Mrɛlɛbulɛ 4:1-27

  • Selɛ adehilelɛ mɔɔ nrɛlɛbɛ wɔ nu (1-27)

    • Mɔɔ tɛla biala la, nwu nrɛlɛbɛ (7)

    • Kpo amumuyɛ ndenle (14, 15)

    • Tenlenema adenle nu ta (18)

    • “Bɔ wɔ ahonle nwo bane” (23)

4  Me mra, bɛdie selɛ ɛdenrɛdenrɛlɛ;+Bɛyɛ ɛnzolɛ amaa bɛanyia ndelebɛbo,   Ɔluakɛ mebamaa bɛ adehilelɛ kpalɛ;Bɛmmakpo me ngilehilelɛ.*+   Ɛnee mele ralɛ kpalɛ memaa me papa+Yɛɛ medame a me mame kulo me edwɛkɛ kpalɛ a.+   Ɔhilehilele me na ɔhanle kɛ: “Maa wɔ ahonle ɛzɔ me edwɛkɛ ne mɔ anu kpalɛ.+ Di me mɛla ne mɔ azo na kɔ zo tɛnla ngoane nu.+   Nwu nrɛlɛbɛ, nyia ndelebɛbo.+ Mmamaa ɛ rɛle fi, yɛɛ mmakakyi ɛ nzi ɛsi me edwɛkɛ.   Mmakpo nrɛlɛbɛ, na ɔbabɔ ɛ nwo bane. Kulo nrɛlɛbɛ, na ɔbazinza wɔ.   Nrɛlɛbɛ a nwolɛ hyia* kpalɛ a,+ ɔti nwu nrɛlɛbɛ,Na mɔɔ ɛbanyia ye la kɔsɔɔti anzi, nyia ndelebɛbo.+   Bu nrɛlɛbɛ bie kpalɛ, na ɔbakpogya wɔ zo.+ Ɔbali wɔ eni ɔluakɛ wɔyɛ ye atuu.*+   Ɔbava ndotolo abotile kɛnlɛma yeazoa wɔ;*Ɔbava abotile kɛnlɛma yeaziezie wɔ.” 10  Me ra, tie, na die mɔɔ meka la to nu,Na wɔ ngoane mekɛ bawa.+ 11  Mebahile wɔ nrɛlɛbɛ adenle ne;+Mebamaa wɔalua tenleneyɛlɛ ndenle ne mɔ anu.+ 12  Saa ɛlɛtia a, debie ɛnrɛdenda ɛ gyakɛ anu;Yɛɛ saa ɛlɛnriandi a, ɛ gyakɛ ɛnrɛkpula. 13  Sɔ ɛdenrɛdenrɛlɛ nu; mmagyakyi nu.+ Bɔ nwolɛ bane, ɔluakɛ yemɔ a wɔ ngoane gyi zo a.+ 14  Mmafa amumuyɛma adenle zo,Yɛɛ mmadua ɛtanevolɛma adenle nu.+ 15  Kpo, mmafa ɛkɛ;+Twe ɛ nwo fi ɛkɛ, na pɛ nu kɔ.+ 16  Ɔluakɛ bɛngola da kyesɛ bɛyɛ ɛtane. Nafelɛ ɛngu bɛ kyesɛ bɛmaa awie tɔ aze. 17  Bɛdi aleɛ mɔɔ bɛdua amumuyɛyɛlɛ zo bɛnyia la,Yɛɛ bɛno nwanye mɔɔ bɛdua basabasayɛlɛ zo bɛnyia la. 18  Noko tenlenema adenle le kɛ nwonlomɔ wienyi mɔɔ ta laƆta ngyikyingyikyi too ɔkɔdwu ewia henlema.+ 19  Amumuyɛma adenle le kɛ awozinli;Bɛnze debie mɔɔ maa bɛkpula la. 20  Me ra, yɛ ɛnzolɛ maa me edwɛkɛ;Tie mɔɔ meka la kpalɛ.* 21  Mmabu ɛ nye ɛgua zo;Fa bɛ sie wɔ ahonle nu kpalɛ,+ 22  Ɔluakɛ bɛle ngoane bɛmaa bɛdabɛ mɔɔ bɛkɛnwu bɛ la+Yɛɛ bɛle kpɔkɛdelɛ bɛmaa bɛ sonlabaka ne amuala.* 23  Bɔ wɔ ahonle nwo bane tɛla debie biala mɔɔ ɛbɔ nwolɛ bane la,+Ɔluakɛ nuhua a ngoane vi a. 24  Twe ɛ nwo fi mɛlɛbɛla nwo,+Na twe ɛ nwo fi adalɛ edwɛkɛ nwo. 25  Maa ɛ nye ɛnlea ɛ nyunlu fɔɔnwo,Ɛhɛe, maa bɛnlea ɛ nyunlu fɔɔnwo.+ 26  Maa ɛ gyakɛ abo adenle ɛyɛ sɛsɛ,*+Na wɔ ndenle kɔsɔɔti bawie boɛ. 27  Mmatɔ ɛkɔ fema zo anzɛɛ bɛne zo.+ Ye ɛ gyakɛ fi ɛtane nwo.

Ɔbodwɛkɛ

Anzɛɛ “mɛla.”
Anzɛɛ “le debie titili.”
Anzɛɛ “wɔzɔ nu ɛsesebɛ.”
Hibulu aneɛ nu, “yeazie ɛ ti zo.”
Hibulu aneɛ nu, “Gyele ɛ nzo maa mɔɔ meka la.”
Hibulu aneɛ nu, “bɛ nwonane ne amuala.”
Anzɛɛ ɔkola ɔkile, “Suzu nwolɛ kpalɛ.”