Habakɛke 3:1-19

  • Ngapezonli ne yɛle asɔne kɛ Gyihova ɛyɛ debie (1-19)

    • Nyamenle balie ye menli mɔɔ yekpokpa bɛ la (13)

    • Di fɛlɛko wɔ Gyihova anu ɔnva nwo ngyegyelɛ (17, 18)

3  Ngapezonli Habakɛke asɔneyɛlɛ, ɔyɛle ye wɔ awolɛyelɛ nu:*   O Gyihova, mede ɛ nwo edwɛkɛ. O Gyihova, wɔ gyima si me nwo. Yɛ ye bieko wɔ ɛvolɛ ne mɔ anu!* Maa ɔla ali wɔ ɛvolɛ ne mɔ anu.* Kakye na se anwunvɔne wɔ wɔ ɛya ne anu.+   Nyamenle vi Timan rale,Nwuanzanwuanza Ko ne vi Peelan+ Boka ne azo rale. (Sila)* Ye anyunlunyia hedale anwuma;+Ye ayɛlɛyelɛ yile azɛlɛ ye azo tɛkɛɛ.   Ɛnee ɔta kɛ sɛnzɛne.+ Wienyi nwiɔ dale vile ɔ sa nu,Ɛleka mɔɔ ɛnee ye anwosesebɛ ne vea la.   Ewulenzane li ɔ nyunlu,+Yɛɛ ebunlu kpole li ɔ nzi.   Ɔgyinlanle na ɔkpusule azɛlɛ ne.+ Ɔnleanle, na ɔmaanle maanle maanle ne mɔ kpusule.+ Awoka mɔɔ wɔ ɛkɛ dahuu la kpukekpukele,Tete awoka ngyikyi hotole.+ Ɛhye mɔ le ye ndenle ɔvi tete.   Menwunle ngyegyelɛ wɔ Kuhyan ɛdanlɛ azua ne mɔ anu. Medean azɛlɛ zo ɛdanlɛ azua ne mɔ kpusule.+   O Gyihova, asoo azule ne mɔ,Asoo azule ne mɔ a wɔva bɛ nwo ɛya a? Anzɛɛ nyevile ne a wɔva ɔ nwo ɛya a?+ Ɔluakɛ ɛhanle wɔ mgbɔnwɔ ne mɔ;+Wɔ ehwili ne mɔ lile konim.*+   Ɛyele wɔ ɛda ne na ɛzuale ɛdole zo. Ɛhanle mbaka* ne mɔ anwo ndane.* (Sila) Ɛvale azule ɛkpakyele azɛlɛ ne anu. 10  Awoka ne mɔ nwunle wɔ la, bɛlile nyane kpole.+ Ezule kpole bie dɔle na ɔzenle azɛlɛ ne azo. Azɛlɛ bo nzule deanle nu kpole.+ Ɔmaanle ɔ sa zo anwuma. 11  Sɛnzɛne nee siane gyinlanle bɛ bo zo ne wɔ anwomanyunlu.+ Wɔ ɛda mbaka ne mɔ mɔɔ anwo ta la hɔle.+ Ɛnee wɔ atwɛ ne anwo ta kɛ ɛsɛlɛmanye. 12  Ɛvale ɛya kpole ɛluale azɛlɛ ne azo. Ɛvale ɛya ɛtietiale maanle maanle ne mɔ anwo zo. 13  Ɛhɔle kɛ ɛkalie wɔ menli, kɛ ɛkalie mɔɔ wɔkpokpa ye la. Ɛbɛtɛle ahenle* mɔɔ gyi amumuyɛnli ne sua ne ati la. Ye adiabo mɔɔ kɔdwu ɔ ti zo* la zale guale zo. (Sila) 14  Ɛvale ye kovolɛma akodeɛ* ɛhunle bɛWɔ mekɛ mɔɔ bɛdule bɛrale me nwo zo kɛ bɛba bɛaratete me la. Bɛlile fɛlɛko kpole kɛ bɛbavea bɛahu awie mɔɔ ɛlɛdi nyane la. 15  Ɛvale wɔ mgbɔnwɔ ne mɔ ɛluale nyevile ne anu,Ɛluale azule dɔɔnwo mɔɔ ɛlɛtu la anu. 16  Mendele na me ahonle dule;*Nrɛlaleɛ ne maanle me nloa wosole. Me mbowule nu tutole;+Ɛnee me gyakɛ mɔɔ megyi zo la ɛlɛwoso. Noko mebayɛ koonwu meahendɛ amaneɛnwunlɛ kenle ne,+Ɔluakɛ ɔbara menli mɔɔ teta yɛ la anwo zo. 17  Feege baka ɛnrɛbɔ ndotolo bɔbɔ ɛdeɛ,Yɛɛ bie a vanye mbaka ɛnrɛzo ma;Ɔlivi baka ɛnrɛzo bɔbɔ ɛdeɛ,Yɛɛ bie a bɛnrɛnyia aleɛ wɔ ɛya nu;Mboane baminli avi bɛ tunli nu ɛdeɛ,Yɛɛ bie a nlankɛ bawie bɛ tunli nu; 18  Noko mame, mebali fɛlɛko wɔ Gyihova anu;Me nye balie wɔ me ngoanelielɛ Nyamenle ne anu.+ 19  Tumivolɛ Awulae Gyihova le me anwosesebɛ;+Ɔbamaa me gyakɛ ayɛ kɛ weɛlɛ gyakɛNa yeamaa mealua ɛleka mɔɔ wɔ anwuma la.+

Ɔbodwɛkɛ

Anzɛɛ “nyanelilɛ edwɛne.”
Anzɛɛ ɔkola ɔkile, “wɔ yɛ mekɛ zo.”
Anzɛɛ ɔkola ɔkile, “wɔ yɛ mekɛ zo.”
Anzɛɛ “le ngoanelielɛ.”
Anzɛɛ ɔkola ɔkile, “ɛda mbaka.”
Anzɛɛ ɔkola ɔkile, “Mbusua ne mɔ ɛha ndane.”
Hibulu aneɛ nu, “tile.”
Hibulu aneɛ nu, “ɔ kɔme nu.”
Hibulu aneɛ nu, “mbaka.”
Hibulu aneɛ nu, “na me ko wosole.”