Mrɛlɛbulɛ 13:1-25

  • Bɛdabɛ mɔɔ bɛkpondɛ folɛdulɛ bo zo la ze nrɛlɛbɛ (10)

  • Anyelazo mɔɔ kyɛ la maa ahonle nwo to ye (12)

  • Ɛbɔfoɔ nɔhavo fa ayile ba (17)

  • Ɛ nee nrɛlɛbɛvolɛ dua a ɛnwu nrɛlɛbɛ (20)

  • Ɛdenrɛdenrɛlɛ, ɔkile ɛlɔlɛ (24)

13  Ralɛ nrɛlɛbɛvolɛ die ye papa ɛdenrɛdenrɛlɛ to nu,+Noko sonla mɔɔ memaa ɔ nwo zo la* ɛndie ndeanlɛ.*+   Sonla anloa anu edwɛkɛ maa ɔnyia debie kpalɛ ɔdi,+Noko mɛlɛbɛlama atiakunluwɔzo* a le amumuyɛyɛlɛ.   Sonla mɔɔ sinza ɔ nloa* la bɔ ye ngoane* nwo bane,+Noko mɔɔ buke ɔ nloa wanaanwo la banyia ɛzɛkyelɛ.+   Mgbovonle sonla atiakunlu ba debie zo, na ɔnnyia* ɛhwee,+Noko mɔɔ bɔ mɔdenle yɛ gyima la* bɛbamaa ɔ ko ayi kpalɛ.*+   Tenlenenli kyi adalɛbɔlɛ,+Noko amumuyɛma nyɛleɛ maa bɛbɔ anyiemgba na bɛ nyunlu gua aze.   Tenleneyɛlɛ bɔ sonla mɔɔ edwɛkɛ ɛnle ɔ nwo la anwo bane,+Noko amumuyɛyɛlɛ to ɛtanevolɛ aze.   Sonla ne bie wɔ ɛkɛ a ɔyɛ ɔ nwo sukoavolɛ, noko ɔnlɛ ɛhwee;+Bie noko wɔ ɛkɛ a ɔyɛ ɔ nwo ehyianli, noko yenyia ɔ nwo kpole kpalɛ.   Anwonyia a sonla fa kpɔne ye ngoane* a,+Noko ehyianli ɛdeɛ, bɛnga ye ɛzulolɛ bɔbɔ.*+   Tenlenema wienyi ta* kpole kpalɛ,+Noko amumuyɛma kɛnlaneɛ banlu.+ 10  Anwomemaazo* kɔwie konle nu,+Noko bɛdabɛ mɔɔ bɛkpondɛ folɛdulɛ bo zo* la ze nrɛlɛbɛ.+ 11  Anwonyia mɔɔ bɛnyia ye ndɛndɛ* la azo bade,+Noko anwonyia mɔɔ bɛboɔboa ɔ nloa ngyikyingyikyi* la bayɛ kpole. 12  Anyelazo kyɛ a ɔmaa ahonle ne anwo to ye,+Noko ɛnyia mɔɔ ɛkpondɛ la a, ɔle ngoane baka.+ 13  Awie biala mɔɔ kpo adehilelɛ* la banyia anzohwenlɛ,+Noko mɔɔ di mɛla zo la banyia ahatualɛ.+ 14  Nrɛlɛbɛvolɛ ngilehilelɛ* le ngoane ɛvileka+ Ɔtwe sonla ɔfi ewule ngane ne mɔ anu. 15  Nwunu kpalɛ maa bɛnyia menli nyunlu ɛlolɛ,Noko mɛlɛbɛlama adenle nu le ngyegyelɛ ngome. 16  Sonla mɔɔ anye gyi ɔ ti anwo la fa nrɛlɛbɛ di gyima,+Noko koasea da ye ngoaseade ne ali.+ 17  Soanvolɛ mɔɔ le amumuyɛ la yia ngyegyelɛ,+Noko ɛbɔfoɔ nɔhavo yɛ ayile.+ 18  Awie biala mɔɔ kpo ɛdenrɛdenrɛlɛ la di ehyia na ɔ nyunlu gua aze,Noko mɔɔ die ɛdenrɛdenrɛlɛ* to nu la, bɛbawula ye anyunlunyia.+ 19  Saa sonla nyia mɔɔ ɔkpondɛ la a ɔyɛ ye fɛ,+Noko koasea kyi kɛ ɔbahwe ɔ nwo yeavi ɛtane nwo.+ 20  Sonla mɔɔ nee nrɛlɛbɛvolɛ dua la banwu nrɛlɛbɛ,+Noko mɔɔ nee koasea tu la, edwɛkɛ bado ye.+ 21  Munzule foa ɛtanevolɛma,+Noko ɛkpazilɛ tua tenlenema kakɛ.+ 22  Sonlakpalɛ gyakyi agyapadeɛ maa ye nlɔnra,Noko ɛtanevolɛ anwonyia wɔ ɛkɛ maa tenlenenli.+ 23  Ehyianli egyinli maa ɔnyia aleɛ dɔɔnwo,Noko bɛdie bɛfi ɔ sa nu wɔ nzisi nu. 24  Awie biala mɔɔ ɛnva baka ɛnga* ɔ ra la kpɔ ye,+Noko mɔɔ kulo ye la bɔ mɔdenle tenrɛdenrɛ ye.*+ 25  Tenlenenli di debie ɔ ko yi,+Noko amumuyɛma ako ɛdɔ mgbane.+

Ɔbodwɛkɛ

Anzɛɛ “agolobɛnwonli.”
Anzɛɛ “ɛdenrɛdenrɛlɛ.”
Anzɛɛ “ɛkɛla.”
Anzɛɛ “edwɛkɛ mɔɔ ɔka.”
Anzɛɛ “ɛkɛla.”
Anzɛɛ “ye ɛkɛla ɛnnyia.”
Anzɛɛ “mɔɔ bɔ mɔdenle yɛ gyima la ɛkɛla.”
Hibulu aneɛ nu, “bɛbamaa yeayɛ belane.”
Anzɛɛ “ɛkɛla.”
Hibulu aneɛ nu, “ɔnde ndeanlɛ biala.”
Hibulu aneɛ nu, “di fɛlɛko.”
Hibulu edwɛkɛkpɔkɛ ne eza kile akɛnrasesebɛ mɔɔ ɛnle kpalɛ mɔɔ bɛfa bɛyɛ debie anzɛɛ awie mɔɔ yɛ debie mɔɔ ɔnlɛ adenle ɔnyɛ la.
Anzɛɛ “bɛkɔ agyinla.”
Anzɛɛ “Anwonyia mɔɔ bɛnyia bɛfi ninyɛne mgbane nu.”
Hibulu aneɛ nu, “bɛfa bɛ sa bɛboɔboa ɔ nloa.”
Anzɛɛ “edwɛkɛ ne.”
Anzɛɛ “mɛla.”
Anzɛɛ “ahwibɛnyunlu.”
Anzɛɛ “mɔɔ ɛndwe ɔ nzo; ɛndenrɛdenrɛ.”
Anzɛɛ ɔkola ɔkile, “tenrɛdenrɛ ye ndɛndɛ.”