Mrɛlɛbulɛ 5:1-23
5 Me ra, yɛ ɛnzolɛ maa me nrɛlɛbɛ edwɛkɛ ne.
Tie* me adwenlenunwunlɛ ne kpalɛ,+
2 Amaa wɔabɔ wɔ adwenlenubukelɛ nwo baneNa nɔhalɛ nrɛlɛbɛ amkpa ɛ nloa anu.+
3 Ɔluakɛ raalɛ mɔɔ ɛdɔ gua zo* la anloa anu yɛ fɛ kɛ wolɛ,+Yɛɛ ɔ nloa le tonlotonlo tɛla nwole.+
4 Noko awieleɛ bɔkɔɔ ne ɔyɛ ɛnwonle kɛ baka ɛnwonle+Yɛɛ ɔyɛ nla kɛ konle dadeɛ anye nwiɔ.+
5 Ɔ gyakɛ tolo kɔ ewule nu.
Ɔ gyakɛ ɛdudulɛ kɔ Nla* nu.
6 Ɔndwenle ngoane adenle nwo.
Ɔluolua nu, noko ɔnze ɛleka mɔɔ ɔlɛkɔ a.
7 Kɛkala me mra, bɛdie meYɛɛ bɛmmatwe bɛ nwo bɛfi mɔɔ melɛka la anwo.
8 Twe ɛ nwo fi ɔ nwo bɔkɔɔ;Mmabikye ye sua ne anuhɔlɛ,+
9 Amaa wɔanva wɔ anyunlunyia wɔammaa awie mɔ+Anzɛɛ wɔannwu amaneɛ wɔ wɔ ɛbɛlabɔlɛ nu;+
10 Amaa nyɛvolɛ anlie wɔ anwonyia*+Na mɔɔ wɔvɛ wɔnyia ye la ampɛ anli ɛyɛvolɛ sua nu.
11 Anrɛɛ wɔ ɛbɛlabɔlɛ ɛlɛba ye awieleɛ a ɛbali nyane kpoleWɔ mekɛ mɔɔ wɔ nwonane nee wɔ sonlabaka ne ɛlɛsɛkye la+
12 Na wɔaha kɛ: “Nea kɛzi ɛnee mekyi ɛdenrɛdenrɛlɛ a!
Nea kɛzi ɛnee me ahonle kyi ahwibɛnyunlu a!
13 Meandie me folɛtuvolɛma aneYɛɛ meanyɛ ɛnzolɛ meandie me kilehilevolɛma.
14 Asɛɛ me bo zo ɛbɔ bɔkɔɔWɔ asafo ne kɔsɔɔti anu.”+
15 No wɔ bula nu nzuleNee wɔ nzubula nu nzule.+
16 Asoo ɔwɔ kɛ ɛmaa bɛto wɔ nzule bɛgua alienwo,Wɔ azudenle nu nzule bɛgua gua zo ɔ?+
17 Maa bɛyɛ ɛ ngomekye wɔ ɛdeɛ,Na mmamaa bɛyɛ nyɛvolɛ mɔɔ bɛ nee wɔ de la ɛdeɛ.+
18 Maa wɔ nzubula* ɛyɛ nyilalɛ,Na ɛ nee ɛ ye mɔɔ ɛgyale ye wɔ wɔ mgbavolɛ nu la anye ɛlie,+
19 Ɔle weɛlɛ belɛ kɛnlɛma, boka zo abɔnkye* mɔɔ ɔ nwo yɛ fɛ.+
Maa ɛ nye ɛlie ɔ nyɛfo ne mɔ anwo* mekɛ biala.
Maa ye ɛlɔlɛ ɛli ɛ ti dahuu.+
20 Ɔti me ra, duzu ati a ɔwɔ kɛ ɛmaa raalɛ mɔɔ ɛdɔ gua zo* la ɛlɔlɛ di ɛ tiAnzɛɛ ɛtɔ adwɔmane raalɛ* akɛnra anu a?+
21 Ɔluakɛ sonla ndenle gua Gyihova anyunlu;Ɔneɛnlea ye ndenle kɔsɔɔti anu.+
22 Amumuyɛnli nvonleɛ sua ye ɛhane,Na ɔdaye mumua ne ye ɛtane bayɛ kɛ nyɛma la akyekye ye.+
23 Ɔbawu ɔluakɛ yeanlie ɛdenrɛdenrɛlɛ yeando nuNa yeaminli ɔluakɛ ɔyɛle ngoaseade ɔmaanle ɔbole zolɛ.
Ɔbodwɛkɛ
^ Hibulu aneɛ nu, “Gyele ɛ nzo maa.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Anzɛɛ “tumi.”
^ Anzɛɛ “nzule ɛvileka.”
^ Anzɛɛ “ɛbɔ nu abɔnkye.”
^ Anzɛɛ “Maa ɔ nyɛfo ɛbo wɔ kɛ nza.”