Nɔmbɛse 7:1-89
-
Ɛdanlɛsua ne azo ɛyilalɛ nwo afɔlebɔlɛ (1-89)
7 Kenle mɔɔ Mosisi hyehyɛle ɛdanlɛsua ne wiele la,+ ɔkpokpale ye+ na ɔdele nwolɛ nee nuhua ninyɛne kɔsɔɔti yɛɛ afɔlemokyea ne nee nwolɛ ninyɛne ne amuala anwo.+ Mɔɔ ɔkpokpale ninyɛne ɛhye mɔ na ɔdele nwolɛ la,+
2 Yizilayɛ mgbanyima,+ bɛ papa mɔ mbusua mgbanyima vale afɔlebɔdeɛ rale. Mbusua mgbanyima ɛhye mɔ mɔɔ nleanle maanle bɛdianle menli ne la
3 vale bɛ afɔlebɔdeɛ ehwili nsia mɔɔ bɛheda zo nee nlankɛ 12, mgbanyima nwiɔ vale ehwili ko yɛɛ ko biala vale ɛnlankɛ ko rɛlɛle Gyihova; na bɛvale bɛhɔle ɛdanlɛsua ne anyunlu.
4 Gyihova zele Mosisi kɛ:
5 “Die ninyɛne ɛhye mɔ fi bɛ ɛkɛ, ɔluakɛ bɛbava bɛayɛ gyima wɔ nyianu ɛdanlɛsua ne anu, na fa maa Livaema kɛ mɔɔ ko biala bahyia nwo yeava yeayɛ ye gyima la.”
6 Yemɔti Mosisi liele ehwili ne nee nlankɛ ne mɔ na ɔvale ɔmaanle Livaema.
7 Ɔvale ehwili nwiɔ nee nlankɛ nna ɔmaanle Gɛhyɔnoma, kɛ mɔɔ bɛbahyia nwo bɛava bɛayɛ bɛ gyima la;+
8 yɛɛ ɔvale ehwili nna nee nlankɛ mɔtwɛ ɔmaanle Mɛlɛlaema, kɛ mɔɔ bɛbahyia nwo bɛava bɛayɛ bɛ gyima la, na ɛsɔfo Aalɔn ara Yetamaa a nleanle zolɛ a.+
9 Noko yeammaa Kohatema bie ɔluakɛ bɛyɛ gyima wɔ ɛleka nwuanzanwuanza ne+ yɛɛ bɛsoa ninyɛne nwuanzanwuanza ne mɔ wɔ bɛ kɔme zo.+
10 Mgbanyima ne mɔ vale bɛ afɔlebɔdeɛ rale wɔ kenle mɔɔ bɛyilale afɔlemokyea ne azo+ na bɛkpokpale ye la. Mɔɔ mgbanyima ne mɔ vale bɛ afɔlebɔdeɛ ne rale afɔlemokyea ne anyunlu la,
11 Gyihova zele Mosisi kɛ: “Kenle ko biala, kpanyinli ko bava ye afɔlebɔdeɛ mɔɔ bɛfa bɛayila afɔlemokyea ne azo la ara.”
12 Ahenle mɔɔ vale ye afɔlebɔdeɛ rale wɔ kenle mɔɔ limoa la a le Amenadabe ara Nahyɔn+ mɔɔ vi Dwuda abusua nu la.
13 Ye afɔlebɔdeɛ ne le dwɛtɛ fufule pɛlɛte ko mɔɔ ye ɛlomboɛ le hyikɛle* 130 yɛɛ dwɛtɛ fufule kyɛnze ko mɔɔ ye ɛlomboɛ le hyikɛle 70, kɛ mɔɔ bɛsuzu hyikɛle wɔ ɛleka nwuanzanwuanza ne la,*+ ma afɔlebɔdeɛ esamo motoo mɔɔ bɛva nwole bɛfɔtɔ la ɛyi bɛ mu nwiɔ tɛkɛɛ;+
14 nvutuke kanrɛlɛ* ko mɔɔ ye ɛlomboɛ le hyikɛle 10 mɔɔ ayilevuanlɛ ɛyi ye tɛkɛɛ;
15 ɛnlankɛ ralɛ nyinli ko, boane nyinli ko yɛɛ boaneralɛ nyinli ko mɔɔ ɛli ɛvolɛ ko mɔɔ bɛfa bɛabɔ ɛyelalɛ afɔle;+
16 abɔnkye ralɛ ko mɔɔ bɛfa bɛabɔ ɛtane afɔle;+
17 nlankɛ nwiɔ, mboane nyinli nnu mbɔnkye nyinli nnu yɛɛ mboane mralɛ nyinli nnu mɔɔ biala ɛli ɛvolɛ ko mɔɔ bɛfa bɛabɔ anzodwolɛ afɔle.+ Afɔlebɔdeɛ mɔɔ Amenadabe ara Nahyɔn vale rale la ɛne.+
18 Kenle nwiɔ ne azo, Zuwaa ara Nɛtanɛle,+ Yesakaa abusua kpanyinli ne vale ye afɔlebɔdeɛ rale.
19 Ye afɔlebɔdeɛ ne le dwɛtɛ fufule pɛlɛte ko mɔɔ ye ɛlomboɛ le hyikɛle 130 yɛɛ dwɛtɛ fufule kyɛnze ko mɔɔ ye ɛlomboɛ le hyikɛle 70, kɛ mɔɔ bɛsuzu hyikɛle wɔ ɛleka nwuanzanwuanza ne la,+ ma afɔlebɔdeɛ esamo motoo mɔɔ bɛva nwole bɛfɔtɔ la ɛyi bɛ mu nwiɔ tɛkɛɛ;+
20 nvutuke kanrɛlɛ ko mɔɔ ye ɛlomboɛ le hyikɛle 10 mɔɔ ayilevuanlɛ ɛyi ye tɛkɛɛ;
21 ɛnlankɛ ralɛ nyinli ko, boane nyinli ko, yɛɛ boaneralɛ nyinli ko mɔɔ ɛli ɛvolɛ ko mɔɔ bɛfa bɛabɔ ɛyelalɛ afɔle;+
22 abɔnkye ralɛ ko mɔɔ bɛfa bɛabɔ ɛtane afɔle;+
23 nlankɛ nwiɔ, mboane nyinli nnu, mbɔnkye nyinli nnu yɛɛ mboane mralɛ nyinli nnu mɔɔ biala ɛli ɛvolɛ ko mɔɔ bɛfa bɛabɔ anzodwolɛ afɔle.+ Afɔlebɔdeɛ mɔɔ Zuwaa ara Nɛtanɛle vale rale la ɛne.
24 Kenle nsa ne azo, Hilɔn ara Ɛlayabe,+ Zɛbulɛn abusua kpanyinli ne vale ye afɔlebɔdeɛ rale,
25 ye afɔlebɔdeɛ ne le dwɛtɛ fufule pɛlɛte ko mɔɔ ye ɛlomboɛ le hyikɛle 130 yɛɛ dwɛtɛ fufule kyɛnze ko mɔɔ ye ɛlomboɛ le hyikɛle 70, kɛ mɔɔ bɛsuzu hyikɛle wɔ ɛleka nwuanzanwuanza ne la,+ ma afɔlebɔdeɛ esamo motoo mɔɔ bɛva nwole bɛfɔtɔ la ɛyi bɛ mu nwiɔ tɛkɛɛ;+
26 nvutuke kanrɛlɛ ko mɔɔ ye ɛlomboɛ le hyikɛle 10 mɔɔ ayilevuanlɛ ɛyi ye tɛkɛɛ;
27 ɛnlankɛ ralɛ nyinli ko, boane nyinli ko, yɛɛ boaneralɛ nyinli ko mɔɔ ɛli ɛvolɛ ko mɔɔ bɛfa bɛabɔ ɛyelalɛ afɔle;+
28 abɔnkye ralɛ ko mɔɔ bɛfa bɛabɔ ɛtane afɔle;+
29 nlankɛ nwiɔ, mboane nyinli nnu, mbɔnkye nyinli nnu yɛɛ mboane mralɛ nyinli nnu mɔɔ biala ɛli ɛvolɛ ko mɔɔ bɛfa bɛabɔ anzodwolɛ afɔle.+ Afɔlebɔdeɛ mɔɔ Hilɔn ara Ɛlayabe vale rale la ɛne.+
30 Kenle nna ne azo, Hyɛdiyɛ ara Ɛlaezɛ, Wulubɛn abusua kpanyinli ne+ vale ye afɔlebɔdeɛ rale,
31 ye afɔlebɔdeɛ ne le dwɛtɛ fufule pɛlɛte ko mɔɔ ye ɛlomboɛ le hyikɛle 130 yɛɛ dwɛtɛ fufule kyɛnze ko mɔɔ ye ɛlomboɛ le hyikɛle 70, kɛ mɔɔ bɛsuzu hyikɛle wɔ ɛleka nwuanzanwuanza ne la,+ ma afɔlebɔdeɛ esamo motoo mɔɔ bɛva nwole bɛfɔtɔ la ɛyi bɛ mu nwiɔ tɛkɛɛ;+
32 nvutuke kanrɛlɛ ko mɔɔ ye ɛlomboɛ le hyikɛle 10 mɔɔ ayilevuanlɛ ɛyi ye tɛkɛɛ;
33 ɛnlankɛ ralɛ nyinli ko, boane nyinli ko, yɛɛ boaneralɛ nyinli ko mɔɔ ɛli ɛvolɛ ko mɔɔ bɛfa bɛabɔ ɛyelalɛ afɔle;+
34 abɔnkye ralɛ ko mɔɔ bɛfa bɛabɔ ɛtane afɔle;+
35 nlankɛ nwiɔ, mboane nyinli nnu, mbɔnkye nyinli nnu yɛɛ mboane mralɛ nyinli nnu mɔɔ biala ɛli ɛvolɛ ko mɔɔ bɛfa bɛabɔ anzodwolɛ afɔle.+ Afɔlebɔdeɛ mɔɔ Hyɛdiyɛ ara Ɛlaezɛ+ vale rale la ɛne.
36 Kenle nnu ne azo, Zulehyadae ara Hyɛlɛmeɛle, Semɛyɔn abusua kpanyinli ne+ vale ye afɔlebɔdeɛ rale,
37 ye afɔlebɔdeɛ ne le dwɛtɛ fufule pɛlɛte ko mɔɔ ye ɛlomboɛ le hyikɛle 130 yɛɛ dwɛtɛ fufule kyɛnze ko mɔɔ ye ɛlomboɛ le hyikɛle 70, kɛ mɔɔ bɛsuzu hyikɛle wɔ ɛleka nwuanzanwuanza ne la,+ ma afɔlebɔdeɛ esamo motoo mɔɔ bɛva nwole bɛfɔtɔ la ɛyi bɛ mu nwiɔ tɛkɛɛ;+
38 nvutuke kanrɛlɛ ko mɔɔ ye ɛlomboɛ le hyikɛle 10 mɔɔ ayilevuanlɛ ɛyi ye tɛkɛɛ;
39 ɛnlankɛ ralɛ nyinli ko, boane nyinli ko, yɛɛ boaneralɛ nyinli ko mɔɔ ɛli ɛvolɛ ko mɔɔ bɛfa bɛabɔ ɛyelalɛ afɔle;+
40 abɔnkye ralɛ ko mɔɔ bɛfa bɛabɔ ɛtane afɔle;+
41 nlankɛ nwiɔ, mboane nyinli nnu, mbɔnkye nyinli nnu yɛɛ mboane mralɛ nyinli nnu mɔɔ biala ɛli ɛvolɛ ko mɔɔ bɛfa bɛabɔ anzodwolɛ afɔle.+ Afɔlebɔdeɛ mɔɔ Zulehyadae ara Hyɛlɛmeɛle+ vale rale la ɛne.
42 Kenle nsia ne azo, Duwɛle ara Yilayasafe, Gaade abusua kpanyinli ne+ vale ye afɔlebɔdeɛ rale,
43 ye afɔlebɔdeɛ ne le dwɛtɛ fufule pɛlɛte ko mɔɔ ye ɛlomboɛ le hyikɛle 130 yɛɛ dwɛtɛ fufule kyɛnze ko mɔɔ ye ɛlomboɛ le hyikɛle 70, kɛ mɔɔ bɛsuzu hyikɛle wɔ ɛleka nwuanzanwuanza ne la,+ ma afɔlebɔdeɛ esamo motoo mɔɔ bɛva nwole bɛfɔtɔ la ɛyi bɛ mu nwiɔ tɛkɛɛ;+
44 nvutuke kanrɛlɛ ko mɔɔ ye ɛlomboɛ le hyikɛle 10 mɔɔ ayilevuanlɛ ɛyi ye tɛkɛɛ;
45 ɛnlankɛ ralɛ nyinli ko, boane nyinli ko, yɛɛ boaneralɛ nyinli ko mɔɔ ɛli ɛvolɛ ko mɔɔ bɛfa bɛabɔ ɛyelalɛ afɔle;+
46 abɔnkye ralɛ ko mɔɔ bɛfa bɛabɔ ɛtane afɔle;+
47 nlankɛ nwiɔ, mboane nyinli nnu, mbɔnkye nyinli nnu yɛɛ mboane mralɛ nyinli nnu mɔɔ biala ɛli ɛvolɛ ko mɔɔ bɛfa bɛabɔ anzodwolɛ afɔle.+ Afɔlebɔdeɛ mɔɔ Duwɛle ara Yilayasafe vale rale la ɛne.+
48 Kenle nsuu ne azo, Amehɛde ara Ɛlehyama, Yifelaem abusua kpanyinli ne+ vale ye afɔlebɔdeɛ rale,
49 ye afɔlebɔdeɛ ne le dwɛtɛ fufule pɛlɛte ko mɔɔ ye ɛlomboɛ le hyikɛle 130 yɛɛ dwɛtɛ fufule kyɛnze ko mɔɔ ye ɛlomboɛ le hyikɛle 70, kɛ mɔɔ bɛsuzu hyikɛle wɔ ɛleka nwuanzanwuanza ne la,+ ma afɔlebɔdeɛ esamo motoo mɔɔ bɛva nwole bɛfɔtɔ la ɛyi bɛ mu nwiɔ tɛkɛɛ;+
50 nvutuke kanrɛlɛ ko mɔɔ ye ɛlomboɛ le hyikɛle 10 mɔɔ ayilevuanlɛ ɛyi ye tɛkɛɛ;
51 ɛnlankɛ ralɛ nyinli ko, boane nyinli ko, yɛɛ boane nyinli ralɛ ko mɔɔ ɛli ɛvolɛ ko mɔɔ bɛfa bɛabɔ ɛyelalɛ afɔle;+
52 abɔnkye ralɛ ko mɔɔ bɛfa bɛabɔ ɛtane afɔle;+
53 nlankɛ nwiɔ, mboane nyinli nnu, mbɔnkye nyinli nnu, yɛɛ mboane mralɛ nyinli nnu mɔɔ biala ɛli ɛvolɛ ko mɔɔ bɛfa bɛabɔ anzodwolɛ afɔle.+ Afɔlebɔdeɛ mɔɔ Amehɛde ara Ɛlehyama vale rale la ɛne.+
54 Kenle mɔtwɛ ne azo, Pɛdaazɛ ara Gameeleɛle, Manasɛ abusua kpanyinli ne+ vale ye afɔlebɔdeɛ rale,
55 ye afɔlebɔdeɛ ne le dwɛtɛ fufule pɛlɛte ko mɔɔ ye ɛlomboɛ le hyikɛle 130 yɛɛ dwɛtɛ fufule kyɛnze ko mɔɔ ye ɛlomboɛ le hyikɛle 70, kɛ mɔɔ bɛsuzu hyikɛle wɔ ɛleka nwuanzanwuanza ne la,+ ma afɔlebɔdeɛ esamo motoo mɔɔ bɛva nwole bɛfɔtɔ la ɛyi bɛ mu nwiɔ tɛkɛɛ;+
56 nvutuke kanrɛlɛ ko mɔɔ ye ɛlomboɛ le hyikɛle 10 mɔɔ ayilevuanlɛ ɛyi ye tɛkɛɛ;
57 ɛnlankɛ ralɛ nyinli ko, boane nyinli ko yɛɛ boaneralɛ nyinli ko mɔɔ ɛli ɛvolɛ ko mɔɔ bɛfa bɛabɔ ɛyelalɛ afɔle;+
58 abɔnkye ralɛ ko mɔɔ bɛfa bɛabɔ ɛtane afɔle;+
59 nlankɛ nwiɔ, mboane nyinli nnu, mbɔnkye nyinli nnu yɛɛ mboane mralɛ nyinli nnu mɔɔ biala ɛli ɛvolɛ ko mɔɔ bɛfa bɛabɔ anzodwolɛ afɔle.+ Afɔlebɔdeɛ mɔɔ Pɛdaazɛ ara Gameeleɛle vale rale la ɛne.+
60 Kenle ngɔnla ne azo, Gedɛyonae ara Abaedan, Bɛngyaman+ abusua kpanyinli ne+ vale ye afɔlebɔdeɛ rale,
61 ye afɔlebɔdeɛ ne le dwɛtɛ fufule pɛlɛte ko mɔɔ ye ɛlomboɛ le hyikɛle 130 yɛɛ dwɛtɛ fufule kyɛnze ko mɔɔ ye ɛlomboɛ le hyikɛle 70, kɛ mɔɔ bɛsuzu hyikɛle wɔ ɛleka nwuanzanwuanza ne la,+ ma afɔlebɔdeɛ esamo motoo mɔɔ bɛva nwole bɛfɔtɔ la ɛyi bɛ mu nwiɔ tɛkɛɛ;+
62 nvutuke kanrɛlɛ ko mɔɔ ye ɛlomboɛ le hyikɛle 10 mɔɔ ayilevuanlɛ ɛyi ye tɛkɛɛ;
63 ɛnlankɛ ralɛ nyinli ko, boane nyinli ko, yɛɛ boaneralɛ nyinli ko mɔɔ ɛli ɛvolɛ ko mɔɔ bɛfa bɛabɔ ɛyelalɛ afɔle;+
64 abɔnkye ralɛ ko mɔɔ bɛfa bɛabɔ ɛtane afɔle;+
65 nlankɛ nwiɔ, mboane nyinli nnu, mbɔnkye nyinli nnu yɛɛ mboane mralɛ nyinli nnu mɔɔ biala ɛli ɛvolɛ ko mɔɔ bɛfa bɛabɔ anzodwolɛ afɔle.+ Afɔlebɔdeɛ mɔɔ Gedɛyonae ara Abaedan vale rale la ɛne.+
66 Kenle bulu ne azo, Amehyadae ara Ahayizɛ, Dan abusua kpanyinli ne+ vale ye afɔlebɔdeɛ rale,
67 ye afɔlebɔdeɛ ne le dwɛtɛ fufule pɛlɛte ko mɔɔ ye ɛlomboɛ le hyikɛle 130 yɛɛ dwɛtɛ fufule kyɛnze ko mɔɔ ye ɛlomboɛ le hyikɛle 70, kɛ mɔɔ bɛsuzu hyikɛle wɔ ɛleka nwuanzanwuanza ne la,+ ma afɔlebɔdeɛ esamo motoo mɔɔ bɛva nwole bɛfɔtɔ la ɛyi bɛ mu nwiɔ tɛkɛɛ;+
68 nvutuke kanrɛlɛ ko mɔɔ ye ɛlomboɛ le hyikɛle 10 mɔɔ ayilevuanlɛ ɛyi ye tɛkɛɛ;
69 ɛnlankɛ ralɛ nyinli ko, boane nyinli ko, yɛɛ boaneralɛ nyinli ko mɔɔ ɛli ɛvolɛ ko mɔɔ bɛfa bɛabɔ ɛyelalɛ afɔle;+
70 abɔnkye ralɛ ko mɔɔ bɛfa bɛabɔ ɛtane afɔle;+
71 nlankɛ nwiɔ, mboane nyinli nnu, mbɔnkye nyinli nnu yɛɛ mboane mralɛ nyinli nnu mɔɔ biala ɛli ɛvolɛ ko mɔɔ bɛfa bɛabɔ anzodwolɛ afɔle.+ Afɔlebɔdeɛ mɔɔ Amehyadae ara Ahayizɛ vale rale la ɛne.+
72 Kenle 11 ne azo, Ɔkelan ara Peegeɛle, Ahya abusua kpanyinli ne+ vale ye afɔlebɔdeɛ rale,
73 ye afɔlebɔdeɛ ne le dwɛtɛ fufule pɛlɛte ko mɔɔ ye ɛlomboɛ le hyikɛle 130 yɛɛ dwɛtɛ fufule kyɛnze ko mɔɔ ye ɛlomboɛ le hyikɛle 70, kɛ mɔɔ bɛsuzu hyikɛle wɔ ɛleka nwuanzanwuanza ne la,+ ma afɔlebɔdeɛ esamo motoo mɔɔ bɛva nwole bɛfɔtɔ la ɛyi bɛ mu nwiɔ tɛkɛɛ;+
74 nvutuke kanrɛlɛ ko mɔɔ ye ɛlomboɛ le hyikɛle 10 mɔɔ ayilevuanlɛ ɛyi ye tɛkɛɛ;
75 ɛnlankɛ ralɛ nyinli ko, boane nyinli ko, yɛɛ boaneralɛ nyinli ko mɔɔ ɛli ɛvolɛ ko mɔɔ bɛfa bɛabɔ ɛyelalɛ afɔle;+
76 abɔnkye ralɛ ko mɔɔ bɛfa bɛabɔ ɛtane afɔle;+
77 nlankɛ nwiɔ, mboane nyinli nnu, mbɔnkye nyinli nnu, yɛɛ mboane mralɛ nyinli nnu mɔɔ biala ɛli ɛvolɛ ko mɔɔ bɛfa bɛabɔ anzodwolɛ afɔle.+ Afɔlebɔdeɛ mɔɔ Ɔkelan ara Peegeɛle vale rale la ɛne.+
78 Kenle 12 ne azo, Yinan ara Ahaela, Nafetalae abusua kpanyinli ne+ vale ye afɔlebɔdeɛ rale,
79 ye afɔlebɔdeɛ ne le dwɛtɛ fufule pɛlɛte ko mɔɔ ye ɛlomboɛ le hyikɛle 130 yɛɛ dwɛtɛ fufule kyɛnze ko mɔɔ ye ɛlomboɛ le hyikɛle 70, kɛ mɔɔ bɛsuzu hyikɛle wɔ ɛleka nwuanzanwuanza ne la,+ ma afɔlebɔdeɛ esamo motoo mɔɔ bɛva nwole bɛfɔtɔ la ɛyi bɛ mu nwiɔ tɛkɛɛ;+
80 nvutuke kanrɛlɛ ko mɔɔ ye ɛlomboɛ le hyikɛle 10 mɔɔ ayilevuanlɛ ɛyi ye tɛkɛɛ;
81 ɛnlankɛ ralɛ nyinli ko, boane nyinli ko, yɛɛ boaneralɛ nyinli ko mɔɔ ɛli ɛvolɛ ko mɔɔ bɛfa bɛabɔ ɛyelalɛ afɔle;+
82 abɔnkye ralɛ ko mɔɔ bɛfa bɛabɔ ɛtane afɔle;+
83 nlankɛ nwiɔ, mboane nyinli nnu, mbɔnkye nyinli nnu, yɛɛ mboane mralɛ nyinli nnu mɔɔ biala ɛli ɛvolɛ ko mɔɔ bɛfa bɛabɔ anzodwolɛ afɔle.+ Afɔlebɔdeɛ mɔɔ Yinan ara Ahaela vale rale la ɛne.+
84 Kenle mɔɔ bɛyilale afɔlemokyea ne azo na bɛdele nwolɛ la,+ ninyɛne mɔɔ Yizilayɛ mgbanyima vale bɔle afɔle la ɛne: dwɛtɛ fufule pɛlɛte 12, dwɛtɛ fufule ahyɛnze 12, nvutuke kanrɛlɛ 12;+
85 dwɛtɛ fufule pɛlɛte ko biala ɛlomboɛ le hyikɛle 130 yɛɛ kyɛnze ko biala ɛlomboɛ le hyikɛle 70, dwɛtɛ fufule ninyɛne ne amuala dodo le hyikɛle 2,400 kɛ mɔɔ bɛsuzu hyikɛle wɔ ɛleka nwuanzanwuanza ne la;+
86 nvutuke kanrɛlɛ 12 mɔɔ ayilevuanlɛ ɛyi bɛ tɛkɛɛ la ko biala ɛlomboɛ le hyikɛle 10 kɛ mɔɔ bɛsuzu hyikɛle wɔ ɛleka nwuanzanwuanza ne la, nvutuke kanrɛlɛ ne amuala dodo le hyikɛle 120.
87 Nlankɛ mɔɔ bɛvale bɛbɔle ɛyelalɛ afɔle la kɔsɔɔti le 12, mboane nyinli 12, mboane mralɛ nyinli 12 mɔɔ biala ɛli ɛvolɛ ko nee bɛ ma afɔlebɔdeɛ yɛɛ mbɔnkye mralɛ 12 mɔɔ bɛfa bɛabɔ ɛtane afɔle la;
88 nlankɛ mɔɔ bɛvale bɛbɔle anzodwolɛ afɔle la amuala le 24, mboane nyinli 60, mbɔnkye nyinli 60 yɛɛ mboane mralɛ nyinli 60 mɔɔ biala ɛli ɛvolɛ ko la. Ninyɛne mɔɔ bɛvale bɛyilale afɔlemokyea ne azo+ wɔ mekɛ mɔɔ bɛkpokpale ye bɛwiele la ɛne.+
89 Mekɛ biala mɔɔ Mosisi kɛhɔ nyianu ɛdanlɛsua ne anu kɛ ɔ nee Nyamenle* kadendɛ la,+ ɔte ɛnelɛ ne kɛ ɔ nee ye ɛlɛtendɛ wɔ Daselɛlilɛ ɛlɛka ne ati zo+ wɔ kyɛlɔbe nwiɔ ne avinli;+ na Nyamenle nee ye tendɛ.
Ɔbodwɛkɛ
^ Anzɛɛ “kɛ mɔɔ nwuanzanwuanza ɛkɛ ne hyikɛle ne de la.”
^ Anzɛɛ “kyɛnze ekyi.”
^ Hibulu aneɛ nu, “ye.”
