Habakɛke 1:1-17

  • Ngapezonli ne zunle kpondɛle moalɛ (1-4)

    • ‘O Gyihova, kenlenzu?’ (2)

    • “Duzu ati a ɛmaa nzisi nwo adenle a?” (3)

  • Nyamenle dua Kaledeama anwo zo bua ndɛne (5-11)

  • Ngapezonli ne zɛlɛle Gyihova (12-17)

    • ‘Me Nyamenle, ɛnwu’ (12)

    • ‘Ɛle nwuanzanwuanza somaa mɔɔ ɛngola ɛnnea ɛtane’ (13)

1  Nrɛlaleɛ mɔɔ ngapezonli Habakɛke* nyianle ye wɔ ɛnyelɛzodeɛnwunlɛ nu la ɛne:   O Gyihova, menzu memkpondɛ moalɛ ɔhɔdwu kenlenzu na wɔadie me?+ Menvɛlɛ wɔ ɔhɔdwu kenlenzu na wɔalie me wɔavi basabasayɛlɛ nu?+   Duzu ati a ɛmaa menwu ɛtaneyɛlɛ a? Na duzu ati a ɛmaa nzisi nwo adenle a? Duzu ati a ɛmaa menwu ɛzɛkyelɛ nee basabasayɛlɛ ɛ? Na duzu ati a butule nee manzonle ɛbu a?   Yemɔti bɛnli mɛla zo,Yɛɛ bɛnli pɛlepɛle ɛlɛ. Ɔluakɛ amumuyɛma ɛbɔ tenlenema ɛyia;Ɛhye ati a pɛlepɛlelilɛ ɛnyɛ gyima la.+   “Bɛnlea maanle maanle ne mɔ na bɛdie! Bɛnlea ye azibɛnwo nu na bɛmaa ɔyɛ bɛ nwanwane;Ɔluakɛ debie bie bazi bɛ mekɛ zoMɔɔ saa bɛka bɛkile bɛ bɔbɔ a, bɛnrɛlie bɛnrɛli a.+   Ɔluakɛ melɛmaa Kaledeama,+Maanle mɔɔ anwo yɛ ɛzulolɛ na ɔpe la ara. Bɛkɔ azɛlɛ tɛtɛlɛ dɔɔnwo azoNa bɛfa azua mɔɔ ɛnle bɛ ɛdeɛ la.+   Bɛ nwo ka ɛzulolɛ yɛɛ menli sulo bɛ. Bɛdabɛ mumua ne bɛhyehyɛ bɛ mɛla nee bɛ tumililɛ.*+   Bɛ mgbɔnwɔ ne mɔ anwo yɛ ndɛ tɛla sobolɛ,*Yɛɛ bɛ nwo yɛ ɛzulolɛ tɛla bedi mɔɔ ɛvinde nɔsolɛ nu la.+ Bɛ mgbɔnwɔ ne mɔ ɛngyakyi ɛnriandilɛ;Bɛ mgbɔnwɔ ne mɔ vi moamoa a ba a. Bɛtu kɛ kɔleɛ mɔɔ ɛlɛkɔ ahɔhye debie ali la.+   Bɛ muala bɛba kɛ bɛba bɛarayɛ basabasa.+ Bɛ muala bɛlɛkɔ a, bɛle kɛ aduduleɛ anwoma,+Na bɛkye menli dɔɔnwo bɛkuohua bɛ nloa kɛ ɛnwea. 10  Bɛgolo arelemgbunli nwoNa bɛsele maanle mgbanyima.+ Bɛsele sua biala mɔɔ bɛlie nwolɛ bane la;+Bɛkuohua ndɛtɛlɛ bɛsua bane ne na bɛko bɛfa. 11  Akee bɛkɔ bɛ nyunlu kɛ anwoma la na bɛdua azɛlɛ ne azo,Noko bɛbali fɔlɛ,+Ɔluakɛ bɛfa bɛ tumi ne anwo nganvolɛ bɛmaa bɛ nyamenle ne.”*+ 12  O Gyihova, asoo tete ne amuala ɛnee ɛnle ɛkɛ ɔ?+ O me Nyamenle, me Nwuanzanwuanza Ko ne, ɛnwu.*+ O Gyihova, ɛkpale bɛ kɛ bɛbua ndɛne;Me Bodane,+ ɛhyehyɛle bɛ kɛ bɛhwe menli nzo.*+ 13  Ɛ nye le nwuanzanwuanza somaa mɔɔ ɔngola ɔnnea debie ɛtane,Yɛɛ ɛnlie amumuyɛyɛlɛ ɛndo nu.+ Duzu ati a akee ɛmaa mɛlɛbɛla nwo adenle,+Na ɛyɛ koonwu wɔ mekɛ mɔɔ ɛtanevolɛ kɛme awie mɔɔ le tenlenenli tɛla ye la ɛ?+ 14  Duzu ati a ɛyɛ sonla kɛ nyevile nu fɛlɛ,Kɛ ninyɛne mɔɔ twenle bɛ nwo aze mɔɔ bɛnlɛ neavolɛ biala la ɛ? 15  Ɔfa* koba ɔkye ɛhye mɔ amuala. Ɔkye bɛ wɔ ye avonle ne anu,Na ɔboɔboa bɛ nloa wɔ ye asawu nu. Ɛhye ati a ɔ nye die kpole la.+ 16  Ɛhye ati a ɔbɔ afɔle ɔmaa ye avonle neNa ɔbɔ afɔle* ɔmaa ye asawu ne la;Ɔluakɛ bɛdabɛ ti ɔdi aleɛ kpalɛ,*Yɛɛ ɔdi aleɛ mɔɔ ɔkulo la. 17  Asoo ɔbahɔ zo yeayeye fɛlɛ yeavi ye avonle nu ɔ?* Asoo ɔbahɔ zo yeahu maanle maanle ne mɔ mɔɔ ɔnrɛze anwunvɔne ɔ?+

Ɔbodwɛkɛ

Ɔbayɛ kɛ ɔ bo kile “Atuu Kpole.”
Anzɛɛ “enililɛ.”
Ɔle kɛ boboduma la.
Anzɛɛ ɔkola ɔkile, “bɛse bɛ tumi ne a le bɛ nyamenle ne.”
Anzɛɛ ɔkola ɔkile, “yɛnrɛwu.”
Anzɛɛ “bɛhwi menli nyunlu.”
Ɛhye kile, Kaledea kpɔvolɛ ne.
Anzɛɛ “ɔbɔ afɔle ɔmaa ɔkpu esike.”
Hibulu aneɛ nu, “sosɔɔ.”
Anzɛɛ ɔkola ɔkile, “ɔbahɔ zo yeahwe ye konle dadeɛ ne ɔ?”