Mrɛlɛbulɛ 3:1-35
3 Me ra, mmamaa ɛ rɛle fi me ngilehilelɛ,*Na fi wɔ ahonle nu di me mɛla ne mɔ azo,
2 Ɔluakɛ bɛbamaa wɔanyia ngoane tendenleNee anzodwolɛ wɔ wɔ ɛbɛlabɔlɛ nu.+
3 Mmagyakyi ɛlɔlɛ kpundii nee nɔhalɛlilɛ.+
Fa bɛ kyekye ɛ kɔme;Kɛlɛ bɛ wɔ wɔ ahonle zo;+
4 Ɛhye bamaa wɔanyia ɛlolɛ nee nwunu kpalɛWɔ Nyamenle nee menli nyunlu.+
5 Fi wɔ ahonle muala anu fa ɛ nwo to Gyihova anwo zo,+Na mmafa ɛ nwo ɛto wɔ ndelebɛbo zo.*+
6 Nwu ye wɔ wɔ ndenle kɔsɔɔti anu,+Na ɔbamaa wɔ ndenle adenrɛ fɔɔnwo.+
7 Mmafa ɛ nwo ɛto ɛdawɔ mumua ne wɔ nrɛlɛbɛ zo.+
Sulo Gyihova na twe ɛ nwo fi ɛtane nwo.
8 Ɔbayɛ ayileyɛlɛ yeamaa wɔ nwonane*Na yeayɛ anwodɔlɛ yeamaa wɔ mbowule.
9 Fa wɔ ninyɛne mɔɔ sonle bolɛ la di Gyihova eni,+Wɔ ma ne mɔ kɔsɔɔti anu mɔɔ ɛkɛlimoa ɛkɛde la.*+
10 Akee wɔ ninyɛnezielɛ ɛleka ne mɔ bayi tetɛkɛɛ,+Na nwanye fofolɛ babu wɔ kuma ne mɔ mɔɔ ɛtwihwi nwanye wɔ nu la anu.
11 Me ra, mmakpo Gyihova ɛdenrɛdenrɛlɛ,+Yɛɛ mmakyi ye ahwibɛnyunlu,+
12 Ɔluakɛ Gyihova twi bɛdabɛ mɔɔ ɔkulo bɛ la anyunlu,+Kɛ mɔɔ selɛ yɛ ɔ ra mɔɔ ɔ nye die ɔ nwo la.+
13 Anyelielɛ a le sonla mɔɔ kɛnwu nrɛlɛbɛ+Nee sonla mɔɔ kɛnyia adwenlenunwunlɛ la;
14 Ɛnyia ye a ɔle kpalɛ ɔtɛla dwɛtɛ fufule,Yɛɛ nvasoɛ mɔɔ ɛbanyia la le kpalɛ tɛla nvutuke.+
15 Ɔsonle bolɛ ɔtɛla ezukoa bolɛ kɔkɔlɛ;*Debie biala mɔɔ ɛkulo la nee ye ɛnzɛ.
16 Ngoane tendenle wɔ ɔ sa fema ne anu;Anwonyia nee anyunlunyia wɔ ɔ sa bɛne ne anu.
17 Ye ndenle nu le anyelielɛ,Yɛɛ ye ndenle ngyikyi kɔsɔɔti anu le anzodwolɛ.+
18 Ɔle ngoane baka ɔmaa bɛdabɛ mɔɔ bɛsɔ nu la,Na bɛdabɛ mɔɔ bɛsɔ nu kpundii la, bɛbavɛlɛ bɛ anyelielɛ.+
19 Gyihova vale nrɛlɛbɛ a wulale azɛlɛ ne adiabo a.+
Ɔluale adwenlenunwunlɛ zo a ɔvale anwuma ne ɔziele ɛkɛ ne kpundii a.+
20 Ɔluale ye nrɛlɛbɛ zo a ɔkpakyele azule kpole ne anuNa anwomanyunlu amungu dɔle ɛbɔlɛ a.+
21 Me ra, mmamaa ɛ rɛle fi bɛ.*
Bɔ nrɛlɛbɛ kpalɛ nee adwenlenubukelɛ nwo bane;
22 Bɛbamaa wɔ* ngoaneNa bɛayɛ ɛ kɔme nu ndweabane;
23 Na ɛbalua wɔ adenle nu ɛ nwo adɔ wɔ,Yɛɛ ɛ gyakɛ ɛnrɛkpula ɛlɛ.*+
24 Saa ɛda a, ɛnrɛzulo ɛhwee;+Ɛbala na wɔ nafelɛ ayɛ wɔ fɛ.+
25 Ɛnrɛzulo munzule mɔɔ ba arɛlevilɛ nu la biala+Anzɛɛ ahumu mɔɔ ɛlɛba amumuyɛma anwo zo la.+
26 Ɔluakɛ ɛbahola wɔava ɛ nwo wɔado Gyihova anwo zo bɔkɔɔ;+Ɔnrɛmaa ɛhane ɛnrɛzɔ ɛ gyakɛ.+
27 Mmakpo kɛ ɛkɛyɛ kpalɛ ɛkɛmaa bɛdabɛ mɔɔ ɔwɔ kɛ ɛyɛ ɛmaa bɛ* la,+Saa ɛlɛ tumi ɛkola ɛboa bɛ* a.+
28 Mmaka ɛkile ɛ gɔnwo kɛ, “Kɔ; na amozii wɔara! Mebava meamaa wɔ ɛhyema,”
Saa ɛkola ɛfa ɛmaa ye ɛkɛ ne ala a.
29 Mmafa ɛ gɔnwo anwo adwenle ɛtane+Wɔ mekɛ mɔɔ ɔ nee wɔ de anzodwolɛ nu la.
30 Ɛ nee awie mmadi butule mɔɔ ɛngyi kpɔkɛ zo la,+Saa ɔtɛyɛle wɔ debie ɛtane a.+
31 Mmamaa ɛ nye bolo amumuyɛ sonla+Yɛɛ mmadua ye ndenle ne mɔ biala anu,
32 Ɔluakɛ Gyihova kyi mɛlɛbɛla sonla,+Noko Ɔ nee tenlenema nyia agɔnwolɛvalɛ kyengye.+
33 Gyihova amowa wɔ amumuyɛnli sua nu,+Noko ɔyila tenlenenli awuke zo.+
34 Ɔluakɛ ɔgolo bɛdabɛ mɔɔ bɛle agolobɛnwo la anwo,+Noko ɔmaa bɛlɛvoma nyia ɔ nyunlu ɛlolɛ.+
35 Bɛbali nrɛlɛbɛvolɛ eni,Noko ahoasea anye die anyiemgba nwo.+
Ɔbodwɛkɛ
^ Anzɛɛ “mɛla.”
^ Hibulu aneɛ nu, “ɛkisa wɔ ndelebɛbo.”
^ Hibulu aneɛ nu, “ɛ kotoa.”
^ Anzɛɛ “nuhua kpalɛ kpalɛ ne.”
^ Nea Edwɛkɛbohilelɛ.
^ Ɔbayɛ kɛ ɛhye fale Nyamenle subane ne mɔ mɔɔ bɛha nwolɛ edwɛkɛ wɔ ngyehyɛnu ne mɔ mɔɔ limoa anu la anwo.
^ Anzɛɛ “wɔ ɛkɛla.”
^ Anzɛɛ “ɛnrɛkpula debie.”
^ Anzɛɛ “ɛ sa lɛ tumi kola boa bɛ.”
^ Anzɛɛ “ɔfɛta bɛ.”
