Bɛnlea bɛbɔ bɛ ɛbɛla* bɛmaa ɔfɛta Kelaese anwo edwɛkpa ne,+ amaa meba bɛ nwo lɔ anzɛɛ menle bɛ nwo lɔ bɔbɔ a, meade na meanwu kɛ bɛlɛ koyɛlɛ* nee adwenle* ko bɛgyi kpundii,+ na bɛlɛbɔ mɔdenle bɛamaa edwɛkpa ne anwo diedi ne, 28  mɔɔ bɛmmaa bɛ agbɔvolɛ ɛnwunlonwunla bɛ a. Ɛhye kile kɛ bɛbazɛkye bɛ,+ na bɛmɛ bɛbanyia ngoane;+ ɛhye vi Nyamenle. 29  Ɔluakɛ bɛmɛ a Kelaese ati bɛnyia nwolɛ adenle a, ɔnle kɛ bɛnyia ye nu diedi ala, emomu ɔdaye ti eza ɔwɔ kɛ bɛnwu amaneɛ.+ 30  Na konle ne mɔɔ bɛnwunle me kɛ megyi ɔ nloa,+ na bɛte kɛ metɛgyi ɔ nloa la, yemɔ ala a bɛdabɛ noko bɛgyi ɔ nloa a.

Ɔbodwɛkɛ

Anzɛɛ “bɛ nwo mɔɔ bɛva bɛwula nu bɛmaa yehɔ zo.”
Anzɛɛ “mebava anwodozo meaha.”
Giliki aneɛ nu, “metɛnla nwonane nu a.”
Anzɛɛ “bɛbɔ bɛ ɛbɛla kɛ maanlema.”
Giliki aneɛ nu, “ɛkɛla ko.”
Giliki aneɛ nu, “sunsum ko.”