Dwobu 6:1-30

  • Dwobu mualɛ (1-30)

    • Ɔhanle kɛ ɔdi benle (2-6)

    • Ye arɛlekyekyevolɛma ne le mɛlɛbɛla (15-18)

    • “Nɔhalɛ edwɛkɛ ɛnyɛ nyane!” (25)

6  Akee Dwobu buale kɛ:  “Anrɛɛ bɛkɛhola bɛkɛzuzu me abodelɛ+ ne amualaNa bɛkɛva bɛkɛboka me amaneɛnwunlɛ ne anwo bɛkɛgua tone zo!   Anrɛɛ ye ɛlomboɛ kɛdɛla ɛnweazo ɛnwea. Ɛhye ati a me edwɛkɛ wowɔ* zɛhae la.+   Ɔluakɛ Tumivolɛ Bedevinli ne ɛda mbaka ne mɔ ɛwowɔ me,Na me sunsum ɛlɛno bɛ pɔezen ne;+Ɛzulolɛ mɔɔ vi Nyamenle ɛkɛ la ɛra me nwo zo.   Asoo ɛbɔ nu asoaso+ su teɛdea nu wɔ mekɛ mɔɔ yenyia ndile la,Anzɛɛ ɛnlankɛ nyinli su wɔ mekɛ mɔɔ yenyia aleɛ la?   Asoo bɛdi aleɛ taboloo mɔɔ bɛngua ngyenle nu,Anzɛɛ baka nu nzule teteatea ne yɛ fɛ ɔ?   Mekpo kɛ mekɛzɔ* ninyɛne zɛhae mɔ anu. Bɛle kɛ debie mɔɔ ɛzɛkye wɔ me aleɛ nu la.   O anrɛɛ menyia mɔɔ mebiza laNa Nyamenle amaa me sa aha mɔɔ mekpondɛ la!   Anrɛɛ Nyamenle ɛnyia ɛhulolɛ kɛ ɔbabɛtɛ me,Na yeadende ɔ sa wɔ me nwo zo yeaye me yeavi ɛkɛ!+ 10  Anrɛɛ yemɔ bɔbɔ bakyekye me rɛle;Anrɛɛ mebawuluwulu meali fɛlɛko ɔnva nwo kɛ melɛdi nyane kpole la,Ɔluakɛ metɛkpole Nwuanzanwuanza Ko ne edwɛkɛ.+ 11  Asoo melɛ anwosesebɛ mefa mekendɛ?+ Na awieleɛ boni a ɛlɛkendɛ me, mɔɔ ɔwɔ kɛ mekɔ zo metɛnla ngoane nu* a? 12  Asoo me anwosesebɛ le kɛ bolɛ? Anzɛɛ me nwo nane le kɔbele ɔ? 13  Asoo mebahola mealua adenle bie azo meaboa me nwoWɔ mekɛ mɔɔ bɛlie me ninyɛne kɔsɔɔti mɔɔ bahola aboa me la? 14  Awie biala mɔɔ ɛnla ɛlɔlɛ kpundii ali ɛngile ɔ gɔnwo la+Bakpo Tumivolɛ Bedevinli ne anwo ɛzulolɛ noko.+ 15  Medame me mediema le mɛlɛbɛla+ kɛ fɔsɛlɛ nu azudenle,Bɛle kɛ fɔsɛlɛ nu azudenle nu nzule mɔɔ ɛngyɛ na yeasesa la. 16  Ayese maa bɛyɛ kisii,Yɛɛ ezukɔtweaba mɔɔ kolo la vea bɛ nu. 17  Noko wawaa nu bɛkakyi ɛleka mɔɔ nzule ɛnle la na bɛba awieleɛ;Saa wuluwulu ba a, bɛsesa. 18  Bɛ adenle ne kakyi;Bɛse bɛdua ɛsɛlɛ zo na bɛ bo zo minli. 19  Tima+ adenduvoma kpondɛ bɛ;Hyiba+ adenduvoma* kendɛ bɛ. 20  Bɛ nyunlu gua aze ɔluakɛ ɛnee bɛdie bɛdi kɛ bɛbanyia nzule;Bɛbadwu ɛkɛ ne na bɛ rɛle bɔ. 21  Zɔhane ala a bɛdabɛ noko bɛde bɛmaa me a;+Bɛnwu me amaneɛnwunlɛ ɛzulolɛ ne, na bɛ ahonle ɛdu.+ 22  Asoo meha kɛ, ‘Bɛmaa me debie,’ Anzɛɛ mebiza bɛ kɛ bɛva bɛ anwonyia ne bie bɛhyɛ me ɔ? 23  Asoo mebiza kɛ bɛlie me bɛvi kpɔvolɛ bie asa anuAnzɛɛ bɛlie me ngoane* bɛvi nzisima asa anu ɔ? 24  Bɛhilehile me, na mebayɛ koonwu;+Bɛboa me bɛmaa menwu me nvonleɛ ne. 25  Nɔhalɛ edwɛkɛ ɛnyɛ nyane!+ Noko duzu nvasoɛ a bɛkola bɛnyia ye bɛfi bɛ ahwibɛnyunlu ne anu a?+ 26  Bɛlɛfa me edwɛkɛ ne anwo adwenle kɛ bɛtwi me nyunlu,Kɛ sonla mɔɔ anye zo ɛda ye la edwɛkɛ+ mɔɔ anwoma bɔ ye kɔ la ɔ? 27  Eza bɛbagua nrisa ati ma*+Na bɛadɔne bɛ gɔnwo!+ 28  Ɔti kɛkala bɛhakyi bɛ nwo na bɛnlea me,Ɔluakɛ menrɛbɔ adalɛ wɔ bɛ nyunlu. 29  Mesɛlɛ bɛ, bɛzia bɛzuzu nwo—bɛmmabua me ndɛne—Ɛhɛe, bɛzia bɛzuzu nwo, ɔluakɛ me tenleneyɛlɛ ne gyi kpundii. 30  Me tafinlima ɛha edwɛkɛ mɔɔ ɔnle kɛ ɔka la ɔ? Asoo me talɛ* ɛnze kɛ debie ɛngɔ ye boɛ ɔ?

Ɔbodwɛkɛ

Anzɛɛ “le ngoaseasɛm.”
Anzɛɛ “Me ɛkɛla kpo kɛ ɔkɛzɔ.”
Anzɛɛ “mɔɔ ɔwɔ kɛ memaa me ngoane mekɛ (ɛkɛla) wa.”
Anzɛɛ “Siba adenduvoma ekpunli.”
Hibulu aneɛ nu, “bɛkpɔne me.”
Ɛhye kile bɛ nloa anu anwuma.