Nihɛmaya 12:1-47

  • Ɛsɔfoma ne nee Livaema ne (1-26)

  • Bane ne azo ɛyilalɛ (27-43)

  • Bɛboale ɛzonlenlɛ sua nu ɛkɛ ne gyima ne (44-47)

12  Ɛsɔfoma nee Livaema mɔɔ bɛ nee Hyealeteɛle+ ara Zɛlubabɛle+ nee Gyɛhyua+ vi akɛlɛzonlenlɛ nu ziale rale la ɛne: Sɛlaya, Gyɛlɛmaya, Ɛzela,  Amalaya, Malɛke, Hatɛhye,  Hyɛkanaya, Rilihɛm, Mɛlemɔto,  Yedo, Genɛtowae, Abaegya,  Megyamen, Meedaya, Belega,  Hyɛmaya, Dwɔyalebe, Gyedeeya,  Salu, Emɔko, Helekaya nee Gyedeeya. Menli ɛhye mɔ nee bɛ mediema a ɛnee le mgbanyima wɔ ɛsɔfoma ne anu wɔ Gyɛhyua mekɛ zo a.  Livaema ne a le Gyɛhyua, Bɛnuwae, Kademeɛle,+ Hyɛlibaya, Dwuda nee Matanaya+ mɔɔ ɔ nee ɔ mediema ne mɔ lile moyɛlɛ edwɛndolɛ ne anyunlu la.  Ɛnee bɛ nee bɛ mediema Bakebukaya nee Ɔnae anye bɔ zo wɔ bɛ sinzavolɛma gyima* ne ɛyɛlɛ nu. 10  Gyɛhyua le Dwɔyakem papa, Dwɔyakem le Yilayahyebe+ papa yɛɛ Yilayahyebe le Dwɔyada+ papa. 11  Dwɔyada le Dwɔnatan papa yɛɛ Dwɔnatan le Gyadua papa. 12  Dwɔyakem mekɛ zo, ɛhye mɔ a ɛnee le ɛsɔfoma a, mbusua mgbanyima: Sɛlaya+ abusua nu, Mɛlaya; Gyɛlɛmaya abusua nu, Hananaya; 13  Ɛzela+ abusua nu, Mɛhyɛlam; Amalaya abusua nu, Gyehoheenan; 14  Malɛkae abusua nu, Dwɔnatan; Hyɛbanaya abusua nu, Dwosefi; 15  Heelem+ abusua nu, Adena; Mɛlayɔto abusua nu, Hɛlekae; 16  Yedo abusua nu, Zɛkalaya; Genɛtɔn abusua nu, Mɛhyɛlam; 17  Abaegya+ abusua nu, Zekelae; Menayamen abusua nu, . . . ;* Mowadaya abusua nu, Peletae; 18  Belega+ abusua nu, Hyamua; Hyɛmaya abusua nu, Gyɛhɔnatan; 19  Dwɔyalebe abusua nu, Matinae; Gyedeeya+ abusua nu, Ɛzae; 20  Saleeyae abusua nu, Kalae; Emɔko abusua nu, Yibɛ; 21  Helekaya abusua nu, Hahyabaya; Gyedeeya abusua nu, Nɛtanɛle. 22  Bɛhɛlɛle Livaema nee ɛsɔfoma mɔɔ bɛle mbusua mgbanyima ɔvi Yilayahyebe, Dwɔyada, Dwoheenan nee Gyadua+ mekɛ zo too badwu Pɛhyea Belemgbunli Dalayɛse mekɛ zo la aluma. 23  Bɛhɛlɛle Livaema mɔɔ ɛnee le mbusua mgbanyima la aluma wɔ tetedwɛkɛ buluku nu, too ɔradwule Yilayahyebe ara Dwoheenan mekɛ zo. 24  Livaema mgbanyima a le Hahyabaya, Hyɛlibaya nee Kademeɛle+ ara Gyɛhyua,+ bɛ nee bɛ mediema ne mɔ anye bɔ zo wɔ mekɛ mɔɔ bɛlɛto ayɛlɛyelɛ nee moyɛlɛ edwɛne kɛ mɔɔ nɔhalɛ Nyamenle ne sonla Devidi vale nwolɛ adehilelɛ maanle la,+ sinzavolɛma ekpunli ko gyi foa ko ɛke la ɛnee ekpunli ko noko gyi foa ko nehane. 25  Matanaya,+ Bakebukaya, Obadaya, Mɛhyɛlam, Talemɔn nee Akɛbe+ le nlenkɛ mgbole sinzavolɛma,+ bɛmɛ a bɛsinza ninyɛnezielɛ ɛleka ne nlenkɛ mgbole ne mɔ a. 26  Ɛhye mɔ zonlenle wɔ Dwozadake ara Gyɛhyua+ ara Dwɔyakem mekɛ zo nee amɛnlado Nihɛmaya yɛɛ Ɛzela+ mɔɔ le ɛsɔfo nee kɛlɛhɛlɛvolɛ la mekɛ zo. 27  Mekɛ mɔɔ bɛyila Gyɛlusalɛm bane ne azo la, bɛkpondɛle Livaema wɔ ɛleka biala mɔɔ bɛde la bɛ nee bɛ rale Gyɛlusalɛm amaa bɛava fɛlɛkolilɛ, moyɛlɛ edwɛne,+ mbulalɛ mɔɔ dielie,* getaa* nee haape, bɛayila bane ne azo. 28  Na edwɛndolɛma ne* abozoamra vi maanzinli ne* anu boɔboale bɛ nloa, bɛvi ɛleka mɔɔ zuozua Gyɛlusalɛm la amuala, bɛvi ɛleka ne mɔ mɔɔ Nɛtofama+ ne dɛnlɛdɛnlanle, 29  bɛvi Bɛte-gelegale+ yɛɛ maanzinli ne mɔ mɔɔ wɔ Giba+ nee Azemeevɛte+ la anu, ɔluakɛ ɛnee edwɛndolɛma ne ɛsisi bɛ azua ɛbɔ Gyɛlusalɛm anwo ɛyia. 30  Na ɛsɔfoma ne nee Livaema ne dele bɛ nwo, bɛdele menli ne,+ nlenkɛ mgbole ne mɔ+ nee bane ne anwo.+ 31  Akee memaanle Dwuda mgbanyima vole bane ne azo anwuma. Na menyele moyɛlɛ edwɛndolɛma ekpunli mgbole nwiɔ mɔɔ bɛdo ɛlɔnwɔne, ekpunli ko hɔle fema zo wɔ bane ne azo wɔ Nzonle Anlenkɛ Kpole ne+ anwo. 32  Hohyaya nee Dwuda mgbanyima ne mɔ foa ko doale bɛ, 33  bɛ nee Azalaya, Ɛzela, Mɛhyɛlam, 34  Dwuda, Bɛngyaman, Hyɛmaya nee Gyɛlɛmaya. 35  Ɛsɔfo ne mɔ abozoamra mɔɔ vale aweɛne ndendenle+ doale bɛ la a le: Dwɔnatan ara Zɛkalaya, Hyɛmaya ara, Matanaya ara, Maekaya ara, Zakɛ ara, Esafe+ ara 36  nee ɔ mediema Hyɛmaya, Azaleɛle, Melalae, Gelalae, Meeyae, Nɛtanɛle, Dwuda nee Haneenae, na ɛnee bɛdedɛ nɔhalɛ Nyamenle ne sonla Devidi edwɛnebɔlɛ ninyɛne ne;+ na kɛlɛhɛlɛvolɛ Ɛzela+ li bɛ nyunlu. 37  Bɛdwule Nzubula Anlenkɛ Kpole ne+ anwo la, bɛhɔle bɛ nyunlu fɔɔnwo bɛvole bane ne, bɛpɛle nu wɔ Devidi Suakpole+ Kpolike+ ne anwo bɛvale Devidi Sua ne anwuma bɛhɔle Nzule Anlenkɛ Kpole ne+ aduduleɛ. 38  Moyɛlɛ edwɛndolɛma ekpunli ko ne noko vale bɛne zo,* na me nee menli ne foa ko doale bɛ wɔ bane ne azo yɛhɔvole Fonlomo Tawa ne+ azo yɛhɔle Bane Tɛtɛlɛ ne+ azo 39  na bɛhɔvale Yifelaem Anlenkɛ Kpole ne+ nee Suakpole Dɛba Anlenkɛ Kpole ne+ nee Fɛlɛ Anlenkɛ Kpole ne+ ati zo, Hananile Tawa ne,+ Miya Tawa ne nee Mboane Anlenkɛ Kpole ne+ anwo; na bɛhɔgyinlanle Sinzavolɛma Anlenkɛ Kpole ne anwo. 40  Akee moyɛlɛ edwɛndolɛma ekpunli nwiɔ ne ragyinlegyinlanle nɔhalɛ Nyamenle ne sua ne anyunlu; medame noko membale ɛkɛ, me nee mgbanyima ne mɔ foa ko, 41  nee ɛsɔfoma Yilayakem, Meeyasaya, Menayamen, Maekaya, Ɛleyoyinae, Zɛkalaya yɛɛ Hananaya mɔɔ bɛdedɛ aweɛne ndendenle la, 42  nee Meeyasaya, Hyɛmaya, Ɛlieza, Ɛzae, Gyehoheenan, Malekaegya, Yilam nee Yizɛ. Na edwɛndolɛma ne mɔɔ Yezelahaya a li bɛ ti la dole edwɛne ne kpole kpalɛ. 43  Kenle zɔhane, bɛbɔle afɔle dɔɔnwo kpalɛ na bɛlile fɛlɛko,+ ɔluakɛ nɔhalɛ Nyamenle ne maanle bɛ nye liele kpole. Mraalɛ nee ngakula noko anye liele,+ yemɔti bɛdele Gyɛlusalɛm fɛlɛkolilɛ ne wɔ moamoa.+ 44  Kenle ko ne ala bɛkpale mrenyia bɛmaanle bɛnleanle ninyɛnezielɛ ɛleka ne mɔ+ mɔɔ bɛfa ahyɛlɛdeɛ,+ ma mɔɔ limoa+ nee ngyɛnu bulu anu ko ne+ bɛsie ɛkɛ la azo. Ɛnee ɔwɔ kɛ bɛboɔboa ninyɛne mɔɔ bɛkɛnyia bɛkɛvi ɛya ne mɔ anu, wɔ azua ne mɔ azo, mɔɔ le ɛsɔfoma nee Livaema+ kyɛfoa kɛ mɔɔ Mɛla ne kile la anloa wɔ ɛkɛ,+ ɛnee bɛlɛdi fɛlɛko wɔ Dwuda ɔlua ɛsɔfoma nee Livaema mɔɔ ɛnee bɛlɛsonle la ati. 45  Bɛbɔle ɔ bo bɛyɛle gyima ne mɔɔ bɛ Nyamenle ne vale maanle bɛ nee bɛ gyima kɛ bɛde debie biala anwo la, zɔhane ala a edwɛndolɛma ne nee nlenkɛ mgbole sinzavolɛma ne noko yɛle a, kɛ mɔɔ Devidi nee ɔ ra Sɔlɔmɔn hyehyɛle la. 46  Ɔvi mekɛ tendenle wɔ Devidi nee Esafe mekɛ zo, ɛnee menli* mɔɔ nea edwɛndolɛma ne nee ayɛlɛyelɛ nee moyɛlɛ edwɛne ne mɔ mɔɔ bɛto bɛmaa Nyamenle la azo la wɔ ɛkɛ.+ 47  Wɔ Zɛlubabɛle+ mekɛ zo nee Nihɛmaya mekɛ zo, Yizilayɛma kɔsɔɔti vale edwɛndolɛma+ nee nlenkɛ mgbole sinzavolɛma+ kyɛfoa mɔɔ bɛbahyia nwo alehyenlɛ biala la maanle bɛ. Bɛdabɛ noko bɛvale Livaema+ kyɛfoa bɛmaanle bɛ yɛɛ Livaema ne noko vale Aalɔn abozoamra ne kyɛfoa maanle bɛ.

Ɔbodwɛkɛ

Anzɛɛ ɔkola ɔkile, “ɛzonlenlɛ gyima.”
Ɔda ali kɛ wɔ Hibulu ɛdeɛ ne anu bɛyele duma bie bɛvile nu wɔ ɛke.
Anzɛɛ “mbulalɛ nwiɔ mɔɔ bɛfa bɛbɔ nwo bɛmaa ɔdielie.”
Tete ɛdeɛ ne le ngakyile fi ɛnɛ mekɛ ye getaa ne anwo.
Anzɛɛ “Na edwɛndolɛma mɔɔ bɛtete bɛ la.”
Ɛhye kile, maanzinli mɔɔ zua Dwɔdan ne.
Anzɛɛ “lile bɛ nyunlu.”
Hibulu aneɛ nu, “mgbanyima.”