Mrɛlɛbulɛ 21:1-31
21 Belemgbunli ahonle le kɛ azudenle wɔ Gyihova asa anu.+
Ɔkile ye adenle ɔkɔ ɛleka biala mɔɔ Ɔkulo la.+
2 Sonla ndenle kɔsɔɔti le kpalɛ wɔ ɔ nye zo,+Noko Gyihova neɛnlea ahonle nu.*+
3 Tenleneyɛlɛ nee pɛlepɛlelilɛSɔ Gyihova anye kpalɛ tɛla afɔlebɔlɛ.+
4 Anwomemaazo ɛnyelɛ nee anwomemaazo ahonleLe kɛnlaneɛ mɔɔ kile amumuyɛma adenle noko bɛle ɛtane.+
5 Sonla mɔɔ bɔ mɔdenle yɛ gyima la ngyehyɛleɛ bawie boɛ,*+Noko bɛdabɛ mɔɔ bɛpele bɛ nwo bɛyɛ debie la kɔsɔɔti bali ehyia.+
6 Adalɛ ɛtafinlimalɛ mɔɔ bɛdua zo bɛnyia bɛ nwo laLe kɛ kpukpuke mɔɔ minli ndɛndɛ, ɛhane mɔɔ ku sonla la.*+
7 Amumuyɛma ninyɛndane bapia bɛ ahɔ,+Ɔluakɛ bɛkpo kɛ bɛkɛli pɛlepɛle.
8 Sonla mɔɔ di fɔlɛ la adenle nu kyeɛhyea,Noko sonla mɔɔ anwo te la gyima tenrɛ.+
9 Ɔle kpalɛ kɛ ɛkɛdɛnla sua ti zo kodoka bie anuTɛla kɛ ɛ nee yelɛ mɔɔ kulo butule* la kɛdɛnla sua ko anu.+
10 Amumuyɛnli* atiakunlu ba ɛtaneyɛlɛ zo;+Ɔnnwu ɔ gɔnwo anwunvɔne fee.+
11 Saa bɛtwe agolobɛnwonli anzo a, mɔɔ ɛnlɛ anwubielɛ la nwu nrɛlɛbɛ,Yɛɛ saa nrɛlɛbɛvolɛ nyia nwunu a, ɔnyia ndelebɛbo.*+
12 Tenlenenli Ko ne nea amumuyɛnli sua nu;Ɔka amumuyɛma ɔgua ɔmaa bɛ bo zo bɔ.+
13 Awie biala mɔɔ tuodua ɔ nzo wɔ koahweabane ɛzunlɛ nwo laƆdaye noko ɔbavɛlɛ na bɛnrɛdɛne ye zo.+
14 Fealeranu ahyɛlɛdeɛ maa ɛya dwo,+Yɛɛ belaebo mɔɔ bɛfea zo* la maa ɛya kpole ka aze.
15 Tenlenenli anye die kɛ ɔkɛli pɛlepɛle,+Noko ɔle kyibadeɛ ɔmaa bɛdabɛ mɔɔ bɛyɛ ninyɛndane la.
16 Sonla mɔɔ twe ɔ nwo fi nwunu adenle nu laBalie ɔ menle wɔ mowuamra mɔɔ bɛngola bɛnyɛ ɛhwee la avinli.+
17 Sonla mɔɔ kulo anyelielɛ la bali ehyia;+Sonla mɔɔ kulo nwanye nee nwole la ɛnrɛnyia ɔ nwo.
18 Amumuyɛnli le tenlenenli ɛkpɔnedeɛ,Yɛɛ bɛbava mɛlɛbɛla sonla na bɛagyakyi sonla mɔɔ tenrɛ la.+
19 Ɔle kpalɛ kɛ ɛkɛdɛnla fienemgbole nuTɛla kɛ ɛ nee yelɛ mɔɔ kulo butule* na ɔngyɛ na yeava ɛya la kɛdɛnla.+
20 Bɛnwu ninyɛne mɔɔ sonle bolɛ nee nwole wɔ nrɛlɛbɛvolɛ sua nu,+Noko koasea bazɛkye* mɔɔ ɔlɛ la.+
21 Awie biala mɔɔ di tenleneyɛlɛ nee ɛlɔlɛ kpundii nzi laBanyia ngoane, tenleneyɛlɛ nee anyunlunyia.+
22 Nrɛlɛbɛvolɛ kola fo kɔ katakyiema suakpole zo*Na ɔka anwosesebɛ ne mɔɔ bɛfa bɛ nwo bɛto zo la aze.+
23 Sonla mɔɔ sinza ɔ nloa nee ɔ tafinlima laTwe ɔ nwo* fi ngyegyelɛ nwo.+
24 Sonla mɔɔ fa anwomemaazo yɛ debie na ɔndwenle mɔɔ bavi nu ara la anwo laBɛbavɛlɛ ye anwomemaazo* nee adubɛnloanu.*+
25 Mgbovonle sonla atiakunluwɔzo bahu ye,Ɔluakɛ ɔkpo kɛ ɔkɛva ɔ sa ɔkɛyɛ gyima.+
26 Ye atiakunluwɔzo ne anu yɛ se alehyenlɛ biala,Noko tenlenenli buke ɔ sa nu, ɔnle abokɛ.+
27 Amumuyɛnli afɔlebɔlɛ le kyibadeɛ.+
Na saa ɔfa adwenle ɛtane ɔbɔ a* ɛnee ɛnea a kɛzi ɔbayɛ ɛ!
28 Mɔɔ di daselɛ adalɛ la baminli,+Noko sonla mɔɔ tie edwɛkɛ kpalɛ la daselɛlilɛ bagyinla.*
29 Amumuyɛnli ɛnze nyiane,+Noko tenlenenli bɔ ye adenle nwo bane.*+
30 Nrɛlɛbɛ nee adwenlenunwunlɛ yɛɛ folɛdulɛ biala ɛnle ɛkɛ mɔɔ kola dwazo tia Gyihova a.+
31 Bɛsiezie ɛkpɔnwɔ bɛmaa konle kenle,+Noko ngoanelielɛ le Gyihova ɛdeɛ.+
Ɔbodwɛkɛ
^ Anzɛɛ “adwenle mɔɔ menli lɛ la anu.”
^ Anzɛɛ “bamaa yeanyia nvasoɛ.”
^ Anzɛɛ ɔkola ɔkile, “ɔmaa bɛdabɛ mɔɔ bɛlɛkpondɛ ewule la.”
^ Anzɛɛ “tendɛ ɔ nzo abo.”
^ Anzɛɛ “Amumuyɛnli ɛkɛla.”
^ Anzɛɛ “ɔnwu mɔɔ ɔwɔ kɛ ɔyɛ la.”
^ Hibulu aneɛ nu, “belaebo mɔɔ wɔ bɛ kɛnra anu.”
^ Anzɛɛ “tendɛ ɔ nzo abo.”
^ Anzɛɛ “bame.”
^ Anzɛɛ “di zolɛ konim.”
^ Anzɛɛ “ye ɛkɛla.”
^ Hibulu edwɛkɛkpɔkɛ ne eza kile akɛnrasesebɛ mɔɔ ɛnle kpalɛ mɔɔ bɛfa bɛyɛ debie anzɛɛ awie mɔɔ yɛ debie mɔɔ ɔnlɛ adenle ɔnyɛ la.
^ Anzɛɛ “ayebɛnloanu.”
^ Anzɛɛ “saa anyiembga ɛbɛla boka nwo a.”
^ Hibulu aneɛ nu, “badendɛ dahuu.”
^ Anzɛɛ “adenle wɔ ɛkɛ dahuu.”
