Mrɛlɛbulɛ 7:1-27

  • Sɔ Nyamenle mɛla ne anu na tɛnla ngoane nu (1-5)

  • Bɛbɛlɛbɛlale kpavolɛ bie mɔɔ ye adwenle ɛtɛtinle la (6-27)

    • “Kɛ ɛnlankɛ nyinli mɔɔ bɛkahu ye” (22)

7  Me ra, di me edwɛkɛ zo,Na fa me mɛla ne mɔ sie.+   Di me mɛla ne mɔ azo na tɛnla ngoane nu;+Fa me adehilelɛ* sie boɛ kɛ ɛ nye ma ne la.   Fa bɛ kyekye ɛ sa mrɛlɛsɛka;Kɛlɛ bɛ wɔ wɔ ahonle zo.+   Ka kile nrɛlɛbɛ kɛ, “Ɛle me diema raalɛ,” Na fɛlɛ ndelebɛbo kɛ “me busuanli,”   Amaa yeabɔ ɛ nwo bane yeavi raalɛ mɔɔ ɛdɔ gua zo la* anwo,+Yeavi adwɔmane raalɛ* nee ɔ nloa anu menlemenle ne anwo.+   Ɛnee megyi me sua ne nvɛnzɛlɛ ne anu,Meneanle me nvɛnzɛlɛ* ne anu na menwunle aze,   Na mekɛ mɔɔ melɛnea bɛdabɛ mɔɔ bɛ adwenle ɛtɛtinli* la,Menwunle kpavolɛ bie mɔɔ ɛnlɛ adwenle* la wɔ mgbavolɛ ne mɔ anu.+   Ɔvale awɔdenle ne mɔɔ bikye raalɛ ne kodoka ne anu la azo,Na ɔvale raalɛ ne sua nu adenle ne azo   Ɛnee maanle nu ɛlɛmua, wɔ nɔsolɛ nu,+Mɔɔ aleɛ ɛlɛdwo na awozinli ɛlɛba la. 10  Akee menwunle kɛ raalɛ bie ɛrayia ye,Yeziezie ɔ nwo* kɛ tuutuunli,+ ye ahonle le mɛlɛbɛla. 11  Ɔ nwo soa yɛɛ ɔmbu ɛhwee.+ Ɔndɛnla sua nu.* 12  Ɛkanwu ye la ɛnee ɔwɔ alienwo, ɛnwu ye bieko la ɛnee ɔwɔ gua ne mɔ azo lɔ,Ɔbu ɔsia kodoka biala anu.+ 13  Ɔsɔ ye nu dwaa na ɔfo ɔ nloa;Ɔfa akɛnrazilɛ ɔka ɔkile ye kɛ: 14  “Ɛnee ɔwɔ kɛ mebɔ anzodwolɛ afɔle.+ Ɛnɛ meye me ɛwɔkɛ ne mɔ. 15  Ɛhye ati a mevinde merayia wɔ la,Kɛ mebakpondɛ wɔ, na menwu wɔ noko! 16  Meva kundu kpalɛ mezɛ me ɛkpa ne azo,Lenen kɛnlɛma mɔɔ bɛ nee ye vi Yigyibiti.+ 17  Meva alufuanlɛ, alo nee senamɔn+ mekponde me ɛkpa ne azo. 18  Bɛla maa yɛnlo ɛlɔlɛ kanrɛlɛ ne anu too alehyenlɛ;Maa yɛhulo yɛ nwo, 19  Ɔluakɛ me hu ɛnle sua nu;Yedu adenle yehɔ moamoa. 20  Ɔvale ezukoa baage ɔhɔle,Na ɔnrɛzia ɔnrɛra kɔkpula kenle mɔɔ siane ne kɛyɛ mumua la.” 21  Ɔvale ɛdendɛlɛ fɛlɛko kpalɛ ɔbɛlɛbɛlale ye.+ Ɔvale ɔ nloa anu menlemenle ɔlile ye adwenle. 22  Ɛkɛ ne ala ɔlile ɔ nzi kɛ ɛnlankɛ nyinli mɔɔ bɛkahu ye,Kɛ koasea mɔɔ bɛgua ye kyeenyi kɛ bɛkahwe ɔ nzo la,+ 23  Kɔkpula kɛ ɛda baka kɛwɔ ye ɛbolɛ nwo;Kɛ mɔɔ aloma nriandi kɔtɔ ɛhane nu la, ɔnze kɛ ɔbamaa ye ngoane* abɔ ye.+ 24  Kɛkala me mra, bɛdie me;Bɛyɛ ɛnzolɛ bɛdie edwɛkɛ mɔɔ mebaha la. 25  Mmamaa wɔ ahonle makyi kɔfa ye ndenle ne mɔ anu. Mmaminli ɛkɔfa ye ndenle ne mɔ azo,+ 26  Ɔluakɛ yemaa bɛhu menli dɔɔnwo,+Na bɛdabɛ mɔɔ yehu bɛ la anwo zonle kpalɛ.+ 27  Ye sua nu adenle kɔ Nla* nu;Ɔkɔ too ɔkɔdwu ewule suakunlu.

Ɔbodwɛkɛ

Anzɛɛ “mɛla.”
Hibulu aneɛ nu, “raalɛ mɔɔ anwo yɛ ɛzulolɛ.” Nea Mrɛ 2:16.
Hibulu aneɛ nu, “raalɛ ɛyɛvolɛ.” Nea Mrɛ 2:16.
Nvɛnzɛlɛ mɔɔ bɛva mbaka anzɛɛ mbulalɛ bɛbeɛbea nu.
Anzɛɛ “bɛnlɛ anwubielɛ.”
Anzɛɛ “ɔnze nrɛlɛbɛ.”
Anzɛɛ “Yewula ye tɛladeɛ.”
Hibulu aneɛ nu, “Ɔ gyakɛ ɛndɛnla sua nu.”
Anzɛɛ “ɛkɛla.”
Anzɛɛ “Sheol,” ɛhye kile, alesama nla. Nea Edwɛkɛbohilelɛ.