Mrɛlɛbulɛ 17:1-28

  • Mmafa ɛtane ɛtua kpalɛ kakɛ (13)

  • Fi ɛkɛ ne kolaa na butule ne abɔ ɔ bo (14)

  • Agɔnwolɛ kpalɛ lɛ ɛlɔlɛ mekɛ biala (17)

  • “Anyelielɛ ahonle le ayile kpalɛ” (22)

  • Sonla mɔɔ ze nrɛlɛbɛ la sɔ ɔ nloa (27)

17  Paano resee mɔɔ anzodwolɛ* wɔ nwolɛ la le kpalɛ+Tɛla awuke mɔɔ ɛkponledolɛ* ɛbu ɛkɛ noko butule wɔ ɛkɛ la.+   Sonvolɛ mɔɔ lɛ nwunu la banlea ralɛ mɔɔ bɔ anyiemgba ɛbɛla la anwo zo;Ɔbanyia agyapadeɛ ne bie kɛ asɛɛ ɔle mediema ne mɔ anu ko la.   Dwinvolɛ buakɛ wɔ ɛkɛ ne maa dwɛtɛ fufule yɛɛ fonlomo wɔ ɛkɛ ne maa nvutuke,+Noko Gyihova a neɛnlea ahonle nu a.+   Amumuyɛnli tie ɛdendɛlɛ mɔɔ boda,Yɛɛ mɛlɛbɛla sonla tie adalɛ ɛtafinlimalɛ.+   Awie biala mɔɔ golo ehyianli nwo la bɔ ye Bɔvolɛ ne aholoba,+Yɛɛ awie biala mɔɔ di awie anwubɛnyunlu nwo fɛlɛko la ɛnrɛva ɔ nwo ɛnrɛli.+   Nlɔnra le abotile maa mgbanyinli,Yɛɛ selɛma* le anyunlunyia maa bɛ mra.*   Ɛdendɛlɛ kɛnlɛma* ɛnfɛta koasea.+ Yɛɛ adalɛbɔlɛ noko ɛnfɛta tumivolɛ!*+   Ahyɛlɛdeɛ le kɛ bolɛ mɔɔ sonle bolɛ* la maa ɔ menle;+Ɛleka biala mɔɔ ɔkɛhɔ la, ɔmaa ɔwie ye boɛ.+   Awie biala mɔɔ fa mɛladonlɛ kyɛ* la kpondɛ ɛlɔlɛ,+Noko sonla mɔɔ sɔ edwɛkɛ nu a ɔngyakyi la tete agɔnwolɛma kpalɛ avinli.+ 10  Ndeanlɛ boa sonla mɔɔ lɛ ndelebɛbo la+Tɛla koasea mɔɔ bɛkɛbila ye mbaka fane ɛya ko la.+ 11  Atuadelɛ ala a ɛtanevolɛ kpondɛ a,Noko bɛbazoa soanvolɛ atisesebɛ bɛamaa yearahwe ɔ nzo.+ 12  Ɔle kpalɛ kɛ ɛkɛyia ezizile mɔɔ bɛva ɔ mra bɛhɔ laTɛla kɛ ɛkɛyia koasea mɔɔ ɛlɛyɛ ngoaseade la.+ 13  Saa awie fa ɛtane tua kpalɛ kakɛ a,Ɛtane ɛnrɛkpa ye sua nu.+ 14  Konle bo ɛbɔlɛ le kɛ ɛlɛbuke azule anlenkɛ* la;Fi ɛkɛ ne kolaa na butule ne abɔ ɔ bo.+ 15  Awie biala mɔɔ bua amumuyɛnli benle nee awie biala mɔɔ bua tenlenenli fɔlɛ la+—Bɛ mu nwiɔ bɛle Gyihova kyibadeɛ. 16  Saa koasea lɛ debie mɔɔ bamaa yeanwu nrɛlɛbɛ la a nvasoɛ boni a wɔ zo aWɔ mekɛ mɔɔ ɔnlɛ ahonle mɔɔ ɔbamaa yeanyia ye la ɛ?*+ 17  Agɔnwolɛ kpalɛ da ɛlɔlɛ ali mekɛ biala+Yɛɛ ɔle adiema mɔɔ bɛwo ye bɛmaa anwongyelelɛ mekɛ.+ 18  Sonla mɔɔ ɛnlɛ adwenle* la soma ɔ gɔnwo asa anuNa ɔdie ɔto nu kɛ ɔbali ye agyinlanu.+ 19  Sonla mɔɔ kulo mgbonde la kulo mɛladonlɛ.+ Awie biala mɔɔ maa ye anuhɔlɛ kɔ anwuma la twehwe azedɔlɛ.+ 20  Sonla mɔɔ ye ahonle nu le bile la ɛnrɛkpazi,*+Yɛɛ sonla mɔɔ bɔ adalɛ la abo zo babɔ. 21  Sonla mɔɔ kɛwo ralɛ koasea la bali nyane;Yɛɛ ralɛ mɔɔ ɛnze nrɛlɛbɛ la ɛ papa anye ɛnlie.+ 22  Anyelielɛ ahonle le ayile kpalɛ,*+Noko sunsum mɔɔ ɛbubu la maa sonla anwosesebɛ wie.*+ 23  Amumuyɛnli die belaebo fealeranu*Amaa yeambua ndɛne fɔɔnwo.+ 24  Nrɛlɛbɛ wɔ sonla mɔɔ lɛ adwenlenunwunlɛ la anyunlu fɔɔnwo,Noko koasea anye bɔ mgbɔlɔka too ɔkɔdwu azɛlɛ ne ɛleka biala.+ 25  Ralɛ koasea maa ye papa di nyaneYɛɛ ɔmaa ahenle mɔɔ wole ye la nwu amaneɛ.”*+ 26  Ɔnle kpalɛ kɛ bɛkɛhwe tenlenenli anzo,*Yɛɛ ɔle nvonleɛ kɛ bɛkɛbila menli mɔɔ bɛdi bɛ eni la mbaka.* 27  Sonla mɔɔ ze nrɛlɛbɛ la sɔ ɔ nloa,+Yɛɛ sonla mɔɔ lɛ adwenlenunwunlɛ la bazie ɔ nwo dii.+ 28  Koasea bɔbɔ, saa ɔyɛ koonwu a bɛbu ye nrɛlɛbɛvolɛ,Yɛɛ sonla mɔɔ ka ɔ nloa to nu la, bɛbu ye kɛ ɔlɛ adwenlenunwunlɛ.

Ɔbodwɛkɛ

Anzɛɛ “koonwuyɛlɛ.”
Hibulu aneɛ nu, “afɔlebɔlɛ.”
Anzɛɛ “awovolɛ.”
Anzɛɛ “ngakula.”
Anzɛɛ “kpalɛ.”
Anzɛɛ “sonla titili.”
Anzɛɛ “ɔle bolɛ mɔɔ maa bɛnyia ɛlolɛ.”
Hibulu aneɛ nu, “keda mɛladonlɛ zo.”
Anzɛɛ “le kɛ azuledukuelɛ.” Hibulu aneɛ nu, “ɛmaa nzule aze.”
Anzɛɛ “Wɔ mekɛ mɔɔ ɔnlɛ adwenle la ɛ?”
Anzɛɛ “ɛnze nrɛlɛbɛ.”
Hibulu aneɛ nu, “ɛnrɛnyia debie kpalɛ.”
Anzɛɛ “le kpalɛ maa ayileyɛlɛ.”
Anzɛɛ “maa mbowule nu we.”
Hibulu aneɛ nu, “Amumuyɛnli die belaebo fi awie akɛnra anu.”
Hibulu aneɛ nu, “Yɛɛ ɔyɛ ɛnwonle ɔmaa ahenle mɔɔ wole ye la.”
Anzɛɛ “bɛkɛbɔ ye kakɛ.”
Anzɛɛ “empele.”