Nɔmbɛse 34:1-29
34 Na Gyihova zele Mosisi bieko kɛ:
2 “Fa adehilelɛ ɛhye mɔ maa Yizilayɛma: ‘Saa bɛkɔ Keena azɛlɛ ne azo a,+ ɛhye a bayɛ Keena azɛlɛ ne mɔɔ bɛbava bɛamaa bɛ kɛ bɛ agyapadeɛ la ɛweɛne ne mɔ a.+
3 “‘Bɛ nyiakɛ ɛweɛne ne babɔ ɔ bo wɔ Zen fienemgbole ne anu alua Yidɔm afoa nu, yɛɛ bɛ nyiakɛ ɛweɛne ne aduduleɛ bahɔdwu Ngyenle Nyevile ne*+ anzi lɔ.
4 Bɛ ɛweɛne ne bahakyi ɔ nye ahɔva Akelabem+ boka ne nyiakɛ too yeahɔdwu Zen, na yeahɔgua Keedɛhye-baanea+ nyiakɛ. Akee ɔbava Heeza-adaa+ na yeadoa zo yeahɔ Azemɔn.
5 Ɛweɛne ne bahakyi ɔ nye wɔ Azemɔn yeahɔva Yigyibiti Azudenle* ne anloa na yeahɔgua Nyevile*+ ne anloa.
6 “‘Bɛ adɔleɛ ɛweɛne ne bayɛ Nyevile Kpole ne* ɛnweazo. Ɛhye a bayɛ bɛ adɔleɛ ɛweɛne ne a.+
7 “‘Ɛhye a bayɛ bɛ sɔlɔ ɛweɛne ne a: Bɛbapɛ bɛ ɛweɛne ne bɛavi Nyevile Kpole ne anloa bɛahɔdwu Hɔɔ Boka ne anwo.
8 Bɛbapɛ ɛweɛne ne bɛavi Hɔɔ Boka ne anwo bɛahɔdwu Libo-heemate*+ na yeahɔgua Zidade.+
9 Na ɛweɛne ne bahɔva Zefɔlɔn na yeahɔgua Heeza-yinan.+ Ɛhye a bayɛ bɛ sɔlɔ ɛweɛne ne a.
10 “‘Akee bɛbapɛ bɛ aduduleɛ ɛweɛne ne bɛavi Heeza-yinan bɛahɔdwu Hyifam.
11 Ɛweɛne ne bapɛ nu wɔ Hyifam ahɔ Relebela mɔɔ wɔ Eyen aduduleɛ la, na ɛweɛne ne atolo ahɔva Kyenɛlɛte Nyevile ne*+ aduduleɛ boka ne afoa nu.
12 Ɛweɛne ne bahɔva Dwɔdan ne anloa na yeahɔgua Ngyenle Nyevile ne anloa.+ Ɛhye a bayɛ bɛ azɛlɛ+ ne nee ye ɛweɛne ne mɔ a.’”
13 Yemɔti Mosisi hanle hilele Yizilayɛma kɛ: “Azɛlɛ ne mɔɔ bɛbagua nwolɛ ma*+ na bɛahyɛ bɛamaa mbusua ngɔnla nee foa ne kɛ mɔɔ Gyihova hanle kɛ bɛbava la ɛne.
14 Ɔluakɛ Wulubɛn abusua ne, Gaade abusua ne, nee Manasɛ abusua ne foa ko ne ɛlimoa ɛnyia bɛ agyapadeɛ ɛdeɛ.+
15 Mbusua nwiɔ nee foa ne ɛlimoa ɛnyia bɛ agyapadeɛ ne wɔ Dwɔdan aduduleɛ afoa nu mɔɔ bikye Gyɛleko la.”+
16 Gyihova zele Mosisi bieko kɛ:
17 “Menli mɔɔ bahyɛ azɛlɛ ne amaa bɛadɛnla zo la aluma ɛne: Ɛsɔfo Ɛlieza+ nee Nɛn ara Dwɔhyua.+
18 Na bɛbaye kpanyinli ko bɛavi abusua ko biala anu bɛamaa bɛahyɛ azɛlɛ ne kɛ bɛ agyapadeɛ.+
19 Menli ne mɔ aluma ɛne: Dwuda abusua+ nu, Gyɛfɛna ara Keelɛbe;+
20 Semɛyɔn abusua+ nu, Amehɛde ara Hyɛmuwɛle;
21 Bɛngyaman abusua+ nu, Keleselɔn ara Yiladade;
22 Dan abusua+ nu, Dwɔgelae ara Bɛkae a le bɛ kpanyinli a;
23 Dwosefi+ ara Manasɛ+ abusua nu, Ɛfɔdo ara Haneɛle a le bɛ kpanyinli a;
24 Yifelaem abusua+ nu, Hyefetan ara Kɛmuwɛle a le bɛ kpanyinli a;
25 Zɛbulɛn abusua+ nu, Panake ara Ɛlezeefan a le bɛ kpanyinli a;
26 Yesakaa abusua+ nu, Azan ara Pɔleteɛle a le bɛ kpanyinli a;
27 Ahya abusua+ nu, Hyɛlomae ara Ahaehɛde a le bɛ kpanyinli a;
28 Nafetalae abusua+ nu, Amehɛde ara Pɛdaahɛle a le bɛ kpanyinli a.”
29 Menli ɛhye mɔ a Gyihova hanle kɛ bɛhyɛ azɛlɛ ne bɛmaa Yizilayɛma wɔ Keena azɛlɛ zo a.+
Ɔbodwɛkɛ
^ Ɛhye kile, Nyevile Wulera ne.
^ Anzɛɛ “Bɔnza.” Nea Edwɛkɛbohilelɛ.
^ Ɛhye kile, Nyevile Kpole ne, Mɛdetɛlenia ne.
^ Ɛhye kile, Mɛdetɛlenia ne.
^ Anzɛɛ “Heemate adenle zo.”
^ Ɛhye kile, Gɛnɛzalɛte tandane ne, anzɛɛ Galeli Nyevile ne.
^ Nea Edwɛkɛbohilelɛ.
