Dwobu 9:1-35

  • Dwobu mualɛ (1-35)

    • Sonla dasanli nee Nyamenle ɛngola ɛmpele (2-4)

    • ‘Nyamenle yɛ ninyɛne mɔɔ bɛngola bɛnvedevede nu’ (10)

    • Sonla nee Nyamenle ɛngola ɛnzu kpolera (32)

9  Dwobu buale kɛ:  “Nɔhalɛ nu, meze kɛ ɛhye le zɔ. Noko kɛ ɔkɛyɛ na sonla dasanli nee Nyamenle ali edwɛkɛ na yeali benle ɛ?+   Saa awie kpondɛ kɛ ɔ nee Ye su kpolera* a,+Sonla zɔhane ɛnrɛhola ɛnrɛbua Ye kpuya apenle ko anu ko bɔbɔ.   Ɔle nrɛlɛbɛvolɛ* yɛɛ ye tumi le kpole.+ Nwane a kɛhola kɛdwazo kɛtia ye mɔɔ ɔnrɛboda a?+   Ɔtudu awoka* wɔ mekɛ mɔɔ awie biala ɛnnwu ye a;Ɔbutubutu bɛ nye aze wɔ ye ɛyavalɛ nu.   Ɔkpusu azɛlɛ ne ɔfi ye ɛleka ne,Na ye mpila ne mɔ woso.+   Ɔka ɔkile sɛnzɛne ne kɛ ɔmmataNa ɔkeda nwɔlɔra ne mɔ wienyi ne azo;+   Ɔdaye mumua ne ɔtɛlɛ anwuma ne anu,+Na ɔtietia nyevile azɛlɛkye mgbole ne mɔ azo.+   Ɔdaye a ɔbɔle Aahye nwɔlɔra ekpunli,* Kisele nwɔlɔra ekpunli* nee Kaema nwɔlɔra ekpunli ne mɔ* a,+Yɛɛ nwɔlɔra ekpunli mɔɔ wɔ anwomanyunlu* nyiakɛ la; 10  Ɔyɛ ninyɛne mgbole mɔɔ bɛngola bɛnvedevede nu,+Nwanwane ninyɛne mɔɔ bɛngola bɛ tia a.+ 11  Ɔse me nwo ɛkɛ, noko mennwu ye;Ɔpɛ nu wɔ me nwo ɛkɛ, noko mennwu ye kɛ ɔdaye ɔ. 12  Saa ɔkpodi debie a, nwane a kɛhola kɛzi ye adenle a? Nwane a kɛhola kɛbiza ye kɛ, ‘Duzu a ɛlɛyɛ a?+ 13  Nyamenle ɛnrɛhwe ye ɛyavalɛ ne ɛnrɛzia;+Releehabe*+ boavolɛma bɔbɔ babɔ bɛ ti aze amaa ye. 14  Ɛnee mame a le nwane na meabua yeMe nee ye ɛlɛsu kpolera a ɔwɔ kɛ menea me edwɛkɛ boɛ! 15  Saa me edwɛkɛ yɛ fɛ bɔbɔ a, menrɛbua ye.+ Mebabodo me ndɛnebuavolɛ ne* meamaa yeaze me anwunvɔne. 16  Saa mefɛlɛ ye a, asoo ɔbalie me zo? Menlie menli kɛ ɔbadie me ne, 17  Ɔluakɛ ɔfa ahumu ɔbɛlɛ me azeNa mgbane gyɛne nu ala, ɔmaa me nganlɛ yɛ dɔɔnwo.+ 18  Ɔmmaa menlie me menle;Ɔmaa ninyɛne mɔɔ yɛ ɛnwonle la yi me tɛkɛɛ. 19  Saa ɔfale tumi nwo a, ɔdaye a ɔ nwo yɛ se a.+ Saa ɔfale pɛlepɛlelilɛ nwo a, ɔka kɛ: ‘Nwane a bahola amaa meabu mgbonda a?’* 20  Saa me edwɛkɛ yɛ fɛ a, me nloa bɔbɔ babua me fɔlɛ;Saa mefa nɔhalɛlilɛ* medua* bɔbɔ a, ɔbabua me fɔlɛ.* 21  Saa mefa nɔhalɛlilɛ* medua* bɔbɔ a, menlɛ anwodozo wɔ me nu;*Mekpo* me ngoane ɛhye. 22  Ɔ muala le ko. Ɛhye ati a mese,‘Ɔsɛkye bɛdabɛ mɔɔ edwɛkɛ ɛnle bɛ nwo* nee amumuyɛma ɔbɔ nu’ la. 23  Saa azuyilɛ maa menli wu arɛlevilɛ nu a,Ɔbagolo mɔɔ edwɛkɛ ɛnle ɔ nwo la anwo wɔ ye anwubɛnyunlu ne ati. 24  Bɛva azɛlɛ ne bɛwula amumuyɛma asa anu;+Ɔkeda ye ndɛnebuavolɛma anye.* Saa tɛ ɔdaye a, ɛnee nwane ɔ? 25  Akee me mekɛ se ndɛndɛ tɛla awie mɔɔ nriandi la;+Bɛnriandi bɛkɔ mɔɔ bɛnnwu debie kpalɛ biala a. 26  Bɛpɛ nu bɛkɔ kɛ ndɔ baka ɛlɛne,Kɛ kɔleɛ mɔɔ ɛlɛto ahye debie la. 27  Saa meka kɛ, ‘Mebamaa me rɛle avi me nyanelilɛ,Mebahakyi me nyunlu na meamaa me nye alie a,’ 28  Me anwofofolɛ ne mɔ kɔsɔɔti ati, ɛzulolɛ ka me,+Yɛɛ meze kɛ ɛnrɛbu me kɛ edwɛkɛ ɛnle me nwo. 29  Mebali fɔlɛ.* Ɔti duzu ati a ɔwɔ kɛ mefonla me nwo mgbane a?+ 30  Saa mefa ezukɔtweaba mɔɔ ɛholo la nzule mebia,Na mefa saminla mewowo me sa anwo a,+ 31  Ɛbava me wɔawula kuma nu,Amaa me adɛladeɛ bɔbɔ ahyi me. 32  Ɔluakɛ ɔnle sonla kɛ medame la na meabua ye,Na yɛ mu nwiɔ yɛahɔ kɔɔto.+ 33  Awie biala ɛnle ɛkɛ mɔɔ ɔbali yɛ avinli edwɛkɛ,*Mɔɔ ɔbahola yeayɛ yɛ ndɛnebuavolɛ* a. 34  Saa ɔbagyakyi me ɛbolɛ*Na yeammaa ɔ nwo ɛzulolɛ ne anwunlonwunla me a,+ 35  Yemɔ mebadendɛ meahile ye mɔɔ menrɛzulo a,Ɔluakɛ ɔnle me nu kɛ mefa ɛzulolɛ meadendɛ.

Ɔbodwɛkɛ

Anzɛɛ “ɔ nee Ye kɔ kɔɔto.”
Hibulu aneɛ nu, “Ɔle nrɛlɛbɛvolɛ wɔ ahonle nu.”
Anzɛɛ “Ɔye awoka ɔfi ɛkɛ.”
Ɔbayɛ Ezizile Kpole nwɔlɔra ekpunli ne.
Ɔbayɛ Orelayɔn nwɔlɔra ekpunli ne.
Ɔbayɛ Pelɛdese nwɔlɔra ne mɔɔ wɔ Tɔɔlɔso nwɔlɔra ekpunli ne anu la.
Hibulu aneɛ nu, “suakunlu.”
Ɔbayɛ nyevile nu nane kpole bie.
Anzɛɛ ɔkola ɔkile, “mɔɔ me nee ye lɛ edwɛkɛ la.”
Hibulu aneɛ nu, “kɛsɛma me a?”
Anzɛɛ “munlililɛ.” Nea Edwɛkɛbohilelɛ.
Anzɛɛ “Saa edwɛkɛ ɛnle me nwo.”
Hibulu aneɛ nu, “ɔbabu me kɛ menli nɔhalɛ.”
Anzɛɛ “munlililɛ.” Nea Edwɛkɛbohilelɛ.
Anzɛɛ “Saa edwɛkɛ ɛnle me nwo.”
Anzɛɛ “menze me ɛkɛla.”
Anzɛɛ “Membu; Mekyi.”
Anzɛɛ “bɛfa nɔhalɛlilɛ bɛdua la.”
Hibulu aneɛ nu, “anyunlu.”
Hibulu aneɛ nu, “Mebayɛ amumuyɛnli.”
Anzɛɛ “ɔbayɛ yɛ avinligyinlavolɛ.”
Hibulu aneɛ nu, “ɔbava ɔ sa yeagua yɛ mu nwiɔ yɛ nwo zo.”
Hibulu aneɛ nu, “ɔbaye ye baka ne yeavi me nwo zo.”