Ndɛnebuavolɛma 5:1-31

  • Dɛbola nee Balake konimlilɛ edwɛne ne (1-31)

    • Nwɔlɔra honle tiale Sesɛla (20)

    • Kaehyɔn azudenle ne yile (21)

    • Menli mɔɔ kulo Gyihova la le kɛ sɛnzɛne ne (31)

5  Kenle zɔhane Dɛbola+ nee Abenoam ara Balake+ dole edwɛne ɛhye:+   “Bɛye Gyihova ayɛlɛ,Ɔlua menli mɔɔ bɛ enrinli gua zo* wɔ Yizilayɛ la ati,Ɔlua menli mɔɔ dule bɛ nwo maanle+ la ati!   Bɛmɛ arelemgbunli bɛdie, bɛmɛ tumivolɛma bɛyɛ ɛnzolɛ bɛdie! Mebado edwɛne meamaa Gyihova. Mebado ayɛlɛyelɛ edwɛne* meamaa Gyihova,+ Yizilayɛ Nyamenle ne.+   Gyihova, mekɛ mɔɔ ɛvile Siyɛ,+Mekɛ mɔɔ ɛvile Yidɔm azɛlɛ zo la,Azɛlɛ ne kpusule na ezule vi anwuma dɔle,Ezule vi amungu ne anu dɔle guale aze.   Awoka holole* wɔ Gyihova anyunlu,+Saenae bɔbɔ holole Gyihova,+ Yizilayɛ Nyamenle ne+ anyunlu.   Wɔ Enate ara Hyamega+ mekɛ zo,Wɔ Gyeeyɛle+ mekɛ zo, ndenle ne mɔ lale ɛkɛ mgbane;Adendulɛma vale adehane ndenle ne mɔ azo.   Menli mɔɔ ɛnee de namunamu nu wɔ Yizilayɛ la vile ɛkɛ;*Bɛdule bɛvile ɛkɛ hɔkpulale kɛ medame Dɛbola+ mendwazole,Hɔkpulale kɛ mendwazole kɛ Yizilayɛma ɛ mame.+   Bɛkpale nyamenle fofolɛ;+Akee konle zile bɛ nlenkɛ mgbole nloa.+ Bɛannwu enyinlike anzɛɛ atwɛWɔ Yizilayɛma 40,000 avinli.   Me ahonle wɔ Yizilayɛ sogyama mgbanyima,+Mɔɔ dule bɛ nwo maanle na bɛ nee menli ne hɔle la afoa.+ Bɛye Gyihova ayɛlɛ! 10  Bɛdabɛ mɔɔ bɛdede asoaso anwo ɛbenle zo,Bɛdabɛ mɔɔ bɛtɛnla kapɛte ngɛnlɛma zo,Yɛɛ bɛdabɛ mɔɔ bɛdua ndenle ne mɔ azo laBɛzuzu nwo! 11  Bɛte menli mɔɔ kɔsa nzule maa bɛ nane la ane wɔ nzubula ne mɔ anwo;Ɛkɛ ne a bɛka Gyihova tenleneyɛlɛ nwo edwɛkɛ a,Bɛka ye menli mɔɔ de namunamu nu wɔ Yizilayɛ la tenlene gyima ne mɔ anwo edwɛkɛ. Akee Gyihova menli ne hɔle nlenkɛ mgbole ne mɔ anloa. 12  Dwazo, O Dɛbola+ dwazo! Dwazo, dwazo to edwɛne!+ Abenoam ara Balake,+ dwazo! Fa wɔ menli mɔɔ wɔhye bɛ wɔ konle nu la kɔ! 13  Akee bɛdabɛ mɔɔ bɛha la rale menli titili ne mɔ ɛkɛ;Gyihova menli rabokale me nwo maanle yɛhonle yɛtiale katakyiema. 14  Yifelaem a bɛvi a, bɛdabɛ mɔɔ bɛde bɔnza ne anu la;Bɛdoa wɔ, O Bɛngyaman, wɔ menli ne. Sogya mgbanyima vi Meekɛ+ dwule aze,Zɛbulɛn a menli mɔɔ fa sogyama gyima nu la kpɔma ne* vi rale a. 15  Yesakaa mgbanyima nee Dɛbola luale,Kɛ mɔɔ Yesakaa yɛle la, zɔhane ala a Balake+ yɛle a. Ɔluale aze ɔhɔle bɔnza ne anu.+ Ɛnee Wulubɛn mbusua ne mɔ ahonle ɛnzi pi. 16  Duzu ati a ɛdɛnlanle adesoa nwiɔ avinli,Ɛdiele bɛ ɛmaanle bɛbɔle bɛ aweɛne ne bɛhilele bɛ mboane ne mɔ a?+ Ɔluakɛ ɛnee Wulubɛn mbusua ne mɔ ahonle ɛnzi pi. 17  Geleade hale Dwɔdan ne anzi lɔ;+Dan noko, duzu ati a ɛdɛnlanle meli nu a?+ Ahya dɛnlanle ɛkɛ ne mgbane wɔ nyevile ne anloaNa ɔhale ye habɔ* ɛkɛ ne.+ 18  Zɛbulɛn abusua ne vale bɛ ngoane* dole esiane nu na ɔhale bɛ nee ewule;Nafetalae noko+ yɛle zɔ wɔ awoka ne mɔ azo.+ 19  Arelemgbunli rale; bɛhonle;Akee Keena arelemgbunli honle+Bɛhonle Mɛgido azule ne anloa wɔ Teeyanake.+ Bɛanva dwɛtɛ fufule biala wɔ konle nu.+ 20  Nwɔlɔra ne mɔ vi anwuma honle;Bɛvi bɛ ndenle ne mɔ azo bɛhonle bɛtiale Sesɛla. 21  Kaehyɔn azudenle ne pianle bɛ hɔle,+Tete azudenle ne, Kaehyɔn azudenle ne. O me ɛkɛla,* ɛtietiale anwosesebɛma anwo zo. 22  Akee mgbɔnwɔ ne mɔ sisile bɛ gyakɛ azeNa ye konle mgbɔnwɔ ne mɔ nriandile ndɛndɛ.+ 23  Gyihova anwumabɔvolɛ ne hanle kɛ, ‘Munzule ɛha Milɔzo,Ɛhɛe, munzule ɛha menli mɔɔ de zo la,Ɔluakɛ bɛambamboa Gyihova,Bɛanva katakyiema bɛambamboa Gyihova.’ 24  Bɛyila Kinanli Hibɛ+ aye Gyeeyɛle+ kpoleWɔ mraalɛ avinli;Ɔdaye a bɛyila ye kpole wɔ mraalɛ mɔɔ de ɛdanlɛ azua nu la avinli a. 25  Ɔzɛlɛle nzule; ɔmaanle ye meleke. Ɔmaanle ye meleke mɔɔ ɛla*+ la wɔ kyɛnze kpole nu. 26  Ɔdole ɔ sa ɔvale ɛdanlɛsua takola,Ɔvale ɔ sa fema ne ɔzɔle gyimayɛvolɛ hamenle nu. Na ɔvale hamenle ɔbɔle Sesɛla, ɔgelegelele ɔ ti,Na ɔbɔle zo na ɔwɔle ɔ nzo tɛbanu.+ 27  Ɔgolole wɔ ɔ gyakɛ avinli; ɔdɔle aze na ɔlale ɛkɛ koonwu;Ɔgolole wɔ ɔ gyakɛ avinli na ɔdɔle aze;Ɛleka mɔɔ ɔgolole ɔguale la, ɛkɛ ne a ɔwule a. 28  Raalɛ bie nleanle nvɛnzɛlɛ ne anu,Sesɛla mame nleanle nvɛnzɛlɛ ne anu,‘Duzu ati a ye ehwili ne ɛhyɛ na ɔmba ɛ? Duzu ati a mende ye ehwili ne mɔ agyakɛ abo ɛ?’+ 29  Ye mraalɛ titili mɔɔ ze nrɛlɛbɛ la babua ye;Ɛhɛe, ɔdaye noko ɔbazi zo yeahile ɔ nwo kɛ, 30  ‘Bie a bɛlɛkyɛ ninyɛne mɔɔ bɛnyianle la,Kovolɛ ko biala bɛlɛra* ko, anzɛɛ mbɛlɛra* nwiɔBɛmaa Sesɛla ɛdanlɛ mɔɔ bɛwula ye ayile la, ɛdanlɛ mɔɔ bɛwula ye ayile la,Tɛladeɛ mɔɔ bɛnwo nu, ɛdanlɛ mɔɔ bɛwula ye ayile, adɛladeɛ mɔɔ bɛnwo nu la nwiɔBɛfa bɛagua menli mɔɔ vale ninyɛne ne la akɔme nu.’ 31  O Gyihova, maa wɔ agbɔvolɛ abo zo ɛminli,+Noko maa bɛdabɛ mɔɔ bɛkulo wɔ la ɛyɛ kɛ sɛnzɛne mɔɔ ɛlɛta wɔ ye anyunlunyia nu la.” Na azɛlɛ ne liele ɔ menle* too ɛvolɛ 40.+

Ɔbodwɛkɛ

Anzɛɛ “kovolɛma mɔɔ bɛ enrinli gua zo.”
Anzɛɛ “Mebahyehyɛ edwɛne.”
Anzɛɛ ɔkola ɔkile, “kpusule.”
Anzɛɛ “abo dule.”
Anzɛɛ ɔkola ɔkile, “menli mɔɔ lɛ ninyɛne mɔɔ bɛfa bɛyɛ kɛlɛtokɛ la.”
Anzɛɛ “meli agyinlanleɛ.”
Anzɛɛ “bɛ ɛkɛla.”
Anzɛɛ “meleke mɔɔ ɛpi.”
Hibulu aneɛ nu, “awodeɛ.”
Hibulu aneɛ nu, “awodeɛ.”
Anzɛɛ “Na anzodwolɛ rale azɛlɛ ne azo.”