Dwobu 38:1-41

  • Gyihova maa yɛnyia ɛzukoalɛdeɛ mɔɔ kile kɛ sonla ɛndwu bie la (1-41)

    • ‘Mekɛ mɔɔ mebɔ azɛlɛ ne la ɛnee ɛwɔ ni?’ (4-6)

    • Nyamenle amra ne mɔ bɔle bɛ sa nu deɛdeanle nu (7)

    • Abɔdeɛ bie mɔ anwo kpuya (8-32)

    • “Mɛla ne mɔ mɔɔ kile anwuma adenle la” (33)

38  Akee Gyihova buale Dwobu wɔ ahumuakyima ne anu kɛ:+   “Nwane ɛne, nwane a ɛlɛbu ɔ nye agua me folɛdulɛ ne azoNa ɔlɛka edwɛkɛ mɔɔ nrɛlɛbɛ ɛnle nu la ɛ?+   Mesɛlɛ wɔ, siezie ɛ nwo kɛ nrenyia la;Mebiza wɔ edwɛkɛ, na wɔaye me ɔ nloa.   Mekɛ mɔɔ mefa azɛlɛ ne meazie ɛkɛ ne la ɛnee ɛwɔ ni?+ Ka kile me, saa ɛdwenle kɛ ɛte ɔ bo a.   Nwane a zuzule dole ɛkɛ a, saa ɛze a,Anzɛɛ nwane a dole nyɛma zuzule a?   Duzu azo a ye adiabo ne gyi,Anzɛɛ nwane a dole ye mgbɛnezo bolɛ ne,+   Wɔ mekɛ mɔɔ nwonlomɔ nwɔlɔra+ bɔle nu vale anyelielɛ deɛdeanle nu,Na Nyamenle amra ne mɔ amuala*+ bɔle bɛ sa nu deɛdeanle nu la ɛ?   Na nwane a dole nyevile ne anlenkɛ nu+Wɔ mekɛ mɔɔ ɔvi ɛkolɛ nu ɔvindele,   Mekɛ mɔɔ menvale amungu mengedale zoNa menvale awozinli kabii menkyekyele nwolɛ la, 10  Mekɛ mɔɔ mengyale ye ɛweɛne,Na menduoduale ye nlenkɛ na menguale mbulalɛ wɔ ɔ nzi,+ 11  Na menganle kɛ, ‘Ɛke ala a ɛbaradwu a, na ɛnrɛhɔ bieko;Ɛke a wɔ azɛlɛkye mgbole ne mɔ baradwu la,’+ ɛnee ɛwɔ nienwu? 12  Asoo wɔhile nwonlomɔ mekɛ ɛlɛ*Anzɛɛ wɔmaa aleɛbahye ɛnwu ye ɛleka,+ 13  Amaa yeazɔ azɛlɛ ne ɛleka bialaNa yeawoso amumuyɛma yeavi zo ɔ?+ 14  Ɔkakyihakyi kɛ ndɛtɛlɛ mɔɔ bɛva debie bɛzɔ ɔ nloa,Na zolɛ ninyɛne ne mɔ le ngɛnlɛma kɛ ɛdanlɛ la. 15  Noko amumuyɛma kɛnlaneɛ ɛnda bɛ nwo zo,Yɛɛ bɛ sa mɔɔ bɛkpogya ye zo la ɛbubu. 16  Asoo wɔhɔ ɛleka mɔɔ nyevile ne vi ba laAnzɛɛ wɔkpɔsa azule mgbole ne mɔ anu ɛlɛ?+ 17  Asoo bɛla ewule nlenkɛ mgbole ne mɔ+ ali bɛhile wɔ,Anzɛɛ wɔnwu awozinli kabii+ nlenkɛ mgbole ne mɔ ɛlɛ? 18  Asoo wɔde kɛzi azɛlɛ ne kpole de la abo?+ Saa ɛze ɛhye mɔ amuala a, ka kile me. 19  Nienwu a wienyi sua zo adenle ne la a?+ Yɛɛ awozinli sua zo wɔ nienwu, 20  Amaa wɔava ye wɔahɔ ɛkɛNa wɔanwu adenle ne mɔɔ kɔ ye sua nu la ɔ? 21  Asoo ɛze ɛhye ɔluakɛ ɛnee bɛwo wɔ dɛbadɛbaYɛɛ wɔ ɛvolɛ* ne dodo zonle la ati ɔ? 22  Asoo wɔhɔ ezukɔtweaba+ ninyɛnezielɛ ɛleka ne,Anzɛɛ wɔnwu ezuawolɛ+ ninyɛnezielɛ ɛleka ne, 23  Mɔɔ meva mezie ɛkɛ ne memaa anwongyelelɛ mekɛ,Memaa konle kenle ne la ɔ?+ 24  Adenle ne boni a wienyi* dua zo ta a,Yɛɛ nienwu a aduduleɛ anwoma ne fi bɔ azɛlɛ ne azo a?+ 25  Nwane a ɛye ɛzezea ɛmaa azuyilɛNa yepɛ adenle yemaa ahumu nee ezule mɔɔ kulu la,+ 26  Ɔmaa ɔtɔ ɔgua ɛleka mɔɔ menli ɛnde ɛkɛ,Wɔ fienemgbole nu, ɛleka mɔɔ menli ɛnle la,+ 27  Amaa azɛlɛ mɔɔ ɛdɔ mgbane na yezɛkye la ayɛ boɛNa yeamaa ndile afifi a?+ 28  Asoo ezule lɛ ye papa,+Anzɛɛ nwane a wole ɛbɔlɛ a?+ 29  Nwane akunlu a ayese vi rale a,Yɛɛ nwane a wole ayese ne mɔɔ vi anwuma tɔ la ɛ?+ 30  Mekɛ mɔɔ bɛhedale nzule ne mɔ azo kɛ asɛɛ bɛva bolɛ bɛbutu zo,Na azule mgbole ne mɔ anye ɛgyengye la ɛ?+ 31  Asoo ɛbahola wɔava nyɛma wɔakyekye Kaema nwɔlɔra ekpunli* neAnzɛɛ ɛbahola wɔatulu nyɛma ne mɔɔ kyekye Kisele nwɔlɔra ekpunli* ne+ la ɔ? 32  Asoo ɛbahola wɔali nwɔlɔra ekpunli* bie anyunlu wɔ ye ɛlobɔ nloaAnzɛɛ wɔahile Aahye nwɔlɔra ekpunli* ne nee ɔ mra ne mɔ adenle ɔ? 33  Asoo ɛze mɛla ne mɔ mɔɔ kile anwuma adenle la,+Anzɛɛ ɛbahola wɔamaa bɛahile bɛ* tumi wɔ azɛlɛ ne azo ɔ? 34  Asoo ɛbahola wɔamaa ɛ ne zo wɔadwu amungu ne mɔ anuKɛ ɛmaa azuyilɛ arava wɔ ɔ?+ 35  Ɛbahola wɔazoa ɛsɛlɛmanye ne mɔ ɔ? Asoo bɛbara na bɛaha bɛahile wɔ kɛ, ‘Yɛmɛ ɛne?’ 36  Nwane a vale nrɛlɛbɛ wulale amungu ne mɔ* anu a,+Anzɛɛ nwane a maa nwanwane ninyɛne mɔɔ wɔ anwomanyunlu la* ndelebɛbo a?+ 37  Nwane a ze nrɛlɛbɛ kpalɛ mɔɔ ɔbahola yeadia amungu ne mɔ a,Anzɛɛ nwane a bahola ahyea anwuma dwora ne amaa nuhua nzule agua aze a+ 38  Mekɛ mɔɔ munlutu kɛhakyi ndɛtɛlɛNa ɛnwea edukue edukue kɛbɔ nu kɛyɛ ko la ɛ? 39  Asoo ɛbahola wɔahu nane wɔamaa awenadeAnzɛɛ wɔamaa awenade ngyikyi anyia mɔɔ bɛkpondɛ la bɛali+ 40  Wɔ mekɛ mɔɔ bɛkɛze ngoko wɔ ɛleka mɔɔ bɛda laAnzɛɛ bɛkɛbu bɛkɛzia wɔ bɛ dabelɛ ne mɔ anu la ɔ? 41  Nwane a maa kɔkɔsɛlɛ aleɛ+Wɔ mekɛ mɔɔ ɔ mra kɛzu kɛkpondɛ Nyamenle moalɛNa bɛluolua nu ɔluakɛ bɛnnyia aleɛ bɛnli la ati la ɛ?

Ɔbodwɛkɛ

Hibulu ɛrɛlɛdendɛ mɔɔ kile Nyamenle amra mɔɔ bɛle anwumabɔvolɛma.
Hibulu aneɛ nu, “wɔ wɔ ngoane mekɛ nu.”
Hibulu aneɛ nu, “mekɛ.”
Anzɛɛ ɔkola ɔkile, “ɛsɛlɛmanye.”
Ɔbayɛ Pelɛdese nwɔlɔra ne mɔɔ wɔ Tɔɔlɔso nwɔlɔra ekpunli ne anu la.
Ɔbayɛ Orelayɔn nwɔlɔra ekpunli ne.
Hibulu aneɛ nu, “Mazalɔto.”
Ɔbayɛ Ezizile Kpole nwɔlɔra ekpunli ne.
Anzɛɛ ɔkola ɔkile, “Ye.”
Anzɛɛ ɔkola ɔkile, “sonla.”
Anzɛɛ ɔkola ɔkile, “maa adwenle.”