Mrɛlɛbulɛ 16:1-33
16 Sonla siezie ye ahonle nu nzuzulɛ,*Noko mualɛ mɔɔ ɔmaa la* vi Gyihova ɛkɛ.+
2 Sonla ndenle kɔsɔɔti le kpalɛ* wɔ ɔ nye zo,+Noko Gyihova neɛnlea adwenle* mɔɔ ɔlɛ la anu.+
3 Fa debie biala mɔɔ ɛyɛ la* wula Gyihova asa anu,+Na ɔbamaa wɔ ngyehyɛleɛ ayɛ boɛ.
4 Debie biala mɔɔ Gyihova ɛyɛ la di ye bodane nwo gyima,Amumuyɛma bɔbɔ, bɛwɔ ɛkɛ ne bɛmaa munzule kenle ne.+
5 Awie biala mɔɔ memaa ɔ nwo zo wɔ ye ahonle nu la le Gyihova kyibadeɛ.+
Nyia anwodozo kɛ* ɔnrɛva ɔ nwo ɔnrɛli.
6 Bɛfa ɛlɔlɛ kpundii nee nɔhalɛlilɛ bɛkpɔda nvonleɛ,+Yɛɛ Gyihova ɛzulolɛ maa sonla twe ɔ nwo fi ɛtane nwo.+
7 Saa Gyihova anye die sonla ndenle nwo a,Ɔmaa ye kpɔvolɛma bɔbɔ nee ye tɛnla anzodwolɛ nu.+
8 Debie ekyi mɔɔ vi tenleneyɛlɛ nu la le kpalɛ+Tɛla nvasoɛ dɔɔnwo mɔɔ pɛlepɛlelilɛ ɛnle nu la.+
9 Sonla fa mɔɔ ɔbayɛ la anwo adwenle wɔ ye ahonle nu,Noko Gyihova a kile ɔ gyakɛ ɛdudulɛ adenle a.+
10 Ɔwɔ kɛ kpɔkɛzilɛ mɔɔ vi sunsum nu* la tɛnla belemgbunli anloa anu;+Ɔnle kɛ ɔbu ɔ nye ɔgua pɛlepɛlelilɛ zo ɛlɛ.+
11 Tone nee ɛzuzudeɛ kpalɛ vi Gyihova ɛkɛ;Ɔdaye a ɔyɛle ninyɛne ɛlomboɛ mɔɔ wɔ kodoku nu la amuala a.+
12 Amumuyɛ nyɛleɛ le belemgbunli kyibadeɛ,+Ɔluakɛ tenleneyɛlɛ a maa belemgbunli ebia gyinla kpundii a.+
13 Arelemgbunli anye die tenlenema ɛdendɛlɛ nwo.
Bɛkulo awie mɔɔ ka nɔhalɛ la.+
14 Belemgbunli ɛyavalɛ le kɛ ewule soanvolɛ,+Noko nrɛlɛbɛvolɛ si ye adenle.*+
15 Belemgbunli te ɔ nyunlu a ɔle ngoane;Ye ɛlolɛ le kɛ amungu mɔɔ tɔ ezule wɔ ye mekɛ nloa la.+
16 Nea kɛzi ɔle kpalɛ kɛ ɛkɛnwu nrɛlɛbɛ tɛla kɛ ɛkɛnyia nvutuke a!+
Ɔle kpalɛ kɛ ɛkɛnyia ndelebɛbo tɛla kɛ ɛkɛkpa dwɛtɛ fufule.+
17 Tenlenema ademgbole koati ɛtane.
Awie biala mɔɔ sinza ye adenle la bɔ ye ngoane* nwo bane.+
18 Anwomemaazo kɔwie ɛzɛkyelɛ nu,Yɛɛ adubɛnwo sunsum kɔwie azedɔlɛ nu.+
19 Ɔle kpalɛ kɛ bɛkɛnwu wɔ kɛ ɛboka bɛlɛvoma anwo+Tɛla kɛ ɛ nee anwomemaazoma kɛhyɛ ninyɛne mɔɔ bɛve la.
20 Ɔbawie sonla mɔɔ da nwunu ali wɔ edwɛkɛ nu la boɛ,Yɛɛ anyelielɛ a le sonla ne mɔɔ fa ɔ nwo to Gyihova anwo zo la.
21 Mɔɔ ze nrɛlɛbɛ wɔ ahonle nu la, bɛbavɛlɛ ye ndelebɛbo,+Yɛɛ sonla mɔɔ tendɛ kɛnlɛma* la kakyi adwenle.+
22 Nwunu le ngoane nzubula maa bɛdabɛ mɔɔ bɛlɛ bie la,Noko ahoasea ngoaseade tenrɛdenrɛ bɛ.
23 Nrɛlɛbɛvolɛ ahonle maa ɔ nloa nwunu+Yɛɛ ye ɛdendɛlɛ kakyi adwenle.
24 Edwɛkɛ kɛnlɛma le wolɛ ndɛlamoa,Ɔyɛ ɛkɛla* ne fɛ yɛɛ ɔle ayile ɔmaa mbowule.+
25 Adenle ne bie wɔ ɛkɛ ne a ɔle kpalɛ wɔ sonla nye zo,Noko ye awieleɛ wie ewule nu.+
26 Gyimayɛvo atiakunluwɔzo* maa ɔyɛ gyima ɛsesebɛƆluakɛ ye ɛhɔne* maa ye anwosesebɛ.+
27 Sonlamgbane kpondɛ mɔɔ le ɛtane;+Ye ɛdendɛlɛ le kɛ senle mɔɔ yela la.+
28 Gyegyeravolɛ fa kpolerazulɛ ba,+Yɛɛ dumasɛkyevo tete agɔnwolɛma kpalɛ avinli.+
29 Amumuyɛnli bɛlɛbɛla ɔ gɔnwoNa ɔmaa ɔfa adenle ɛtane zo.
30 Ɔbɔ ɔ nye na ɔfa amumuyɛ adwenle.
Ɔkposa ɔ nloa na ɔdi ɛtane.
31 Egyɛne le abotile kɛnlɛma*+Saa bɛnyia ye wɔ tenleneyɛlɛ adenle zo a.+
32 Sonla mɔɔ kyɛ na yeava ɛya la+ le kpalɛ tɛla katakyie,Yɛɛ sonla mɔɔ komo ye ɛya* zo la le kpalɛ tɛla sonla mɔɔ di suakpole zo konim la.+
33 Sonla ɛzɔlɛ zo a bɛgua ma* a,+Noko nwolɛ kpɔkɛzilɛ biala vi Gyihova.+
Ɔbodwɛkɛ
^ Anzɛɛ “mualɛ mɔɔ fɛta.” Hibulu aneɛ nu, “ɛtafinlimalɛ mualɛ.”
^ Hibulu aneɛ nu, “Ahonle nu nziezielɛ le sonla ɛdeɛ.”
^ Hibulu aneɛ nu, “anwo te.”
^ Anzɛɛ “nzuzulɛ.”
^ Hibulu aneɛ nu, “Fa wɔ gyima.”
^ Hibulu aneɛ nu, “Ɛsalɛ la ɛsalɛ nu bɔbɔ a.”
^ Anzɛɛ “Nyamenle.”
^ Anzɛɛ “koati.”
^ Anzɛɛ “ɛkɛla.”
^ Hibulu aneɛ nu, “mɔɔ anloa ɛdendɛlɛ yɛ fɛ.”
^ Nea Edwɛkɛbohilelɛ.
^ Anzɛɛ “ɛkɛla.”
^ Hibulu aneɛ nu “ɔ nloa.”
^ Anzɛɛ “anyunlunyia.”
^ Hibulu aneɛ nu, “ye sunsum.”
^ Nea Edwɛkɛbohilelɛ.