Nolobɔvo 12:1-14

  • Kakye wɔ Bɔvolɛ ne kolaa na wɔayɛ ɛrelera (1-8)

  • Nolobɔvo ne edwɛkɛ ne adwulaleɛ (9-14)

    • Nrɛlɛbɛvolɛma edwɛkɛ le kɛ kpɔma (11)

    • Sulo nɔhalɛ Nyamenle ne (13)

12  Akee kakye wɔ Bɔvolɛ Kpole ne wɔ wɔ mgbavolɛ mekɛ nu+ kolaa na ngyegyelɛ* mekɛ ne ara,+ na mekɛ mɔɔ ɛbaha kɛ, “Me nye ɛnlie ɛbɛlabɔlɛ nu” la adwu;  kolaa na sɛnzɛne ne, wienyi ne, siane ne nee nwɔlɔra ne mɔ ahɔ awozinli nu,+ na ezule ne tɔ a eza yeamunla bieko;*  wɔ mekɛ mɔɔ sua ne sinzavolɛma* anwo bawosowoso bɛ na mrenyia mɔɔ anwo yɛ se la avinli akpo, na mraalɛ ne mɔ agyakyi debie ɛdinlɛ ɔluakɛ bɛha ekyi bie, na mbɛlɛra mɔɔ nea nvɛnzɛlɛ ne anu la anye zo ayɛ bɛ kisii;+  mekɛ mɔɔ bɛbado gua ne azo nlenkɛ ne mɔ anu, mekɛ mɔɔ ɛdibolɛ ne ane baha aze, mekɛ mɔɔ aloma ɛzunlɛ bamaa sonla adunwue, na mraalɛ mɔɔ to edwɛne la kɔsɔɔti ane aha aze la.+  Eza sonla bazulo ɛleka mɔɔ wɔ anwuma yɛɛ gua ne azo bayɛ ɛzulolɛ. Alemɔndo baka ne bɔ ndotolo,+ abɛbɛ ne twenle ɔ nwo aze, yɛɛ ɔ nloa anu ɛnyɛ ye fɛ,* ɔluakɛ sonla ɛlɛkɔ ye sua mɔɔ ɔbadɛnla nu mekɛ tendenle la anu+ yɛɛ menli mɔɔ su la luolua gua ne azo;+  kolaa na dwɛtɛ fufule nyɛma ne aye, na nvutuke kyɛnze kuloonwu ne azɛkye, na buakɛ ne mɔɔ wɔ nzubula ne anloa la abɔ, na nyɛma mɔɔ bɛfa bɛto bula ne la ade.  Akee ndɛtɛlɛ ne sia kɔ azɛlɛ ne anu+ kɛ mɔɔ ɛnee ɔde ala la, na sunsum* ne sia kɔ nɔhalɛ Nyamenle ne mɔɔ vale maanle la ɛkɛ.+  Nolobɔvo ne se, “Ɔle mgbane bɔkɔɔ!+ Debie biala le mgbane!”+  Nolobɔvo ne nwunle nrɛlɛbɛ, yɛɛ eza ɔvale mɔɔ ɔze ye la ɔhilehilele menli ne dahuu;+ ɔdwenledwenlenle ninyɛne nwo na ɔyɛle neɛnleanu kpalɛ amaa yeaboɔboa mrɛlɛ dɔɔnwo anloa.*+ 10  Nolobɔvo ne kpondɛle edwɛkɛ agbɔkɛ mɔɔ yɛ fɛ la+ na ɔhɛlɛle nɔhalɛ edwɛkɛ mɔɔ le pɛpɛɛpɛ la. 11  Nrɛlɛbɛvolɛma edwɛkɛ le kɛ kpɔma,*+ na bɛ edwɛkɛ mɔɔ bɛboɔboa ɔ nloa la le kɛ pɛlɛko mɔɔ bɛva bɛbobɔ debie nu la; ɔvi mboaneneavolɛ ko ɛkɛ. 12  Ɛhye mɔ anzi, me ra nrenyia nea boɛ: Mbuluku dɔɔnwo ɛyɛlɛ ɛnlɛ ye awieleɛ, yɛɛ bɛ ɛzukoalɛ dɔɔnwo ku nwonane ne ɛvɛlɛ.+ 13  Edwɛkɛ ne adwulaleɛ, debie biala mɔɔ yɛde la a le kɛ: Sulo nɔhalɛ Nyamenle ne+ na di ye mɛla ne mɔ azo,+ ɔluakɛ sonla gyima mɔɔ ɔwɔ kɛ ɔyɛ la kɔsɔɔti ɛne.+ 14  Ɔluakɛ nɔhalɛ Nyamenle ne babua nyɛleɛ biala nee debie biala mɔɔ vea la anwo ndɛne, kɛ ɔle kpalɛ anzɛɛ ɛtane.+

Ɔbodwɛkɛ

Anzɛɛ “munzule.”
Anzɛɛ ɔkola ɔkile, “ezule ne amunla adɔ bieko.”
Anzɛɛ “neavolɛma.”
Wɔ Hibulu aneɛ nu, ɔkile kipa bakama. Bakama bie mɔɔ maa bɛ nloa anu yɛ bɛ fɛ.
Anzɛɛ “ngoane tumi.”
Anzɛɛ “amaa yeahyehyɛ mrɛlɛ dɔɔnwo pɛpɛɛpɛ.”