Dwobu 33:1-33

  • Ɛlaehu hwile Dwobu anyunlu kɛ ɔbule ɔ nwo tenlenenli (1-33)

    • Bɛnyia ɛkpɔnedeɛ (24)

    • Nyia wɔ mgbavolɛ nu anwosesebɛ ne bieko (25)

33  “Noko kɛkala Dwobu, mesɛlɛ wɔ tie me edwɛkɛ ne;Tie edwɛkɛ biala mɔɔ mebaha la.   Mesɛlɛ wɔ nea! Ɔwɔ kɛ mebuke me nloa;Ɔwɔ kɛ me tafinlima* tendɛ.   Me edwɛkɛ da me ahonle nu tenleneyɛlɛ ne ali,+Yɛɛ me nloa ka mɔɔ ɔze ye la nɔhalɛ nu.   Nyamenle sunsum ne a yɛle me a,+Yɛɛ Tumivolɛ Bedevinli ne ɛnwomenle ne a maanle membale ngoane nu a.+   Saa ɛbahola a bua me;Ka wɔ edwɛkɛ ne maa mendie; siezie ɛ nwo.   Nea! Mele kɛ ɛdawɔ ala la wɔ nɔhalɛ Nyamenle ne anyunlu;Medame noko bɛvale ndɛtɛlɛ a bɛnwonle me a.+   Ɔti mmamaa me nwo ɛzulolɛ maa wɔ ahonle tu,Yɛɛ mmamaa me edwɛkɛ ne bo ɛ nwo zo.   Noko mendele kɛ ɛlɛka kɛ,Ɛhɛe, mendele edwɛkɛ ɛhye mɔ,   ‘Me nwo te, metɛtonle mɛla biala;+Me nwo ɛtɛguale evinli, metɛyɛle nvonleɛ biala.+ 10  Noko Nyamenle ɛnyia debie ɛgyinla zo ɛdwazo ɛtia me;Ɔbu me kɛ ye kpɔvolɛ.+ 11  Ɔkyekye me gyakɛ ɔbɔ baka nu;Ɔneɛnlea me ndenle kɔsɔɔti anu.’+ 12  Noko mɔɔ ɛlɛka la ɛnle nɔhalɛ, ɔti mebabua wɔ: Nyamenle le bedevinli tɛla dasanli biala.+ 13  Duzu ati a wɔbɔ Ye somolɛ a?+ Kɛmɔ yeambua wɔ edwɛkɛ ne amuala la ati ɔ?+ 14  Ɔluakɛ Nyamenle tendɛ kokye yɛɛ ye fane nwiɔ ne azo,Noko awie biala ɛndie, 15  Wɔ ɛlalɛ nu, nɔɔzo ɛnyelɛzodeɛnwunlɛ nu,+Mekɛ mɔɔ menli la bɛ ɛkpa ne mɔ azoNa bɛlafe botoo la. 16  Akee ɔbuke bɛ nzo+Na ɔsi ye adehilelɛ ne mɔ mɔɔ yeva yemaa bɛ la azo,* 17  Kɛ ɔtwe sonla yeavi ɛtaneyɛlɛ nwo+Na yeabɔ sonla nwo bane yeavi anwomemaazo nwo.+ 18  Nyamenle die ye ɛkɛla* fi ewule kuma* nu,+Ɔdie ye ngoane amaa yeanwu konle dadeɛ* nloa. 19  Eza bɛmaa sonla te nyane wɔ ye ɛkpa zo bɛfa bɛtwi ɔ nyunluNa ye mbowule nu fofo ye dahuu, 20  Amaa ye sonlabaka* ne ahyi paano,Na yeakpo* aleɛ kpalɛ bɔbɔ.+ 21  Ɔnwa mɔɔ bɛnnwu ye sonla holɛ,Akee ye mbowule ne mɔ mɔɔ vea la findevinde zo.* 22  Ye ɛkɛla* bikye ewule kuma* ne;Ye ngoane bikye bɛdabɛ mɔɔ bɛfa ewule bɛba la. 23  Saa ɔlɛ ɛbɔfoɔ* bie wɔ ɛkɛ,Kamaavolɛ ko wɔ menli apenle apenle avinli,Kɛ ɔka mɔɔ le tenlene la yeahile sonla a, 24  Yemɔ Nyamenle nwu ye anwunvɔne na ɔka kɛ,‘Die ye amaa yeangɔ ewule kuma* ne anu!+ Menyia ɛkpɔnedeɛ!+ 25  Maa ɔ nwo nane ɛdɔ zo* ɛdɛla ye mgbavolɛ nu ɛdeɛ ne;+Maa ɔnyia ye mgbavolɛ nu anwosesebɛ ne bieko.’+ 26  Ɔbazɛlɛ Nyamenle,+ na ɔbalie ye,Na ɔbava anyelielɛ yeadeɛdea nu kɛ yenwu Ɔ nyunlu la,Na Ɔbava Ye tenleneyɛlɛ ne yeamaa sonla dasanli bieko. 27  Sonla zɔhane baha* ahile menli kɛ,‘Menyɛle ɛtane+ na menyɛle mɔɔ ɛnle kpalɛ la,Noko meannyia mɔɔ fɛta me la.* 28  Yelie me ɛkɛla* amaa meangɔ ewule kuma* ne anu,+Na me ngoane banwu wienyi ne.’ 29  Nɔhalɛ nu, Nyamenle yɛ ninyɛne ɛhye mɔ amualaFane nwiɔ, fane nsa maa sonla, 30  Kɛ ɔdie ye* yeavi ewule kuma* ne anu,Amaa ngoane wienyi ne ada ɔ nwo zo.+ 31  Gyele ɛ nzo, Dwobu! Tie me! Yɛ koonwu, na mebadoa zo meadendɛ. 32  Saa ɛlɛ edwɛkɛ bie ɛka a, bua me. Tendɛ, ɔluakɛ mekulo kɛ mebua wɔ benle. 33  Saa ɛnlɛ edwɛkɛ biala ɛnga a, ɔwɔ kɛ ɛtie me;Yɛ koonwu maa mengile wɔ nrɛlɛbɛ.”

Ɔbodwɛkɛ

Hibulu aneɛ nu, “me tafinlima nee me talɛ.”
Hibulu aneɛ nu, “ɔsɔ ɔ nloa.”
Anzɛɛ “ngoane.”
Anzɛɛ “nla.”
Anzɛɛ “akodeɛ (ɛda mbaka).”
Hibulu aneɛ nu, “ye ngoane.”
Anzɛɛ “ye ɛkɛla akpo.”
Anzɛɛ “sa gua zo.”
Anzɛɛ “ngoane.”
Anzɛɛ “nla.”
Anzɛɛ “anwumabɔvolɛ.”
Anzɛɛ “nla.”
Anzɛɛ “ɛde kpɔkɛ.”
Hibulu aneɛ nu, “bado edwɛne.”
Anzɛɛ ɔkola ɔkile, “Na nwolɛ amba me nvasoɛ.”
Anzɛɛ “me ngoane.”
Anzɛɛ “nla.”
Anzɛɛ “ye ɛkɛla.”
Anzɛɛ “nla.”