Mrɛlɛbulɛ 10:1-32

  • Ralɛ nrɛlɛbɛvolɛ maa ye papa anye die (1)

  • Ɛsalɛ mɔɔ yɛ gyima ɛsesebɛ la nyia ɔ nwo (4)

  • Edwɛkɛ dɔɔnwo fa mɛladonlɛ ba (19)

  • Gyihova nyilalɛ maa bɛnyia bɛ nwo (22)

  • Gyihova ɛzulolɛ maa bɛnyi bɛkyɛ (27)

10  Sɔlɔmɔn mrɛlɛbulɛ.+ Ralɛ nrɛlɛbɛvolɛ maa ye papa anye die,+Noko ralɛ koasea maa ye mame di nyane.   Nvasoɛ ɛnrɛra agyapadeɛ mɔɔ bɛdua amumuyɛ adenle zo bɛnyia la azo,Noko tenleneyɛlɛ a die sonla fi ewule nu a.+   Gyihova ɛnrɛmaa ɛhɔne ɛnrɛhu tenlenenli,*+Noko ɔnrɛmaa amumuyɛma asa ɛnrɛha mɔɔ bɛkpondɛ la.   Ɛsalɛ mɔɔ ɛnyɛ gyima la bali ehyia,+Noko ɛsalɛ mɔɔ yɛ gyima ɛsesebɛ la nyia ɔ nwo.+   Ralɛ mɔɔ fa nwunu yɛ gyima la boɔboa ye ma nloa wɔ wawaa mekɛ nu,Noko ralɛ mɔɔ dafe botoo wɔ ma ɛdelɛ mekɛ nu la bɔ ɔ nwo anyiemgba.+   Tenlenenli banyia nyilalɛ,+Noko amumuyɛnli anloa kedɛheda basabasayɛlɛ zo.   Tenlenenli duma kpalɛ* maa bɛyila ye,+Noko amumuyɛnli duma baminli.*+   Sonla mɔɔ ze nrɛlɛbɛ la balie adehilelɛ* ado nu,+Noko sonla mɔɔ tendɛ koasea nu la, bɛbatietia ɔ nwo zo.+   Sonla mɔɔ fa nɔhalɛlilɛ* dua la banyia banebɔlɛ,+Noko sonla mɔɔ maa ye ndenle nu kyeɛhyea la, bɛbanwu ɔ nzi.+ 10  Sonla mɔɔ bɔ ɔ nye bɛlɛbɛla awie mɔ la maa bɛdi nyane,+Yɛɛ sonla mɔɔ tendɛ koasea nu la, bɛbatietia ɔ nwo zo.+ 11  Tenlenenli anloa le ngoane ɛvileka,+Noko amumuyɛnli anloa kedɛheda basabasayɛlɛ zo.+ 12  Ɛkpɔlɛ a fa manzonlehwenlɛ ba a,Noko ɛlɔlɛ keda mɛladonlɛ kɔsɔɔti azo.+ 13  Nrɛlɛbɛ wɔ sonla mɔɔ lɛ nwunu la anloa anu,+Noko bɛfa baka bɛbila sonla mɔɔ ɛnlɛ adwenle* la anzi.+ 14  Menli mɔɔ ze nrɛlɛbɛ la a le bɛdabɛ mɔɔ bɛkɔ zo bɛsukoa ninyɛne mɔɔ nvasoɛ wɔ zo la,+Noko koasea nloa twehwe ɛzɛkyelɛ.+ 15  Sukoavolɛ anwonyia* le ye suakpole mɔɔ bɛdo nwolɛ bane. Ehyia a sɛkye ehyiavolɛma a.+ 16  Tenlenenli gyimayɛlɛ maa ɔnyia ngoane,Noko amumuyɛnli asa anloa gyima kɔwie ɛtane nu.+ 17  Sonla mɔɔ die ɛdenrɛdenrɛlɛ to nu la le ngoane adenle,*Noko sonla mɔɔ kpo ahwibɛnyunlu la maa awie mɔ fo adenle. 18  Sonla mɔɔ fea ye ɛkpɔlɛ zo la bɔ adalɛ,+Yɛɛ sonla mɔɔ kpɔsa sɛkye awie mɔ duma la le koasea. 19  Saa ɛdendɛlɛ so a, mɛladonlɛ ɛmkpa nu,+Noko sonla mɔɔ nea ɔ nloa boɛ la ze nrɛlɛbɛ.+ 20  Tenlenenli atafinlima le kɛ dwɛtɛ fufule kpalɛ,+Noko amumuyɛnli ahonle ɛdeɛ, asɛɛ nvasoɛ biala ɛnle zo. 21  Tenlenenli anloa maa menli dɔɔnwo nyia aleɛ di,*+Noko koasea wu ɔluakɛ ɔnlɛ adwenle.+ 22  Gyihova nyilalɛ a maa sonla nyia ɔ nwo a,+Na Ɔnva nyanelilɛ* biala ɔmboka nwo. 23  Koasea ɛlɛbɔ anyiemgba ɛbɛla a, ɔfa ye kɛ ɔle nwɔhoa,Noko sonla mɔɔ lɛ adwenlenunwunlɛ la ze nrɛlɛbɛ.+ 24  Mɔɔ amumuyɛnli sulo la bara ɔ nwo zo;Noko mɔɔ tenlenenli kulo la, bɛbayɛ bɛamaa ye.+ 25  Saa ahumu ne pɛ nu a, amumuyɛnli ne ɛnrɛdɛnla ɛkɛ ne bieko,+Noko tenlenenli le adiabo dahuu.+ 26  Kɛzi nza nyinyialera yɛ egyele na esike yɛ ɛnyelɛ la,Zɔhane ala a mgbovonle sonla de maa awie mɔɔ kɛzoa ye la* a. 27  Gyihova ɛzulolɛ maa bɛnyi bɛkyɛ,+Noko bɛbapɛ amumuyɛma ɛvolɛ zo.+ 28  Tenlenema anyelazo maa bɛ nye die,+Noko amumuyɛma anyelazo baminli.+ 29  Gyihova adenle le aranemgbole maa awie mɔɔ edwɛkɛ ɛnle ɔ nwo la,+Noko ɔle ɛzɛkyelɛ ɔmaa ɛtanevolɛma.+ 30  Bɛnrɛmaa tenlenenli ɛnrɛdɔ aze ɛlɛ,+Noko amumuyɛnli ɛnrɛdɛnla azɛlɛ ne azo bieko.+ 31  Tenlenenli anloa so nrɛlɛbɛ ma,Noko bɛbapɛ adalɛ ɛtafinlimalɛ bado ye lɔ. 32  Tenlenenli anloa ze mɔɔ le kpalɛ la,Noko amumuyɛnli anloa ka adalɛ edwɛkɛ.

Ɔbodwɛkɛ

Anzɛɛ “tenlenenli ɛkɛla.”
Hibulu aneɛ nu, “ɛhakyelɛ.”
Hibulu aneɛ nu, “bakpɔlɔ.”
Hibulu aneɛ nu, “mɛla ne mɔ.”
Anzɛɛ “munlililɛ.” Nea Edwɛkɛbohilelɛ.
Anzɛɛ “ɛnze nrɛlɛbɛ.”
Anzɛɛ “debie mɔɔ sonle bolɛ la.”
Anzɛɛ ɔkola ɔkile, “lua ngoane adenle nu.”
Anzɛɛ “kile menli dɔɔnwo adenle.”
Anzɛɛ “alɔbɔlɛlilɛ; anwongyelelɛ.”
Anzɛɛ “ye gyimamenle.”