Yizikeɛle 9:1-11

  • Ɛzɛkyelɛma nsia ne nee nrenyia ne mɔɔ lɛ ɛnke toba ne la (1-11)

    • Ndɛnebualɛ babɔ ɔ bo wɔ ɛzonlenlɛsua ne anu (6)

9  Akee ɔdeanle nu kpole na mendele ye me nzo nu kɛ: “Fɛlɛ menli mɔɔ badea suakpole ne la bɛla, maa bɛ nuhua ko biala ɛva ye akodeɛ mɔɔ ɔfa ɔsɛkye debie la ɛlɛ ɔ sa nu!”  Menwunle mrenyia nsia kɛ bɛvi anwuma anlenkɛ kpole+ ne mɔɔ anye kile sɔlɔ la anwo nehane bɛlɛba, bɛ nuhua ko biala lɛ akodeɛ mɔɔ ɔfa ɔsɛkye debie la wɔ ɔ sa nu; na ɛnee nrenyia ko boka bɛ nwo mɔɔ ɔwula lenen tɛladeɛ, na kɛlɛhɛlɛvolɛ ɛnke toba** ɔ nze zo, na bɛragyinlanle kɔbele afɔlemokyea ne anwo ɛkɛ.+  Akee Yizilayɛ Nyamenle ne anyunlunyia ne+ maanle ɔ nwo zo wɔ ɛleka mɔɔ ɛnee ɔgyi wɔ kyɛlɔbe ne mɔ ati zo la na ɔhɔgyinlanle sua ne anlenkɛ ne anloa,+ na ɔvɛlɛle nrenyia ne mɔɔ wula lenen tɛladeɛ ne na kɛlɛhɛlɛvolɛ ɛnke toba ne bɔ ɔ nze zo la.  Gyihova zele ye kɛ: “Kɔva suakpole ne azo, kɔva Gyɛlusalɛm azo na yɛ menli mɔɔ bɛlɛdi nyane na bɛlɛkponle+ wɔ bɛkyi ninyɛne kɔsɔɔti mɔɔ bɛlɛyɛ ye wɔ suakpole ne azo anwo la anwoma azo nzonlɛ.”+  Na mendele kɛ ɔlɛka yeahile ɛhendeɛ ne mɔ kɛ: “Bɛli ɔ nzi bɛhɔva suakpole ne azo na bɛhuhu menli ne. Bɛmmamaa bɛ nye se bɛ anwunvɔne yɛɛ bɛmmamaa bɛ kunlu yelɛyela bɛ.+  Ɔwɔ kɛ bɛku ɛrelera, kpavolɛ, raalɛ mɔɔ ɛnze nrenyia, kakula ekyi yɛɛ mraalɛ bɔkɔɔ.+ Noko bɛmmabikye awie biala mɔɔ bɛyɛ ye nzonlɛ la.+ Bɛbɔ ɔ bo wɔ me ɛzonlenlɛsua ne anu.”+ Ɔti bɛbɔle ɔ bo wɔ mgbanyima ne mɔ mɔɔ wɔ sua ne anyunlu la anwo zo.+  Akee ɔzele bɛ kɛ: “Bɛgua sua ne anwo evinli na bɛva menli mɔɔ bɛbahu bɛ la avunli ne mɔ bɛgua alienwo ɛkɛ bɛmaa ɛkɛ ne ɛyi.+ Bɛhɔ!” Ɔti bɛhɔle na bɛhuhunle menli wɔ suakpole ne azo.  Mɔɔ bɛlɛkuhu menli ne mɔ la, ɔhale me ngomekye, na membutule me nyunlu aze na mendeanle nuhua kɛ: “O Tumivolɛ Awulae Gyihova! Ɛbawola wɔ ɛya ne wɔagua Gyɛlusalɛm anwo zo na wɔazɛkye Yizilayɛma mɔɔ ɛha la amuala ɔ?”+  Ɔti ɔzele me kɛ: “Yizilayɛma nee Dwudama nvonleɛ ne le kpole somaa.+ Mogya mɔɔ bɛha bɛgua la ɛyi azɛlɛ ne azo tɛkɛɛ,+ yɛɛ nzisi ɛbu suakpole ne azo.+ Ɔluakɛ bɛse, ‘Gyihova ɛgyakyi azɛlɛ ne yɛɛ Gyihova ɛnnwu yɛ.’+ 10  Noko mame, me nye ɛnrɛze anwunvɔne; yɛɛ me kunlu ɛnrɛyelɛyela me.+ Mɔɔ bavi bɛ ndenle ne mɔ anu ara la a mebava meagua bɛdabɛ mumua ne bɛ ti zo a.” 11  Akee menwunle nrenyia ne mɔɔ wula lenen tɛladeɛ na ɛnke toba ne bɔ ɔ nze zo la kɛ ɔlɛsia yeara, na ɔlɛka kɛ: “Meyɛ mɔɔ ɛhanle ɛhilele me la pɛpɛɛpɛ.”

Ɔbodwɛkɛ

Anzɛɛ “kɛlɛhɛlɛvolɛ ɛnke kodoku.”
Anzɛɛ “henda.”