Zɛfanaya 2:1-15

  • Bɛkpondɛ Gyihova kolaa na ye ɛya kenle ne adwu (1-3)

    • Bɛkpondɛ tenleneyɛlɛ nee mɛlɛbɛnwoaze (3)

    • “Bie a bɛbaheda bɛ nwo zo” (3)

  • Maanle maanle ne mɔ ndɛnebualɛ (4-15)

2  Bɛboɔboa bɛ nloa, ɛhɛe, bɛboɔboa bɛ nloa,+O maanle mɔɔ ɛnze nyiane a.+   Kolaa na mɛla ne ayɛ gyima,Kolaa na kenle ne aze kɛ abonle,Kolaa na Gyihova ɛya wuluwulu ne ara bɛ nwo zo,+Kolaa na Gyihova ɛya kenle ne ara bɛ nwo zo la,   Bɛkpondɛ Gyihova,+ bɛdabɛ mɔɔ bɛle bɛlɛvo* wɔ azɛlɛ ne azo la amuala,Na bɛdi ye tenlene mɛla* ne mɔ azo la. Bɛkpondɛ tenleneyɛlɛ, bɛkpondɛ mɛlɛbɛnwoaze. Bie a* bɛbaheda bɛ nwo zo wɔ Gyihova ɛya kenle ne anu.+   Ɔluakɛ Gaza bayɛ sua mɔɔ bɛkpo ye;Yɛɛ Ahyekɛlɔn bayɛ suadu.+ Bɛbavoa Ahyedɔdo ewiazo henlema,*Yɛɛ bɛbadu Ɛkelɔn abo.+   “Bɛdabɛ mɔɔ bɛde nyevile nloa wɔ Kɛlɛtema maanle nu la, bɛ gyakɔ!+ Gyihova nee bɛ lɛ edwɛkɛ. O Keena, Filisitiama azɛlɛ, mebazɛkye wɔ,Amaa sonla ko bɔbɔ anga zo.   Na nyevile ne anloa bayɛ nane adidileka,Mɔɔ bula mɔɔ mboane no nu yɛɛ mboane tunli mɔɔ bɛva awolɛ bɛyɛ la a wɔ ɛkɛ a.   Ɔbayɛ Dwuda sua nu amra mɔɔ baha la maanzinli;+Ɛkɛ ne a bɛbadidi a. Bɛbala Ahyekɛlɔn azua ne mɔ anu nɔsolɛ nu. Ɔluakɛ Gyihova bɛ Nyamenle ne banlea bɛ,Na yeaboɔboa bɛ menli mɔɔ hɔle akɛlɛzonlenlɛ nu la anloa bieko.”+   “Mede Mowabe tendɛtia+ nee Amɔnoma aholoba ne,+Menli mɔɔ bɛbɔle me menli ne aholoba na bɛdule bɛ nloa anu kɛ bɛdie bɛ azɛlɛ ne la.+   Ɔti mekɛ ala mɔɔ mede aze la,” kɛ ɛlɔne Gyihova, Yizilayɛ Nyamenle ne se la ɛne,“Mowabe bayɛ kɛ Sodɔm,+Na Amɔn ayɛ kɛ Gomɔla,+Ɛleka mɔɔ ndile, ngyenle kuma nee azɛlɛ mɔɔ ɛzɛkye bɔkɔɔ wɔ la.+ Me menli ne mɔɔ baha la bɛave bɛ ninyɛne,Na me maanle ne anu amra mɔɔ baha la baza bɛ alie bɛ azɛlɛ ne. 10  Bɛ anwomemaazo ne ati, debie mɔɔ bɛbanyia ye la ɛne,+Ɔluakɛ bɛbɔle ɛlɔne Gyihova menli ne aholoba na bɛmemaanle bɛ nwo zo bɛtiale bɛ. 11  Gyihova anwo bayɛ bɛ ɛzulolɛ;Ɔluakɛ ɔbazɛkye azɛlɛ ne azo nyamenle ne mɔ amuala,Na maanle maanle mɔɔ bɛde mbɔra zo la kɔsɔɔti babɔ bɛ ti aze amaa ye,+Biala bayɛ ɛhye wɔ ɛleka mɔɔ ɔwɔ la. 12  Mebava me konle dadeɛ ne meahu bɛdabɛ Yiteyopeama noko.+ 13  Ɔbadende ɔ sa wɔ sɔlɔ na yeazɛkye Aselea,Na ɔbamaa Nenɛvɛ adɔ mgbane,+ na yeayɛ resee kɛ ɛsɛlɛ zo. 14  Nyɛmoa, nane ngakyile mɔɔ anwo yɛ ɛzulolɛ la* kɔsɔɔti bala ɛkɛ. Azule nloa bɔngɔbɔngɔ nee fuke bala ye mpila ne mɔ mɔɔ ɛbubu la avinli nɔɔzo. Ɛnelɛ bie bado edwɛne wɔ nvɛnzɛlɛ ne anu. Bɛbazɛkye ye nlenkɛ ne mɔ;Ɔluakɛ ɔbaza ye sida ndaboa ne mɔ yeagua zo. 15  Suakpole ne mɔɔ ɛnee memaa ɔ nwo zo na ɔlɛ banebɔlɛ la ɛne,Ɛnee ɔka wɔ ye ahonle nu kɛ, ‘Medame a le medame, na awie bieko ɛnle ɛkɛ.’ Nea kɛzi ɔ nwo ɛyɛ menli ɛzulolɛ bie ɛ,Ɛleka mɔɔ nane anwo ɛzulolɛ da la! Awie biala mɔɔ bapɛ nu wɔ ɛkɛ la babɔ nvonloma na yeabɔ ɔ sa ati.”+

Ɔbodwɛkɛ

Anzɛɛ “bɛbɛlɛ bɛ nwo aze.”
Hibulu aneɛ nu, “ye ndɛnebualɛ.”
Anzɛɛ “Wɔannea a.”
Anzɛɛ “sɛnzɛnegyinla.”
Hibulu aneɛ nu, “nanemgbole mɔɔ wɔ maanle ne anu la.”